Kif terġa' tattiva listing
Xi kultant il-listings jeħtiġilhom jiġu diżattivati minħabba problema b'nuqqas ta' żamma, minħabba t-tiswijiet, għax jiġu sospiżi jew għal raġunijiet oħra. Ħafif ħafna li terġa' tattivahom meta l-post ikun jista' jerġa' jilqa' n-nies.
Kif tħejji l-listing tiegħek biex terġa' tattivah
Erġa' dur il-listing tiegħek biex tara li hu preċiż. Jekk konna ddiżattivajnielek il-listing tiegħek minħabba problema bil-kwalità, qabel terġa' tattivah sewwi dak li tlabniek issewwi u ara li l-listing juri l-bidliet li saru.
Iċċekkja sew dawn li ġejjin.
- Il-prezzijiet: Qabbel il-prezz ta' kull lejl tal-listing tiegħek mal-medja tal-prezzijiet tal-listings fil-qrib li jixbhuh biex tifhem intix titlob prezz tajjeb għas-suq jew jekk għandekx tibdlu.
- Id-disponibbiltà: Żomm il-kalendarju tiegħek aġġornat biex tevita li jkollok tikkanċella l-bookings.
- Ir-ritratti: Ħu ritratti ġodda ta' kwalità biex turi l-ispazju tiegħek bħalissa.
- Il-kumditajiet: Immarka l-kumditajiet kollha li żżid u nissuġġerulek iżżid il-kumditajiet imfittxija mill-klijenti.
- Isem il-listing: Biex tgħin lil-listing tiegħek jispikka fir-riżultati tat-tiftix, uża isem qasir li ħafif biex jinqara.
- Id-deskrizzjoni tal-listing: Agħti dettalji ċari u preċiżi biex il-klijenti jifhmu x'għandhom jistennew li jsibu u x'tistenna mingħandhom.
- Iċ-checkin u ċ-checkout: Ara li l-istruzzjonijiet taċ-checkin u taċ-checkout tal-listing tiegħek għadhom tajbin.
- Il-biċċiet tax-xogħol għaċ-checkout: Erġa' ċċekkja l-biċċiet tax-xogħol li tistenna lill-klijenti jagħmlu qabel iħallu l-post bħal, ngħidu aħna, li jitfu d-dawl u jsakkru l-bieb.
Kif terġa' tattiva l-listing tiegħek
Il-proċess biex terġa' tattiva listing ħafif. Imxi ma' dal-istruzzjonijiet:
- Iftaħ Listings u agħżel il-listing li tixtieq terġa' tattiva.
- Agħfas fuq Status tal-listing taħt Ħwejjeġ essenzjali tal-listing.
- Ibdel l-istatus tal-listing għal Ippubblikat.
- Agħfas jew ikklikkja fuq Issejvja.
Wara li tibdel l-istatus tal-listing tiegħek għal Ippubblikat, ħafna drabi l-klijenti se jkunu jistgħu jsibu l-post tiegħek fir-riżultati tat-tiftix fi żmien 24 siegħa (anki jekk kultant jista' jdum sa 72 siegħa biex jibda jintwera).
Jekk tuża software li jaqbad mal-pjattaforma tagħna bl-API, jekk l-operatur tas-software tiegħek żied dawn il-faċilitajiet, se tkun tista' tużahom direttament minn dak is-software. Jekk għad le, ikteb lill-operatur tas-software tiegħek biex issir taf meta se tkun tista' tibda tużahom.
L‐іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.