Kif tieħu ritratti sbieħ tal-listing tiegħek

Ritratti tal-listing mill-aqwa jgħinuk tolqot lill-klijenti, tgħinhom jifhmu x'għandhom jistennew li jsibu u sserħilhom rashom li qed jibbukkjaw post li jgħodd għalihom. Uża dal-pariri fuq kif tieħu ritratti ta' kwalità tal-post tiegħek.

Ritratti dettaljati jgħinu lill-klijenti jifhmu jekk il-listing jgħoddx għalihom jew le. Żbarazza l-post u ħejji għas-sessjoni tat-teħid tar-ritratti qabel tibda tieħu r-ritratti.

• Naddaf u żbarazza. Uri lill-klijenti dak li għandhom jistennew li jsibu. "Hi xi ħaġa tal-iskantament kemm ta' sikwit in-nies jinsew jiżbarazzaw l-ispazju tagħhom mill-oġġetti li m'għandhomx x'jaqsmu mal-listing qabel jieħdu r-ritratti," jgħid Jeff, fotografu u Superhost ġewwa Joshua Tree, California.
• Agħżel liema faċilitajiet tixtieq turi. X'taħseb li se jogħġob l-iktar lill-klijenti fil-post tiegħek? X'għandhom ikunu jafu biex ma jkollhomx sorpiżi koroh? Uża r-ritratti biex turi x'hemm speċjali, il-kumditajiet popolari u l-faċilitajiet tal-aċċessibbiltà tal-post tiegħek.
• Agħmel lista. Ipprova ħu ritratti minn għadd ta' perspettivi ta' kull kamra u żona li jistgħu jintużaw mill-klijenti. Ngħidu aħna, għar-ritratti tal-bitħa tista' tieħu ritratt li juri l-bitħa kollha, ritratt ieħor li juri l-pixxina, ritratt tat-terrazzin bid-deckchairs u ritratt tal-firroll tax-xatba.
• Uża l-aħjar dawl. Id-dawl naturali, meta ma jkunx qawwi, joħloq atmosfera dħulija li tilqgħek. Nissuġġerulek tieħu r-ritratti ta' ġewwa fil-ħin meta l-kmamar ikollhom l-iktar dawl tax-xemx. Ħu r-ritratti fuq barra fis-sigħat magħrufa bħala s-"sigħat tad-deheb", is-siegħa ta' wara ż-żerniq u s-siegħa ta' qabel l-għabex.
• Nissuġġerulek tqabbad fotografu professjonista. F'xi bliet madwar id-dinja tista' tikseb is-servizz tal-fotografija professjonali direttament minn fuq Airbnb.

Il-biċċa l-kbira tal-kameras jistgħu jieħdu ritratti tal-listings sbieħ ħafna, fosthom il-kamera tal-ismartphone tiegħek. Dan kif tista' tiżgura li tieħu l-aqwa ritratti għal fuq Airbnb.

• Itfi l-flash. Iftaħ il-blinds, il-blinds dallama u l-purtieri. Ixgħel id-dawl jekk ir-ritratti joħorġu mudlama wisq u taf li ma jistax ikollok iktar dawl naturali minn hekk.
• Ħu r-ritratti għall-wisgħa. Ir-ritratti għall-wisgħa joħorġu aħjar mir-ritratti għat-tul għax l-istampi jintwerew bħala kaxxa fir-riżultati tat-tiftix u l-paġna tal-listing tiegħek turi r-ritratti għall-wisgħa.
• Qiegħed is-suġġett tar-ritratti f'nofs l-istampa. Ixgħel il-linji tal-grilja biex jgħinuk tqassam l-istampa.
• Ħu r-ritratti minn faċċata. Ħu r-ritratti minn post newtrali mingħajr ma tgħawweġ il-lenti 'l fuq jew l-isfel biex lill-klijenti tagħtihom stampa ċara tal-post tiegħek.
• Agħżel ir-ritratti. Agħżel taħlita ta' ritratti meħuda mill-bogħod, minn bogħod normali u mill-qrib biex tagħti kemm ħarsa ġenerali kif ukoll stampa iktar dettaljata.
• Editja r-ritratti. Ibdel il-qawwa tad-dawl, il-kuntrast u l-ilwien ta' kull ritratt b'għodod bħall-buttuna tal-bidliet awtomatiċi li ssib fuq il-mowbajl tiegħek. Jekk teħtieġ tista' tqasqas, tiddritta jew iddawwar ir-ritratti (biex jintwerew kif suppost).
• Tella' ritratti ta' riżoluzzjoni għolja. Uża ritratti ta' mill-inqas 1200px x 800px. Iktar ma l-fajl tar-ritratt ikun kbir, iktar aħjar—imma taqbiżx l-10 MB.

Wara li ttella' r-ritratti tiegħek, uża l-għodod fit-tab Listings biex turi l-ispazju tiegħek lill-oħrajn.

• Oħloq dawra mad-dar bir-ritratti. Id-dawra mad-dar bir-ritratti tqassam ir-ritratti tiegħek kamra b'kamra awtomatikament biex il-klijenti jifhmu kif inhu mqassam il-post tiegħek. Se tkun tista' tmexxi, tneħħi u żżid ir-ritratti.
• Żid id-dettalji ta' kull kamra. Tista' ssemmi li l-kamra tas-sodda għandha sodda doppja 'King' jew li fis-salott hemm TV ta' 55 pulzier. Tista' tagħti iktar informazzjoni dwar il-faċilitajiet tal-aċċessibbiltà tal-kamra.
• Ikteb il-captions għar-ritratti. Għarraf lill-klijenti b'dak kollu li r-ritratti ma setgħux juru u li jista' jkun importanti għall-klijenti. Ngħidu aħna, "Jistgħu joqogħdu sa 10 minn nies mal-mejda tal-ikel meta tinfetaħ kollha."
• Għarraf lill-klijenti kif inhuma mqassma l-kmamar. Tista' tgħarrafhom li, ngħidu aħna, "L-ewwel kamra tas-sodda tinsab fit-tieni sular u għandha kamra tal-banju ensuite."
• Semmi l-faċilitajiet u l-kumditajiet. Semmi l-iktar kumditajiet imfittxija. Ngħidu aħna, "Fil-kċina hemm magna tal-espresso, kitla tad-dawl u friġġ bi xkaffa merfugħa għall-klijenti." Meta tlesti minn dan kollu agħfas il-buttuna "Ara" biex tara l-listing tiegħek minn qabel.

Meta tlesti minn dan kollu agħfas il-buttuna Ara biex tara l-listing tiegħek minn qabel.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.