Qed inħabbru t-tab Listings

Li tieħu ħsieb listing hija waħda mill-iktar ħwejjeġ essenzjali meta tilqa' n-nies għax dan huwa kif il-klijenti jsibu l-post tiegħek. Sibna li l-listings b'iktar dettalji jistgħu jiksbu sa 20% iktar bookings. Imma ħafna listings m'għandhomx id-dettalji mfittxija mill-klijenti għax kienet biċċa xogħol iebsa wisq li żżidhom.

Għalhekk għażilna li nniedu t-tab Listings—ġabra ta' għodod ġodda li jagħmluhielek eħfef tieħu ħsieb il-listing tiegħek u tenfasizza d-dettalji tal-post tiegħek.

Dawn huma l-faċilitajiet ewlenin tat-tab Listings il-ġdida:

• L-Editur tal-listings jagħmilhielek eħfef li żżid id-dettalji dwar il-listing tiegħek—fosthom il-kumditajiet, kif se jorqdu l-klijenti u iktar. Id-disinn il-ġdid jagħmilhielek eħfef li tibdel id-dettalji tal-wasla li l-klijenti jeħtieġu qabel iċ-checkin.
• Dawra mad-dar bir-ritratti mibnija bl-IA li tgħinek toħloq dawra mal-listing bir-ritratti minnufih. L-algoritmu jqassam ir-ritratti kamra b'kamra biex jgħin lill-klijenti jifhmu kif inhu mqassam il-post tiegħek. Tista' tibdel ir-ritratti tad-dawra mad-dar bir-ritratti meta trid u żżid il-kumditajiet ma' kull kamra.
• L-integrazzjoni mas-serraturi intelliġenti tħallik torbot serraturi intelliġenti kompatibbli mal-kont ta' Airbnb tiegħek u toħloq kodiċi differenti għal kull booking awtomatikament.

Agħfas fuq it-tab Listings fin-nofs tal-linja tan-navigazzjoni. B'hekk tidħol fl-Editur tal-listings. Din l-għodda b'disinn ġdid li tagħmilhielek eħfef li żżid l-informazzjoni mal-listing tiegħek u tagħtik pariri fuq l-aqwa modi kif turi d-dettalji.

L-Editur tal-listings magħmul minn żewġ taqsimiet:

• L-Ispazju tiegħek huwa l-post minn fejn tieħu ħsieb il-paġna tal-listing tiegħek u żżid id-dettalji dwar il-post tiegħek.

• Il-Gwida tal-wasla hija fejn iżżid id-dettalji meħtieġa mill-klijenti qabel iċ-checkin.

Hawn fejn se żżid id-dettalji dwar il-post, bħal pereżempju l-isem, id-deskrizzjoni u l-kumditajiet tal-listing.

Kif iżżid il-kumditajiet
Issa se tkunlek eħfef li żżid il-kumditajiet mal-listing tiegħek. Iftaħ Kumditajiet u agħfas fuq is-simbolu plus. Se ssib kważi 150 kumdità murija skont l-alfabet jew skont il-kategorija, fosthom Divertiment, Familja u Fuq Barra. Tista' wkoll tfittex il-kumditajiet direttament billi tfittex l-isem. Agħżel Żid ħdejn kull faċilità li hemm fil-post tiegħek.

Kif toħloq dawra mad-dar bir-ritratti
Ritratti ta' kwalità importanti ħafna għal listing mill-aqwa. Dawn iħajru lill-klijenti jiftħu l-listing tiegħek u jistgħu jgħinuk tikseb iktar bookings.

Tista' tuża l-għodda tad-dawra mad-dar bir-ritratti bl-IA biex tibdel ir-ritratti tal-listing f'dawra mad-dar bir-ritratti ħalli tgħin lill-klijenti jifhmu kif inhu mqassam il-post tiegħek. Kulma għandek tagħmel hu li tagħfas fuq Oħloq dawra mad-dar bir-ritratti. Dak kollox.

L-algoritmu tal-IA tagħna jagħraf ir-ritratti meħuda fuq ġewwa u fuq barra u jorbot ir-ritratti ma' kull waħda minn 19-il xorta ta' kamra jew spazju awtomatikament.

Imbagħad tista' żżid id-dettalji għal kull kamra. Tista' pereżempju ssemmi li fil-kamra tas-sodda hemm sodda doppja 'King' jew li fis-salott hemm televiżjoni. Issa tista' tagħti iktar informazzjoni dwar il-faċilitajiet tal-aċċessibbiltà skont dawn il-linji gwida.

Tista' tibdel id-dawra mad-dar bir-ritratti meta trid billi tneħħi, tmexxi jew iżżid ir-ritratti. Kif tlesti mill-bidliet tiegħek tista' tagħti ħarsa lejn il-listing il-ġdid tiegħek billi tagħfas fuq il-buttuna Uri.

Hawn se żżid id-dettalji li l-klijenti se jkunu jeħtieġu wara l-booking u qabel il-wasla, bħal pereżempju l-ħin taċ-checkin u istruzzjonijiet speċjali ta' kif jaslu fil-post jew fejn jipparkjaw. U issa jekk tixtieq se nibdew nuruk l-informazzjoni tal-wasla l-istess kif tintwera lill-klijenti. Kemm tagħfas fuq il-buttuna Uri.

Kif tagħti d-dettalji taċ-checkin
Grazzi għall-Gwida tal-wasla wara l-booking se tkunlek eħfef li taqsam id-dettalji taċ-checkin mal-klijenti. Tista' tagħżel jew tibdel il-metodu u l-ħin taċ-checkin, id-direzzjonijiet, l-informazzjoni dwar id-dar, il-password tal-wifi u dettalji oħra—dan kollu minn post wieħed.

Kif torbot is-serratura intelliġenti mal-listing tiegħek
Dalwaqt se tkun tista' torbot serratura intelliġenti mal-kont ta' Airbnb biex toħloq kodiċi tal-bieb differenti għal kull booking. M'hemmx għalfejn tibdel il-kodiċi int stess wara kull booking.

Il-klijenti se jsibu l-kodiċi fid-dettalji tal-booking fuq Airbnb flimkien mad-dettalji ta' kif għandhom jidħlu fil-post. Se jirċievu wkoll il-kodiċi tal-bieb tagħhom b'email wara li jibbukkjaw u aħna se ngħarrfuk hekk kif jagħmlu ċ-checkin. Kull kodiċi se jkun attiv biss għaż-żjara ta' dak il-klijent. Il-kodiċi se jiskadi 30 minuta wara ċ-checkout sakemm ma tibdilx il-ħin int stess għall-klijenti tiegħek.

Se nibdew inniedu r-rabta tal-kont mas-serraturi intelliġenti fil-bidu tal-2024 għall-Hosts b'listings ġewwa l-Istati Uniti tal-Amerka u l-Kanada li għandhom xi mudelli ta' serraturi tad-ditta Schlage. Se tkun tista' ssibha fil-lista tal-Metodi taċ-checkin hekk kif tkunlek disponibbli. Kemm timxi mal-istruzzjonijiet fuq kif torbot is-serratura intelliġenti tal-post mal-listing ta' Airbnb tiegħek.

It-tab Listings hija parti mill-Аġġоrnаmеnt tах‐Хіtwа 2023 tа' Аіrbnb. Bħalissa disponibbli biss għall-Hosts b'mhux iktar minn sitt listings. Аgħżеl l‐Аċċеѕѕ Віkrі bіех tіbdа tużа l‐fаċіlіtајіеt іl‐ġоddа mіnn іѕѕа.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.