Kif tiċċekkja l-prezz tal-listing tiegħek

Int tagħżel il-prezz bażi tal-listing tiegħek minn Airbnb Setup. Ibda bi prezz iktar baxx li jgħinek tħajjar lill-ewwel klijenti jibbukkjaw, tikseb l-ewwel reviews u toqrob lejn l-għanijiet tad-dħul tiegħek. Biex tibqa' kompetittiv, iċċekkja l-prezzijiet li qed titlob ta' sikwit.

Jaf titlef il-bookings jekk għal-listing tiegħek titlob prezz ogħla minn ta' listings oħra li jixbhuh fil-qrib. L-għodod tal-prezzijiet ta' Airbnb jistgħu jgħinuk taddatta għall-bidliet fid-domanda. Fosthom hemm:

• Suġġerimenti għall-prezzijiet ta' kull lejl. Is-suġġerimenti personalizzati jgħinuk titlob prezz differenti skont il-jiem, iż-żmien tas-sena u l-avvenimenti speċjali. Dal-pariri jqisu fatturi bħall-post fejn jinsab il-listing u l-kumditajiet, il-bookings tal-imgħoddi u l-prezzijiet li qed jintalbu fiż-żona tal-listing tiegħek. Agħfas fuq il-bakketta fuq il-kalendarju tal-listing biex turihom jew taħbihom.
• Listings li jixbhu lil tiegħek: Dil-għodda tgħinek tqabbel il-prezz medju tal-listings ibbukkjati u mhux ibbukkjati fuq mappa li turi ż-żona tal-listing tiegħek. Biex issib il-listings li jixtiebhu, agħżel id-dati li tixtieq fuq il-kalendarju jew il-prezz bażi mis-settings tal-prezz.
• Prezzijiet Intelliġenti: Dil-għodda tqis l-istess fatturi li nqisu għall-pariri tal-prezzijiet biex tibdel il-prezz tal-listing tiegħek awtomatikament skont id-domanda fiż-żona. Int tagħżel il-firxa tal-prezzijiet li tixtieq u mbagħad tiftaħ is-settings tal-prezzijiet tal-listing biex tixgħel jew titfi l-faċilità għad-dati li tixtieq. Mhux se nuruk il-pariri tal-prezzijiet jekk tuża l-faċilità tal-Prezzijiet Intelliġenti.

"Nemmen iktar fil-prezz li nitlob meta nkun naf x'inhu jiġri fiż-żona tiegħi," tgħid Felicity, Superhost ġewwa New South Wales, l-Awstralja. "Inkun naf meta qed nitlob prezz ġust u meta m'għandix ninnegozja jew jekk għandix inbaxxi l-prezz."

Il-klijenti jixtiequ postijiet fejn toqgħod ta' kwalità b'valur mill-aqwa għal flushom. Int u tagħżel il-prezz ta' kull lejl għal-listing tiegħek żomm f'moħħok dawn li ġejjin:

• Il-prezz totali li se jintalbu jħallsu l-klijenti. Jekk tifhem xi prezz se jintalbu jħallsu l-klijenti, tista' titlob prezz kompetittiv. Biex tikseb rendikont tal-prezz, fosthom it-tariffi tas-servizz ta' Airbnb, agħżel id-dati li tixtieq mill-kalendarju tiegħek. Żomm f'moħħok li t-tariffi kollha li żżid, bħat-tariffa għat-tindif, iżidu mal-prezz totali.
• Reviews tal-klijenti. Uża l-kummenti u l-ħsibijiet tal-klijenti biex tifhem x'sejjer tajjeb u x'tista' ttejjeb. Wara li tikseb xi reviews tajbin, nissuġġerulek terġa' tqis il-prezz li qed titlob.
• Xi ssib fil-post tiegħek. Agħmel il-bidliet, bħal li żżid il-kumditajiet imfittxija u l-faċilitajiet tal-aċċessibbiltà biex tgħin tħajjar lill-klijenti jagħżlu l-post tiegħek.

"Id-disinn u l-kumditajiet tal-post tiegħek għandhom rabta kbira mal-prezz li tista' titlob u l-għadd ta' bookings li tikseb," tgħid Katie Kay, membru tal-Bord Konsultattiv tal-Hosts u Superhost ġewwa Lake Arrowhead, California.

L-offerti u l-iskontijiet jistgħu jgħinuk ittejjeb il-post fejn jintwera l-listing tiegħek fir-riżultati tat-tiftix u tħajjar lill-klijenti jibbukkjaw il-listing tiegħek. Fost l-għażliet hemm:

• Offerta ta' listing ġdid. Raħħas il-prezz b'20% għall-ewwel 3 bookings f'listing ġdid biex tkunlek eħfef tikseb l-ewwel klijenti u reviews għal-listing.
• Skont għal min jibbukkja kmieni. Biex tħajjar lill-klijenti li jibbukkjaw bil-quddiem jibbukkjaw il-listing, raħħas il-prezz li titlob għall-bookings li jsiru bejn xahar u 24 xahar bil-quddiem.
• Skont tal-aħħar minuta. Raħħas il-prezzijiet għall-bookings li jsiru bejn jum u 28 jum qabel iċ-checkin biex jgħinuk timla l-iljieli battala fil-kalendarju tal-listing.
• Skontijiet għaż-żjarat ta' ġimgħa u ż-żjarat ta' xahar. Agħti skontijiet għaż-żjarat itwal biex jgħinuk timla l-kalendarju tal-listing tiegħek iktar malajr u tnaqqas id-drabi li jkollok tħejji l-post mill-ġdid għall-klijenti l-ġodda.

"Sibt li meta nraħħas il-prezz għall-bookings ta' ġimgħa u għall-bookings ta' xahar, jidħluli bookings itwal," jgħid Daniel, Superhost ġewwa l-Gżejjer Kanarji, Spanja. "Ħafna drabi l-klijenti jispiċċaw jibbukkjaw għal ġimgħa u lili jispiċċa jaqbilli."

Jekk tuża l-offerta ta' listing ġdid jew tagħti skont għall-bookings ta' ġimgħa u ta' xahar ta' mill-inqas 10%, se nuru messaġġ speċjali ħdejn il-listing tiegħek fir-riżultati tat-tiftix u fuq il-paġna tal-listing tiegħek.

Il-prezzijiet li titlob u s-settings l-oħra tal-listing tiegħek dejjem se jkunu f'idek. Ir-riżultati li tikseb jafu jvarjaw.

Ħallasna lill-hosts għas-sehem tagħhom fl-istħarriġ.

L-іnfоrmаzzјоnі f'dаl‐аrtіklu tаf lаħqеt іnbіdlеt mіnn mеtа ġіе ррubblіkаt.