Informazzjoni dwar il-Favoriti tal-Klijenti
Аіrbnb għаndhа іktаr mіnn 8 mіlјun lіѕtіng mаdwаr іd‐dіnја kоllhа. Κull lіѕtіng huwа ѕреċјаlі u hija din l-oriġinalità lі tаgħmеl lіl Аіrbnb dіffеrеntі mill-oħrajn․
Wieħed mill-aħjar modi kif issib post fejn toqgħod mill-aqwa huwa li tkun taf liema huma l-iktar postijiet maħbuba mill-klijenti. Għalhekk ħloqna l-Favoriti tal-Klijenti.
X'inhuma l-Favoriti tal-Klijenti?
Il-Favoriti tal-Klijenti huma ġabra tal-iktar postijiet fejn toqgħod maħbuba mill-klijenti ta' Airbnb. Ibbażati fuq ir-ratings, ir-reviews u d-dejta ta' affidabilità miksuba minn 'il fuq minn nofs biljun vjaġġ. Kuljum inżidu Favoriti tal-Klijenti ġodda—għalhekk il-listing tiegħek jista' jibda jagħmel parti minn dil-ġabra dalwaqt.
Hemm għadd ta' fatturi li nqisu biex naslu għal listings Favoriti tal-Klijenti, fosthom:
- Mill-inqas 5 reviews miktuba mill-klijenti fl-aħħar 4 snin, inkluż mill-inqas review waħda fl-aħħar sentejn
- Reviews mill-aqwa u ratings ta' 'l fuq minn 4.9 stilel bħala medja
- Ir-ratings għoljin għall-kategoriji taċ-checkin, l-indafa, il-preċiżjoni, il-komunikazzjoni tal-host, il-post fejn jinsab il-listing u l-valur għall-flus
- Affidabilità liema bħalha, fejn ikun hemm medja ta' inqas minn 1% ta' kanċellazzjonijiet mill-hosts u problemi fuq is-servizz li ngħataw il-klijenti marbuta mal-kwalità
Kif issib il-Favoriti tal-Klijenti
Il-Favoriti tal-Klijenti jinsabu madwar id-dinja kollha u faċli ssibhom fuq Airbnb.
Il-listings li huma Favoriti tal-Klijenti jintwerew b'badge fir-riżultati tat-tiftix u fuq il-paġna tal-listing. Il-vjaġġaturi jistgħu jfittxu l-Favoriti tal-Klijenti permezz ta' filtru.
Il-Favoriti tal-Klijenti u s-Superhosts
Is-Superhosts huma hosts premjati għall-ħidma ta' ospitalità mill-aqwa li wettqu. Il-programm tas-Superhosts ta' Airbnb mhux se jinbidel. Il-Kriterji għas-Superhosts għadhom l-istess u aħna se nkomplu nqisu l-ħidma tas-Superhosts darba kull tliet xhur.
Jekk int Superhost u b'listing Favorit tal-Klijenti, it-tnejn li huma se jintwerew fuq il-paġna tal-listing tiegħek u fir-riżultati tat-tiftix il-listing se jkollu l-badge ta' Favorit tal-Klijenti. Jekk int Superhost b'listing li għadu mhux Favorit tal-Klijenti, xorta se jkollok il-badge ta' Superhost fuq il-paġna tal-listing tiegħek u fir-riżultati tat-tiftix.
Kull listing li għandek se jitqies għalih aħna u nqisu jekk għandux ikollu l-badge ta' Favorit tal-Klijenti.
L-іnfоrmаzzјоnі f'dаl‐аrtіklu tаf lаħqеt іnbіdlеt mіnn mеtа ġіе ррubblіkаt.