Kif tiżgura li l-post tiegħek ikun nadif tazza
Spazju nadif huwa l-iktar ħaġa importanti biex toffri servizz ta' 5 stilel int u tilqa' n-nies. Bħala parti mir-regoli bażi għall-Hosts, l-ispazji kollha fuq Airbnb għandhom ikunu nodfa u mingħajr perikli fil-ħin taċ-checkin. L-aħjar Hosts li se jmorru huma dawk li jnaddfu l-aħjar.
Oħloq strateġija għat-tindif
Kemm jekk tnaddaf int stess jew jekk tqabbad lil xi ħadd jgħinek bit-tindif tal-post, importanti ħafna li l-ispazju tiegħek jitnaddaf sewwa ħafna bejn klijent u ieħor.
L-esperjenza sabiħa li jkun qed jistenna l-klijent tisfaxxa jekk isib ix-xagħar fil-kamra tal-banju jew il-platti maħmuġin fis-sink. Xi ħaġa hekk tista' twassal għal review ħażina jew biex il-klijent itemm iż-żjara tiegħu qabel.
Jekk tqabbad lil xi ħadd biex jgħinek bit-tindif, agħmel it-tindif darba int biex tkun taf eżatt x'għandu jsir. Ara li bejn booking u ieħor tħalli biżżejjed ħin biex il-post ikun jista' jitnaddaf sew. Ara li jkollok persuna oħra li tista' tgħinek tnaddaf jew xi għażla oħra li tista' sserraħ fuqha f'każ li l-persuna ewlenija li tieħu ħsieb it-tindif xi darba ma tkunx tista' taqdik.
Int u tibni l-istrateġija tiegħek, ipprova dal-pariri mogħtija minn Hosts oħra:
- Ibda billi tneħħi u taħsel il-lożor u l-bjankerija tas-sodod biex int u tnaddaf, il-magna tal-ħasil tilħaq tlestihom u tkun tista' taħsel iktar ħwejjeġ jekk ikun meħtieġ.
- Naddaf u farfar l-uċuħ kollha u ara li ma tinsiex ħwejjeġ li jintmissu ħafna bħar-remotes u l-pumi tal-bibien.
- Agħmel is-sodod, ibdel ix-xugamani, irranġa l-kutri u l-imħaded u neħħi t-tnietex minn mal-bjankerija kollha.
- Jekk it-temp ikun tajjeb, int u tnaddaf iftaħ it-twieqi biex tħalli ftit arja friska tidħol.
- Stenna sal-aħħar biex tiknes u taħsel l-art ħalli tiġbor it-trab u l-frak kollu li jkun waqa' int u tnaddaf.
Imxi ma' diċ-checklist għat-tindif
- Farfar u naddaf l-uċuħ kollha.
- Iknes jew għaddi bil-vacuum cleaner u aħsel l-art kollha.
- Ara li fil-post ma jkunx hemm insetti, ħlejjaq mhux mixtieqa, għanqbut, moffa u tbajja'.
- Ara li l-lożor u x-xugamani kollha jkunu nodfa, friski u mingħajr tbajja'.
- Ara li s-sodod ikunu magħmulin, li l-imħaded ikunu tħabbtu u li ma jkollhom ebda tnietex.
- Ara li t-toilets, is-sinkijiet, id-doċoċ u l-banjijiet ikunu nodfa u diżinfettati.
- Ara li x-shampoo, is-sapun tal-ġisem, is-sapun tal-idejn u s-sapun tal-platti jkunu mimlija.
- Ara li kull ħaġa personali tinħażen f'post fejn ma jarawhiex il-klijenti.
- Ara li l-platti, l-għodod kollha tat-tisjir u l-pożati jkunu nodfa u stivati f'posthom.
- Ara li l-appliances kollha tal-kċina, fosthom il-friġġ, il-cooker u l-forn ikunu nodfa u lesti biex jintużaw. M'għandekx tħalli ikel miftuħ fil-friġġ.
- Ara li toħroġ iż-żibel kollu.
- Ara li l-ispazju jinxtamm nadif u frisk.