Għodda tal-prezzijiet ġdida biex tqabbel il-listings fil-qrib li jixbhu lil tiegħek
Messaġġ mingħand l-editur: Dal-artiku ġie ppubblikat bħala parti mill-Aġġornament tas-Sajf 2023 ta' Airbnb. L-informazzjoni jaf laħqet inbidlet minn meta dal-artiklu ġie ppubblikat. Sir af iktar dwar l-aħħar verżjoni tas-servizz tagħna.
Għall-ewwel darba fuq Airbnb se tkun tista' tqabbel il-prezz li qed titlob għal-listing tiegħek mal-prezz ta' listings oħra bħal tiegħek li ġew ibbukkjati fil-qrib.
Hosts bħalek qalulna li kienu qed isibuha bi tqila jifhmu xi prezz għandhom jitolbu. Smajna l-kummenti u l-ħsibijiet tagħkom il-Hosts u għamilnihielkom eħfef li ssibu xi prezzijiet qed jintalbu fiż-żona tagħkom.
Mappa ġdida se tagħtik aċċess minnufih għall-prezzijiet medji ta' listings li jixbhu lil tiegħek, kemm jekk ġew ibbukkjati kif ukoll jekk le. Tista' tużaha meta trid int u tagħżel jew tibdel il-prezz tiegħek.
"Għalkemm ħafna drabi l-listing tagħna jiġi bbukkjat ħafna xhur bil-quddiem, xorta nixtieq nifhem xi prezzijiet qed jitlob ħaddieħor u kemm qed idaħħlu kull lejl Hosts oħra fiż-żona tiegħi," tgħid Felicity, membru tal-Bord Konsultattiv tal-Hosts u Superhost ġewwa New South Wales, l-Awstrajla. "Il-ħin kollu nara li l-prezzijiet tal-listing tiegħi jkunu kompetittivi. Naħseb li dil-faċilità se tkun ta' siwi kbir għal ħafna Hosts."
Kif tqabbel il-prezzijiet:
- Agħżel data waħda jew firxa ta' dati, sa 31 lejl, mill-kalendarju tiegħek.
- Agħfas jew ikklikkja fuq il-prezz ta' kull lejl tal-listing tiegħek. Taħt il-prezz eżatt se ssib buttuna b'ikona ta' mappa bil-kliem "qabbel il-prezz li qed titlob".
- Agħfas jew ikklikkja fuq dik il-buttuna u mbagħad titla' mappa bil-prezzijiet medji għal listings li jixbhu lil tiegħek. Fuq il-mappa tista' tagħżel li tintwera l-prezzijiet medji tal-listings fiż-żona tiegħek li ġew ibbukkjati jew li ma ġewx ibbukkjati.
Il-prezzijiet murija fuq il-mappa se juru l-prezz medju tad-dati bbukkjati jew mhux ibbukkjati ta' kull listing. Biex nifhmu liema listings jixbhu lil tiegħek inqisu fatturi bħall-post fejn jinsabu, id-daqs, il-faċilitajiet, il-kumditajiet, ir-ratings, ir-reviews u listings oħra li l-klijenti żaru huma u jqisu għandhomx jibbukkjaw jew le l-listing tiegħek.
Dawn l-għodod il-ġodda huma parti mill-Aġġornament tas-Sajf 2023 ta' Airbnb, b'25 bidla ġdida għall-Hosts. Ikseb Aċċess Bikri biex tibda tuża dal-għodod il-ġodda minn issa.