Kif toħloq żjara ta' 5 stilel
Tħejjija bi ħsieb hija s-sies ta' żjara ta' livell ta' 5 stilel. Uża dil-gwida b'ħames passi biex tgħinek tibda.
L-ewwel pass: Kif tfiehem lill-klijenti x'għandhom jistennew u x'tistenna mingħandhom
Oħloq listing onest li jħajjar lin-nies jibbukkjawh.
Agħti lill-klijenti stampa ċara ta' dak li se jsibu. Agħti d-dettalji dwar il-viċinat u l-kumditajiet tal-post biex tgħin lill-klijenti jifhmu jekk il-post tiegħek jgħoddx għalihom jew le.
Żomm il-listing tiegħek aġġornat. Dan ifisser li timmarka l-kumditajiet il-ġodda u tara li r-ritratti dejjem qed jagħtu stampa ċara tal-post. Xi Hosts saħansitra jibdlu r-ritratti tal-listing skont iż-żmien tas-sena.
"Semmi b'mod ċar u preċiż kull ħaġa mhux tas-soltu li hemm fil-post tiegħek," tgħid Nikki, Superhost ġewwa San Francisco. "Jeħtieġlek tipprova tifhem lill-klijenti. Għandek tkun ġenwin biżżejjed biex tgħin lill-klijenti tiegħek jagħżlu l-propjetà li jixtiequ."
It-tieni pass: Kif toħloq proċess taċ-checkin u taċ-checkout ħafif
Il-klijenti jfittxu li l-wasla u l-ħruġ mill-post ikunu bla xkiel.
Ikteb istruzzjonijiet taċ-checkin ċari. Fisser il-proċess pass pass u agħti d-dettalji kollha li jistgħu jkunu ta' siwi għall-klijenti bħal, ngħidu aħna, ritratti jew mappa mmarkata bil-vleġeġ.
Naqqas kemm jista' jkun il-biċċiet tax-xogħol għaċ-checkout. L-istruzzjonijiet tiegħek għandhom ikunu kemm jista' jkun ħfief biex twettaqhom. Għarraf lill-klijenti kif għandhom isakkru l-bieb huma u ħerġin.
"Aħna nżommu l-proċess taċ-checkout tagħna kemm jista' jkun ħafif," jgħid Keshav, membru tal-Bord Konsultattiv tal-Hosts u Superhost ġewwa New Delhi, l-Indja. "Min inaddfilna l-post jieħu ħsieb kollox biex il-klijenti ma jkollhom għalfejn jagħmlu xejn iktar."
It-tielet pass: Kif tagħti merħba sabiħa
Aħseb ftit kif se jħossuhom il-klijenti meta jidħlu fl-ispazju tiegħek u x'tifkiriet se jieħdu magħhom meta jħallu l-post.
Fassal post li jilqgħek. Tista' tagħmel hekk billi tuża l-cushions u l-kutri. Ħejji post fejn il-klijenti jistgħu jħallu ħwejjiġhom.
Uri l-komunità tiegħek. Nissuġġerulek iżżejjen bl-arti tal-post jew tħalli lill-klijenti xi ħaġa tal-ikel tradizzjonali. Semmi l-iktar postijiet li tħobb iżżur fi gwida tal-ivvjaġġar.
Kun hemm għall-klijenti. Għarraf lill-klijenti li dejjem se tkun hemm għalihom. Itlob li tirċievi n-notifikazzjonijiet meta l-klijenti jibagħtulek xi messaġġ.
"L-iktar ħaġa importanti hi li l-klijenti jħossuhom komdi fl-ispazju tiegħek," tgħid Catherine, Superhost ġewwa Columbus, Ohio. "Neħħi kull ħaġa li minħabba fiha l-klijenti jafu ma jħossuhomx qishom f'darhom."
Ir-raba' pass: Kif tħejji ruħek għal dak li jista' jinqala'
Aħseb ftit fuq kif iġġib ruħek jekk jinqalgħu l-problemi matul iż-żjara ta' klijent.
Ixtri biżżejjed prodotti għal li jista' jinqala'. Ħalli apparat għat-tifi tan-nar, kaxxa tal-ewwel għajnuna u torċ fl-ispazju tiegħek. Aqsam in-numri tat-telefown tal-emerġenzi f'każ li l-klijenti jkunu jeħtieġu xi għajnuna.
Ifhem il-ħarsien li għandek. AirCover għall-Hosts jagħtik ħarsien komplut, dejjem u bla ħlas.
- Sib grupp ta' nies li jistgħu jgħinuk. Sib grupp ta' nies li jistgħu jgħinuk iżżomm il-post. Żid Co-Host biex isserraħ moħħok li dejjem se jkun hemm xi ħadd biex iwieġeb lill-klijenti.
Il-ħames pass: Kif tikteb u tikseb ir-reviews
Ir-ratings u r-reviews jistgħu jgħinuk ittejjeb l-offerta tiegħek u tgħin lill-klijenti jafdawk dejjem iktar.
- Ikteb reviews dwar il-klijenti tiegħek. Din l-opportunità li tgħidilhom kemm tapprezza l-fatt li għażlu l-post tiegħek, biex taqsam il-ħsibijiet u l-kummenti tiegħek magħhom u biex tfakkar lill-klijenti jiktbu review dwarek. Wara ċ-checkout, il-Hosts u l-klijenti għandhom 14-il jum ċans biex jiktbu review dwar xulxin.
- Agħti kas ir-ratings bl-istilel. Il-klijenti jistgħu jagħtu rating ġenerali dwar iż-żjara kollha u jistgħu jagħtuk ukoll rating bl-istilel għall-indafa, għall-preċiżjoni, għaċ-checkin, għal kif tikkomunika magħhom, għall-post fejn jinsab il-listing u għall-valur.
- Wieġeb ir-reviews. Uża t-tweġiba biex turi li dejjem lest/a ttejjeb is-servizz tiegħek. Jekk twieġeb review pubblika li jkun kitiblek klijent, it-tweġiba tiegħek se tintwera eżatt taħt ir-review.
"Importanti li tagħti kas ir-reviews tal-klijenti," tgħid Sadie, Superhost ġewwa Santa Fe, New Mexico. "Il-klijenti fl-aħħar mill-aħħar jixtiquk tagħti żjarat ta' ħames stilel."
Jekk għadek ma ksibtx l-ewwel booking tiegħek, tista' titlob Superhost biex jgħinek direttament. Is-Superhosts l-aqwa Hosts li għandna fuq Airbnb u huma dawk bl-ikbar esperjenza.
L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.