Kif toffri żjara ta' 5 stilel

Ara li d-deskrizzjoni tal-listing tiegħek tagħti stampa kompluta u ċara tal-post tiegħek.

• Tesaġerax il-vantaġġi tal-post. Semmi kemm it-tajjeb kif ukoll dak kollu li mhux tas-soltu. Semmi kemm il-fireplace u l-hot tub kif ukoll l-art li żżaqżaq jew l-istorbju tat-triq.

• Tella' ritratti ta' kwalità għolja u uża l-captions biex issemmi dawk l-affarijiet li jafu jdejqu lill-klijenti. Nissuġġerulek ittella' tnejn jew tliet ritratti għal kull kamra jew żona u li ma tinsiex turi xi kumdità popolari li jaf ikollok.

• Tużax ritratti meħuda minn angoli wiesgħa żżejjed jew bidliet fir-ritratti biex turi l-ispazju ikbar jew iktar imdawwal milli hu.

Żomm dejjem f'moħħok li jekk il-klijenti jkunu jeħtieġu xi ħaġa huma u joqogħdu fil-post tiegħek, lilek biss jistgħu jikkuntattjaw.

• Ħu r-riedni f'idejk u ara li qabel iċ-checkin, il-klijenti għandhom dak kollu li jeħtieġu (pereżempju d-direzzjonijiet u l-istruzzjonijiet ta' kif għandhom jidħlu fil-post).

• Wieġeb mingħajr telf ta' ħin il-messaġġi tal-klijenti.

• Biex kulħadd iħossu milqugħ, fil-messaġġi tiegħek għandek tuża kliem inklussiv.

• Uża l-app ta' Airbnb u għodod bħalma huma t-tweġibiet ta' malajr u l-messaġġi awtomatiċi biex tħaffef il-komunikazzjoni bejnietkom.

• Ibgħat l-istruzzjonijiet taċ-checkin mill-inqas 24 siegħa qabel il-ħin li l-klijenti jkunu mistennija jaslu biex b'hekk ikollhom ċans jaqrawhom u jistaqsuk il-mistoqsijiet li jaf ikollhom. Dil-ħaġa hija importanti ħafna għall-klijenti bi ħtiġijiet tal-aċċessibbiltà.

Xi drabi d-differenza bejn review ta' erba' stilel u ħames stilel tiddependi biss fuq dettalji żgħar.

• L-indafa hija l-iktar ħaġa importanti. Ara li l-art u l-uċuħ u t-tessuti kollha huma nodfa u mingħajr trab. Ara li ma jkunx tħalla xi xagħar wara t-tindif jew trab jew ħmieġ ieħor. Anki jekk il-post tiegħek m'hawnx bħalu, irid ikun nadif tazza biex jikseb reviews ta' ħames stilel.

• Ibni rabta mal-klijenti billi tħalli messaġġ ta' merħba fil-post jew tibgħat messaġġ ta' merħba mill-app.

• Il-post tiegħek għandu jinħass bħal dar. Jekk għandek kċina, ara li jkollha l-borom u t-twaġen, xi kuċċarun jew tnejn u l-oġġetti essenzjali għat-tisjir.

• Affarijiet żgħar jagħmlu differenza kbira—tista' pereżempju tħalli ftit kafè jew te fil-post jew anki kutra fuq xi sufan.

Bħala parti mir-regoli bażi għall-Hosts, m'għandekx tikkanċella bookings ikkonfermati. Jekk ma tkunx tista' tagħmel mod ieħor, għandek tikkanċella malajr kemm jista' jkun. Jekk teħtieġ xi għajnuna, ikkuntattja lil Airbnb.