Kif tiċċekkja l-prezz tal-listing tiegħek

Il-prezz suġġerit waqt Airbnb Setup jiddependi minn għadd ta' fatturi fosthom il-post fejn jinsab il-listing, il-kumditajiet tiegħu u d-domanda mill-klijenti għal listings li jixbhuh. Il-prezz li titlob se jkun dejjem f'idejk u meta trid tista' tibdlu.

Jaf titlef il-bookings jekk għal-listing tiegħek titlob prezz ogħla minn ta' listings oħra li jixbhuh fil-qrib. Agħti ħarsa lejn il-prezz tiegħek issa u qis għandekx tibdlu biex tkun tista' tilħaq l-għanijiet tiegħek iktar ta' sikwit.

Meta tifhem id-domanda għall-postijiet fiż-żona tiegħek, tifhem aħjar x'jista' jkun prezz kompetittiv għal-listing tiegħek.

Iftaħ il-kalendarju tal-listing tiegħek biex issib fuq mappa l-medja tal-prezzijiet tal-listings fil-qrib li jixbhuh. Għad-dati li tagħżel tista' tagħżel li nuruk biss il-postijiet ibbukkjati jew dawk li mhux ibbukkjati. Inqisu għadd ta' fatturi, fosthom il-post fejn jinsab, id-daqs, il-faċilitajiet u l-kumditajiet, biex nifhmu liema listings jixbhu lil tiegħek.

"Nemmen iktar fil-prezz li nitlob meta nkun naf x'inhu jiġri fiż-żona tiegħi," tgħid Felicity, membri tal-Bord Konsultattiv tal-Hosts u Superhost ġewwa New South Wales, l-Awstralja. "Inkun naf meta qed nitlob prezz ġust u meta m'għandix ninnegozja jew jekk għandix inbaxxi l-prezz."

Int u tagħżel il-prezz ta' kull lejl għal-listing tiegħek żomm f'moħħok dawn li ġejjin:

• Ix-xejriet għaż-żmien tas-sena. Tista' taddatta l-prezz li titlob għad-domanda mill-klijenti. Lisa, Superhost ġewwa Accord, New York, tgħid li titlob iktar flus fis-sajf għax fil-post hemm pixxina. Tgħid ukoll li fix-xitwa tbaxxi l-prezz biex "ikollha bookings deħlin is-sena kollha".

• Il-prezz totali li jintalbu jħallsu l-klijenti. Dan jiġbor fih it-tariffi tas-servizz ta' Airbnb, it-taxxi u t-tariffi l-oħra bħal, ngħidu aħna, it-tariffa għat-tindif jew it-tariffa għall-pets. Agħżel data mill-kalendarju tiegħek u aħna nagħtuk rendikont tal-prezz flimkien mal-prezz aħħari li se jintalbu jħallsu l-klijenti.

• Il-valur tal-post tiegħek. Tista' tħajjar iktar klijenti jibbukkjaw il-post tiegħek billi tkompli ttejjeb il-post tiegħek. "Id-disinn u l-kumditajiet tal-post tiegħek għandhom rabta kbira mal-prezz li tista' titlob u l-għadd ta' bookings li tikseb," tgħid Katie Kay, membru tal-Bord Konsultattiv tal-Hosts u Superhost ġewwa Lake Arrowhead, California.

Il-Prezzijiet Intelliġenti jistgħu jgħinuk tibdel awtomatikament il-prezzijiet tiegħek. L-għodda tqis mijiet ta' fatturi biex, ta' sikwit, tibdel il-prezz tal-listing tiegħek skont id-domanda. Int tagħżel biss l-irħas u l-ogħla prezz li tixtieq titlob u jekk tixtieq tista' tixgħel jew titfi l-għodda jum b'jum.

Biex iħajru lill-klijenti jibbukkjaw il-listings tagħhom, xi Hosts jibdew billi jitolbu prezz baxx sakemm ikollhom għadd mhux ħażin ta' reviews. L-offerti u l-prezzijiet imraħħsa jistgħu wkoll jgħinu jħajru lill-klijenti jibbukkjaw dak il-listing. Fosthom:

• Offerta ta' listing ġdid. Raħħas il-prezz ta' kull lejl tal-listing tiegħek b'20% għall-ewwel tliet bookings. Dil-ħaġa tista' tgħinek tikseb ir-reviews iktar malajr.

• Skont għal min jibbukkja kmieni. Tista' tagħżel kemm il-klijenti għandhom jibbukkjaw bil-quddiem, minn xahar sa 24 xahar qabel iċ-checkin.

• Skont tal-aħħar minuta. Imla l-kalendarju tiegħek fl-aħħar ftit żmien, minn jum sa 28 jum qabel iċ-checkin.

• Skontijiet għal bookings ta' ġimgħa u għal bookings ta' xahar. Raħħas il-prezz totali b'perċentwali għal bookings ta' mill-inqas sebat iljieli u għal bookings ta' mill-inqas 28 lejl.

"Sibt li meta nraħħas il-prezz għall-bookings ta' ġimgħa u għall-bookings ta' xahar, jidħluli bookings itwal," jgħid Daniel, membru tal-Bord Konsultattiv tal-Hosts u Superhost ġewwa l-Gżejjer Kanarji, Spanja. "Ħafna drabi l-klijenti jispiċċaw jibbukkjaw għal ġimgħa u lili jispiċċa jaqbilli."

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.