Għaliex il-prezz tal-listing tiegħek jista' jkun differenti fir-riżultati tat-tiftix

Mis-sena l-oħra 'l hawn qed nippruvaw modi differenti ta' kif nuru l-prezz tal-postijiet fejn toqgħod fir-riżultati tat-tiftix tal-listings.

Bħalissa, f'xi żoni, il-klijenti qed jintwerew kemm ir-rata ta' kull lejl kif ukoll il-prezz totali fir-riżultati tat-tiftix. Minn dan ix-xahar 'il quddiem se nkunu qed inniedu esperiment ġdid tal-prezzijiet biex lil xi klijenti li jkunu qed ifittxu post fejn joqogħdu nuru biss il-prezz totali tal-listing, jiġifieri il-prezz ta' kull lejl, it-tariffa tas-servizz ta' Airbnb u kull tariffa għat-tindif, għall-pets jew għal kull klijent ieħor li jingħaqad mal-booking.

L-għan huwa li noħolqu esperjenza tal-booking għall-klijenti li tkun eħfef, li tieħu inqas ħin u li tkun iktar diretta. Dan huwa dak li għandek tkun taf dwar dal-esperment dwar il-prezzijiet—u fuq kif tista' tagħti l-ħsibijiet tiegħek dwaru.

F'xi żoni, il-klijenti se jintwerew biss il-prezzijiet totali tal-bookings ħdejn il-listings fir-riżultati tat-tiftix tagħhom. Dal-prezz totali mhux se jinkludi t-taxxi li se jintwerew f'linja għalihom fuq il-paġna tal-pagament.

Il-prova se titwettaq fuq il-klijenti li jfittxu ż-żjarat f'xi postijiet madwar id-dinja. Matul iż-żmien tal-prova jistgħu jintwerew banners ta' daqsijiet differenti fuq il-listings biex ngħarrfu lill-klijenti dwar il-bidla.

Le. Is-somma li jħallas il-klijent u s-somma li se jirċievi l-host bl-ebda mod mhi se tiġi affettwata.

Dejjem se jkollok kontroll fuq il-prezz li titlob għall-ispazju tiegħek. Matul dil-prova, xorta se tkun tista' tibdel ir-rata ta' kull lejl tiegħek mit-taqsima Prezzijiet u disponibbiltà tad-dettalji tal-listing tiegħek.

Is-servizzi li għandna bħalissa kienu mfassla biex jaqsmu t-tariffi u t-taxxi differenti biex qabel jibbukkjaw, il-klijenti jkunu jistgħu jifhmu sew għal xiex se jħallsu. Matul l-aħħar sena nnutajna li l-vjaġġi reġgħu qabdu fuq Airbnb u għalkemm nemmnu li l-mod ta' kif qed nagħmlu l-affarijiet jaħdem sew, dejjem qed infittxu biex intejbu l-esperjenza ta' kulħadd.

Billi nippruvaw modi differenti biex nuru l-prezzijiet fuq il-listings qed nippruvaw nifhmu jekk xi mod ieħor jgħinx biex inżidu l-bookings għall-hosts filwaqt li naqdu aħjar il-ħtiġijiet tal-komunità dinjija tagħna.

Kemm jekk il-listing tiegħek jinsab f'post fejn qed nagħmlu dal-esperiment kif ukoll jekk le, dejjem tista' taġġorna d-deskrizzjoni tal-listing tiegħek biex issemmi dak li jagħmel lilek u lil-listing tiegħek speċjali.

Tista' wkoll tibdel u ttejjeb l-istrateġija tal-prezzijiet tiegħek permezz tal-għodda l-ġdida li tagħtik ħarsa minn qabel lejn il-prezz. Din l-għodda tagħtik rendikont tal-prezz totali tal-klijent—u tal-ħlas tiegħek—direttament mill-kont tal-hosting tiegħek.

Aħna u nkomplu nippruvaw modi ġodda ta' kif nuru l-prezzijiet fir-riżultati tat-tiftix tal-listings, napprezzaw ħafna l-kummenti u l-ħsibijiet tagħkom. Jekk jogħġbok aqsam magħna l-ħsibijiet tiegħek dwar dal-esperiment—u bħas-soltu, grazzi talli tagħmel parti mill-komunità importanti tal-hosts tagħna