Għodod u pariri biex ngħinuk tasal għal prezz għall-Kamra tiegħek

Il-prezzijiet irħas huma waħda mir-raġunijiet ewlenin għaliex il-klijenti ta' Airbnb jibbukkjaw il-Kmamar. Fl-2022, iktar minn 80% tal-Kmamar minn madwar id-dinja kollha kellhom prezz ta' inqas minn $100 USD kull lejl u l-prezz medju kien ta' $67 USD kull lejl.*

Il-prezz li titlob huwa dejjem f'idejk. Airbnb toffri għodod maħsuba biex jgħinuk tagħżel u tibdel il-prezz li titlob.

Int u taħseb dwar il-prezz li tixtieq tibda titlob, ma tagħmilx ħażin li tibda billi tifhem il-prezz medju ta' listings fil-qrib li jixbhu lil tiegħek.

Biex tqabbel listings fil-qrib li jixbhu lil tiegħek, iftaħ il-kalendarju tal-ospitalità. Agħżel data jew firxa ta' dati u mbagħad agħfas jew ikklikkja fuq il-prezz ta' kull lejl tal-listing tiegħek. Taħt il-prezz agħfas fuq il-buttuna li tgħid "Qabbel listings li jixtiebhu". Hekk kif tagħmel hekk se titla' mappa li turik il-prezzijiet medji tal-listings li jixbhu lil tiegħek. Tista' tagħżel li nuruk il-prezzijiet tal-listings li huma bbukkjati jew tal-listings li mhux ibbukkjati għal dawk id-dati.

Richard, Host ta' Kamra qrib il-qalba ta' Toronto, għażel li jibda jitlob prezz "ftit irħas minn ta' ħaddieħor" biex jikseb il-klijenti iktar malajr. L-istrateġija tiegħu ħadmet: Qalilna li fl-ewwel tliet xhur kważi ma kellux lejl wieħed battal.

"Għalkemm il-prezz li qed nitlob għadu ftit baxx, xorta naf fejn nixtieq nasal," jgħid Richard. "Il-ħsieb tiegħi huwa li biż-żmien ngħolli l-prezz tal-listing tiegħi ftit ftit."

Ma tagħmilx ħażin anqas li tifhem ix-xejriet tal-ivvjaġġar taż-żona tiegħek għax b'hekk tkun tista' titlob prezz iktar kompetittiv għal-listing tiegħek. It-tifsira ta' "prezz tajjeb" taf tkun differenti għall-vjaġġaturi li qed ifittxu btala għal tmiem il-ġimgħa, dawk li jivvjaġġaw skont l-istaġun, il-ħaddiema b'kuntratt limitat u għall-klijenti l-oħra.

Reed, Superhost ġewwa Philadelphia, ipprova jifhem is-suq taż-żona tiegħu qabel għażel l-ewwel prezz li xtaq jitlob għall-kamra tas-sodda tat-tielet sular. Billi jgħix qrib l-universitajiet u l-isptarijiet, għażel prezz tajjeb għall-istudenti u l-apprendisti li ma tantx ikollhom flus għall-Kamra tiegħu. "Ilqajna għandna għadd ta' nies li kienu qed jagħmlu xi riċerka jew l-apprendistat tagħhom fil-mediċina u li kienu qed ifittxu post fejn joqogħdu għal numru ta' ġimgħat," jgħidilna.

Grazzi għall-fatt li jżomm il-prezz tal-listing tiegħu baxx u jaċċetta żjarat itwal, Reed qalilna li l-kalendarju tiegħu dejjem mimli u seta' jħallas lura qabel iż-żmien il-flus li kien issellef mill-bank. "Għandi iktar iljieli bbukkjati u inqas xogħol biex inħejji l-kamra bejn klijent u ieħor," jgħdiilna. "Nagħżel li naħdem bil-għaqal u mhux li naħdem ħafna."

Il-klijenti li jixtiequ jibbukkjaw żjarat itwal ħafna drabi jfittxu postijiet li joffru prezz irħas għaż-żjarat fit-tul. Reed juża l-iskontijiet għall-bookings ta' ġimgħa u għall-bookings ta' xahar biex iħajjar lill-klijenti jibbukkjaw il-listing tiegħu. "In-nies li jagħżlu l-Kamra tagħna ħafna drabi qed ifittxu post għal mill-inqas ftit ġimgħat," jgħidilna.

Tista' toffri firxa ta' skontijiet għal kull xorta ta' sitwazzjoni. Se ssib dawn l-għażliet fit-tab Prezzijiet tal-kalendarju tiegħek:

• Offerta ta' listing ġdid. Din l-offerta traħħas il-prezz ta' kull lejl b'20% għall-ewwel tliet bookings. Meta tużaha tkun qed tgħin biex tikseb ir-reviews mingħand il-klijenti iktar malajr u turi x'taf tagħmel bħala Host ta' Kmamar.

• Skont għal min jibbukkja kmieni. Dal-iskont jintuża għall-bookings li jsiru bil-quddiem. Kemm bil-quddiem huwa biss f'idejk, jista' jkun minn xahar sa 24 xahar qabel iċ-checkin. L-iskontijiet għal min jibbukkja kmieni jistgħu jħajru lill-klijenti li jaħsbulu bil-quddiem jagħżlu l-post tiegħek.

• Skont tal-aħħar minuta. Dal-iskont jintuża għall-bookings li jsiru qasir żmien qabel id-data taċ-checkin. Kemm qrib id-data taċ-checkin huwa biss f'idejk, jista' jkun minn jum sa 28 jum qabel iċ-checkin. Il-klijenti li jibbukkjaw il-Kmamar ħafna drabi jkunu qed jivvjaġġaw waħidhom u jkollhom iktar flessibbiltà li jibbukkjaw qrib id-data taċ-checkin milli jkollhom il-koppji jew il-familji.

• Skontijiet għall-bookings ta' ġimgħa u għall-bookings ta' xahar. L-iskontijiet għall-bookings ta' ġimgħa jintużaw għall-bookings ta' mill-inqas 7 iljieli filwaqt li l-iskontijiet għall-bookings ta' xahar jintużaw għall-bookings ta' mill-inqas 28 lejl. Dawn jistgħu jgħinuk timla l-kalendarju tiegħek u jnaqqsulek ix-xogħol biex tħejji l-post bejn klijent u ieħor.

Ara li l-inqas u l-ikbar għadd ta' ljieli għal booking ikunu dejjem skont ir-regoli u r-regolamenti tal-post. Imbagħad tista' tibdel l-itwal tul ta' żjara li taċċetta għal mill-inqas it-tul taż-żjara li għaliha tixtieq toffri l-iskont.

*Il-prezz ta' kull lejl bit-tariffi u t-taxxi mill-1 ta' Jannar sal-31 ta' Diċembru tal-2022

L-informazzjoni f'dal-artiklu jaf laħqet inbidlet minn meta ġie ppubblikat.