Kif tikkontrolla l-prezzijiet tal-listing tiegħek
Skont id-dejta li ġbarna, il-listings li biddlu l-prezz tagħhom mill-inqas erba' darbiet fis-sena kellhom 30% iktar iljieli bbukkjati meta mqabbla ma' dawk li m'għamlux hekk.*
Xi Hosts b'iktar minn listing wieħed qalulna li ma jibdlux il-prezzijiet tal-listings tagħhom ta' sikwit għax hija xi ħaġa li teħdilhom ħafna ħin. Ir-roħsijiet huma mod ħafif kif tibdel il-prezz ta' kull lejl tal-listing tiegħek f'ċerti każijiet u s-settijiet tar-regoli jgħinuk taddatta l-istrateġija tal-prezz tal-listing tiegħek b'mod effiċjenti.
Kif tagħżel l-iskontijiet
Qis il-benefiċċji ta' kull skont biex tifhem liema huma l-iktar addattati għal-listings tiegħek.
- Skont skont it-tul taż-żjara: Raħħas il-prezz tal-listing tiegħek għal bookings ta' bejn jumejn u 12-il ġimgħa. Dil-ħaġa tista' żżid il-medja tat-tul tal-bookings għal-listings tiegħek kollha, tnaqqas l-għadd ta' klijenti li jaslu u jħallu l-post u tgħinek ittejjeb il-post fejn jintwera l-listing tiegħek fir-riżultati tat-tiftix ta' Airbnb.
- Skont tal-aħħar minuta: Raħħas il-prezz ta' kull lejl tal-listing tiegħek iktar ma toqrob id-data taċ-checkin. Dil-ħaġa tgħinek timla l-iljieli li jkunu għadhom mhux ibbukkjati u żżid id-dħul.
- Skont għal min jibbukkja kmieni: Żid skont għall-bookings li jsiru bejn xahar u 24 xahar qabel id-data taċ-checkin u serraħ moħħok mill-bookings għall-ġejjieni.
- Offerta ta' listing ġdid: Raħħas il-prezz tal-booking b'20% għall-ewwel tliet bookings ta' listing ġdid. B'hekk il-listings tiegħek jistgħu jiksbu l-bookings u r-reviews iktar malajr.
Fejn il-klijenti jintwerew il-prezzijiet imraħħsa jiddependi mill-perċentwali tar-roħs.
- 1% jew iktar: Jekk ma jkunux għażlu li jintwerew il-prezz totali, il-prezz imraħħas jintwera lill-klijenti fir-rendikont tal-pagament għal-listings tiegħek u meta jiġu biex iħallsu.
- 10% jew iktar: Il-prezz imraħħas jintwera lill-klijenti fir-riżultati tat-tiftix, ħdejn il-prezz oriġinali maqtugħ kif ukoll f'kull post imsemmi iktar 'il fuq.
- 20% jew iktar: Il-klijenti li dan l-aħħar kienu qed ifittxu għal-listings fiż-żona tiegħek jafu jsibu l-listing tiegħek enfasizzat f'waħda mill-email ta' Airbnb kif ukoll f'kull post imsemmi iktar 'il fuq.
Id-dejta li kellna sa Novembru tal-2023 kienet turi li kwart tal-iljieli bbukkjati għal żjarat fit-tul kienu parti minn booking ta' mill-inqas tliet xhur. Ħafna drabi l-klijenti li jkunu jixtiequ jibbukkjaw żjarat fit-tul ifittxu listings bi prezzijiet imraħħsa.
Kif tuża s-settijiet tar-regoli tal-prezzijiet u tad-disponibbiltà
Jekk ma tixtieqx traħħas l-iljieli kollha disponibbli, is-settijiet tar-regoli jgħinuk tibdel il-prezz ta' kull lejl u s-settings tal-kalendarju tal-listing skont ċerti kundizzjonijiet. Tista' tuża s-settijiet tar-regoli tiegħek għal listing wieħed jew għal għadd ta' listings.
Qis iż-żmien tas-sena int u taħseb kif tuża s-settijiet tar-regoli. Ejja ngħidu li d-domanda fiż-żona tiegħek tinbidel skont l-istaġuni. Tista' toħloq sett ta' regoli li jibdel is-settings tiegħek f'dawk iż-żminijiet tas-sena li l-bookings ikunu kemxejn kajmana. Biex tħajjar lill-klijenti jibbukkjaw id-dati li jkollok disponibbli, tista' tagħżel li toffri skontijiet għal min jibbukkja kmieni u skontijiet skont it-tul taż-żjara, iżżid l-itwal għadd ta' ljieli għal booking u toffri bookings għal dakinhar stess.
F'sett ta' regoli, minbarra l-iskontijiet tista' tibdel ukoll dawn is-settings tad-disponibbiltà.
- It-tul tal-booking: Agħżel l-inqas u l-itwal bookings li taċċetta, li tista' taddattahom skont il-jum.
- Iċ-checkin u ċ-checkout: Agħżel il-jiem li fihom il-klijenti jistgħu jagħmlu ċ-checkin u ċ-checkout.
Kif toħloq is-settijiet tar-regoli
Biex tuża s-settijiet tar-regoli, ara li għażilt li tuża l-għodod tal-hosting professjonali. (Dawn l-għodod jinxtegħlulek awtomatikament jekk għandek mill-inqas sitt listings.) Dal-għodod jistgħu jintużaw biss mill-kompjuter.
Kif toħloq sett ta' regoli ġdid:
- Iftaħ il-Multi-kalendarju tiegħek.
- Agħżel id-dati li tixtieq tuża s-sett tar-regoli għalihom.
- Agħżel ir-regoli mill-pannell.
- Ikklikkja fuq Oħloq sett ta' regoli ġdid.
- Agħżel isem għas-sett tar-regoli tiegħek (bħal, ngħidu aħna, "Xhur tas-sajf").
- Ikklikkja fuq Ippersonalizza ħdejn ir-regola li tixtieq iżżid.
- Agħżel il-prezz li tixtieq titlob u r-regoli tad-disponibbiltà.
- Ikklikkja fuq Issejvja.
- Biex tneħħi regola kklikkja fuq Ikkanċella.
Biex tibdel xi sett ta' regoli li diġà jeżisti:
- Iftaħ il-Multi-kalendarju tiegħek.
- Ikklikkja fuq settijiet ta' regoli.
- Niżżel il-paġna 'l isfel sakemm issib is-sett ta' regoli li tixtieq tibdel u mbagħad ikklikkja fuq Editja.
Is-settijiet tar-regoli għall-prezz ta' kull lejl tal-listing tiegħek se jintużaw qabel is-settijiet tar-regoli għar-roħsijiet. Is-settijiet tar-regoli se jintużaw anki meta l-Prezzijiet Intelliġenti jkunu mixgħula.
*Skont id-dejta interna għal-listings attivi li Airbnb kienet ġabret sa Lulju tal-2022
Jekk tuża software li jaqbad mal-pjattaforma tagħna bl-API, jekk l-operatur tas-software tiegħek żied dawn il-faċilitajiet, se tkun tista' tużahom direttament minn dak is-software. Jekk għad le, ikteb lill-operatur tas-software tiegħek biex issir taf meta se tkun tista' tibda tużahom.
L‐іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.