Kif tikkontrolla l-prezzijiet tal-listing tiegħek

Skont id-dejta li ġbarna, il-listings li biddlu l-prezz tagħhom mill-inqas erba' darbiet fis-sena kellhom 30% iktar iljieli bbukkjati meta mqabbla ma' dawk li m'għamlux hekk.* Meta tagħti skont, taf ittejjeb il-post fejn il-listing tiegħek jintwera fir-riżultati ta' Airbnb.

Xi Hosts b'iktar minn listing wieħed qalulna li ma jibdlux il-prezzijiet tal-listings tagħhom ta' sikwit għax hija xi ħaġa li teħdilhom ħafna ħin. Ir-roħsijiet huma mod ħafif kif tibdel il-prezz ta' kull lejl tal-listing tiegħek f'ċerti każijiet u s-settijiet tar-regoli jgħinuk taddatta l-istrateġija tal-prezz tal-listing tiegħek b'mod effiċjenti.

Tista' tħejji l-iskontijiet għal-listing tiegħek direttament mill-kalendarju tal-listing tiegħek jew mit-tab Opportunitajiet. Qis il-benefiċċji ta' kull skont biex tifhem liema huma l-iktar addattati għal-listings tiegħek.

• Skont skont it-tul taż-żjara: Agħti skont għall-bookings kollha bejn jumejn u tnax-il ġimgħa, anki billi tuża l-iskontijiet għall-bookings ta' ġimgħa u għall-bookings ta' xahar. Dil-ħaġa tista' ttawwal it-tul medju ta' booking għal-listings tiegħek kollha u tnaqqas l-għadd ta' drabi li jkollok tħejji l-post bejn klijent u ieħor.
• Skont tal-aħħar minuta: Raħħas il-prezz li titlob għal kull lejl hekk kif id-data taċ-checkin tibqa' toqrob. Dil-ħaġa tgħinek iżżid id-dħul u tikseb il-bookings għall-iljieli li jkunu għadhom battala. Għal skontijiet ta' mill-inqas 10%, il-klijenti se jaraw messaġġ speċjali fuq il-listing tiegħek.
• Skont għal min jibbukkja kmieni: Żid skont għall-bookings li jsiru minn xahar sa 24 xahar bil-quddiem biex tikseb biżżejjed bookings għax-xhur li ġejjin. Għal skontijiet ta' mill-inqas 3%, il-klijenti se jaraw messaġġ speċjali fuq il-listing tiegħek.
• Offerta ta' listing ġdid: Raħħas il-prezz tal-booking b'20% għall-ewwel tliet bookings ta' listing ġdid. B'hekk il-listings tiegħek jistgħu jiksbu l-bookings u r-reviews iktar malajr.
• Offerta personalizzata: Int tagħżel id-dati u l-perċentwali ta' roħs li tixtieq tagħti. Għal skontijiet ta' mill-inqas 15%, il-klijenti se jaraw messaġġ speċjali fuq il-listing tiegħek.
• Skont għall-bookings li ma jitħallsux lura: Minbarra l-politika ta' kanċellazzjoni tiegħek, tista' traħħas il-prezz b'10% u żżomm flusek anki jekk il-klijent jikkanċella l-booking.

Fejn il-klijenti jintwerew il-prezzijiet imraħħsa jiddependi mill-perċentwali tar-roħs.

• Mill-inqas 1%: Il-klijenti jingħataw rendikont tal-iskont fuq il-listing bħala daħla taħt il-prezz (jekk ma jkunux qed jintwerew il-prezz totali tal-listing) u meta jiġu biex iħallsu. Dil-ħaġa ma tgħoddx għall-iskontijiet tal-aħħar minuta.

• Mill-inqas 10%: Il-klijenti jintwerew il-prezz ta' kull lejl li qed titlob għal-listing tiegħek ingassat fir-riżultati tat-tiftix u fuq il-listing tiegħek kif ukoll dak kollu msemmi iktar 'il fuq.

• 20% jew iktar: Il-klijenti li dan l-aħħar kienu qed ifittxu għal-listings fiż-żona tiegħek jafu jsibu l-listing tiegħek enfasizzat f'waħda mill-email ta' Airbnb kif ukoll dak kollu msemmi iktar 'il fuq.

Id-dejta li kellna sa Novembru tal-2023 kienet turi li kwart tal-iljieli bbukkjati għal żjarat fit-tul kienu parti minn booking ta' mill-inqas tliet xhur. Ħafna drabi l-klijenti li jkunu jixtiequ jibbukkjaw żjarat fit-tul ifittxu listings bi prezzijiet imraħħsa.

Jekk ma tixtieqx traħħas l-iljieli kollha disponibbli, is-settijiet tar-regoli jgħinuk tibdel il-prezz ta' kull lejl u s-settings tal-kalendarju tal-listing skont ċerti kundizzjonijiet. Tista' tuża s-settijiet tar-regoli tiegħek għal listing wieħed jew għal għadd ta' listings.

Qis iż-żmien tas-sena int u taħseb kif tuża s-settijiet tar-regoli. Ejja ngħidu li d-domanda fiż-żona tiegħek tinbidel skont l-istaġuni. Tista' toħloq sett ta' regoli li jibdel is-settings tiegħek f'dawk iż-żminijiet tas-sena li l-bookings ikunu kemxejn kajmana. Biex tħajjar lill-klijenti jibbukkjaw id-dati li jkollok disponibbli, tista' tagħżel li toffri skontijiet għal min jibbukkja kmieni u skontijiet skont it-tul taż-żjara, iżżid l-itwal għadd ta' ljieli għal booking u toffri bookings għal dakinhar stess.

F'sett ta' regoli, minbarra l-iskontijiet tista' tibdel ukoll dawn is-settings tad-disponibbiltà.

• It-tul tal-booking: Agħżel l-inqas u l-itwal bookings li taċċetta, li tista' taddattahom skont il-jum.
• Iċ-checkin u ċ-checkout: Agħżel il-jiem li fihom il-klijenti jistgħu jagħmlu ċ-checkin u ċ-checkout.

Biex tuża s-settijiet tar-regoli, ara li għażilt li tuża l-għodod tal-hosting professjonali. (Dawn l-għodod jinxtegħlulek awtomatikament jekk għandek mill-inqas sitt listings.) Dal-għodod jistgħu jintużaw biss mill-kompjuter.

Hekk kif jintuża sett ta' regoli, se jieħu post il-prezzijiet ta' kull lejl u s-settings tad-disponibbiltà, fosthom il-Prezzijiet Intelliġenti, li jkun hemm fis-seħħ.

Kif toħloq sett ta' regoli ġdid:

1. Iftaħ il-Multi-kalendarju tiegħek.
2. Agħżel id-dati li tixtieq tuża s-sett tar-regoli għalihom.
3. Agħżel ir-regoli mill-pannell.
4. Ikklikkja fuq Oħloq sett ta' regoli ġdid.
5. Agħżel isem għas-sett tar-regoli tiegħek (bħal, ngħidu aħna, "Xhur tas-sajf").
6. Ikklikkja fuq Ippersonalizza ħdejn ir-regola li tixtieq iżżid.
7. Agħżel il-prezz li tixtieq titlob u r-regoli tad-disponibbiltà.
8. Ikklikkja fuq Issejvja.
9. Biex tneħħi regola kklikkja fuq Ikkanċella.

Biex tibdel xi sett ta' regoli li diġà jeżisti:

1. Iftaħ il-Multi-kalendarju tiegħek.
2. Ikklikkja fuq settijiet ta' regoli.
3. Niżżel il-paġna 'l isfel sakemm issib is-sett ta' regoli li tixtieq tibdel u mbagħad ikklikkja fuq Editja.

*Skont id-dejta interna għal-listings attivi li Airbnb kienet ġabret sa Lulju tal-2022

Jekk tuża software li jaqbad mal-pjattaforma tagħna bl-API, jekk l-operatur tas-software tiegħek żied dawn il-faċilitajiet, se tkun tista' tużahom direttament minn dak is-software. Jekk le, ikteb lill-operatur tas-software tiegħek biex issir taf meta se tkun tista' tibda tużahom. L-offerti personalizzati jistgħu jintużaw biss direttament mill-pjattaforma ta' Airbnb. Xi faċilitajiet speċjali bħal, ngħidu aħna, il-prezzijiet ingassati, jafu ma jintwerewx għall-offerti f'ċerti postijiet.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.