Sitt modi kif tista' tikseb il-bookings tal-aħħar minuta

Anki l-iktar listings imfittxija kultant ikollhom xi dati fejn ma jkollhomx bookings. Nissuġġerulek tipprova das-sitt pariri biex tħajjar lill-klijenti li jibbukkjaw fl-aħħar minuta u żżid id-dħul tiegħek.

L-iskontijiet tal-aħħar minuta jħajru lill-klijenti jibbukkjaw. Dawn jgħoddu għall-bookings li jsiru bejn jum u 28 jum qabel iċ-checkin.

Għal skontijiet ta' mill-inqas 10% fuq il-prezz medjan tal-aħħar 60 jum, il-klijenti se jintwerew messaġġ speċjali fuq il-paġna tal-listing u fir-riżultati tat-tiftix Il-prezz imraħħas tal-listing tiegħek se jintwera ħdejn il-prezz oriġinali. Il-prezz oriġinali se jintwera maqtugħ.

Kif iżżid skont tal-aħħar minuta:

• Iftaħ it-tab Prezzijiet tal-kalendarju tal-listing tiegħek.
• Iftaħ Skontijiet tal-aħħar minuta mit-taqsima Iktar skontijiet.
• Daħħal l-għadd ta' jiem qabel il-wasla, bejn jum u 28 jum.
• Daħħal il-perċentwali tal-iskont li tixtieq tagħti.

Tista' tibdel l-iskont li tagħti skont meta jsir il-booking, ngħidu aħna billi żżidu ftit ftit iktar ma toqrob id-dati taċ-checkin.

Żomm f'moħħok li ma tistax tagħmel hekk meta jkollok Prezzijiet Intelliġenti mixgħula.

Il-klijenti li jkunu qed ifittxu vjaġġ tal-aħħar minuta jafu jkunu jistgħu jivvjaġġaw biss għal jum jew tnejn. Meta tnaqqas l-inqas għadd ta' ljieli meħtieġa għal booking, tkun qed tagħtihom l-opportunità li jibbukkjaw żjarat iqsar u taf tikseb il-bookings ta' dawk li qed jibbukkjaw fl-aħħar minuta.

Kif tnaqqas l-inqas għadd ta' ljieli għal booking:

• Iftaħ it-tab Disponibbiltà tal-kalendarju tal-listing tiegħek.
• Agħfas fuq L-inqas għadd ta' ljieli minn Tul tal-vjaġġ.
• Ibdel l-inqas għadd ta' ljieli għall-għadd ta' ljieli li jgħodd għalik.

L-għodda tat-tqabbil tal-listings li jixtiebhu ta' Airbnb tista' tgħinek titlob prezz kompetittiv għall-iljieli li jkunu għadhom mhux ibbukkjati. Iċċekkja l-prezzijiet tal-listings fil-qrib li jixbhu lil-listing tiegħek għall-istess dati u ibdel il-prezz ta' kull lejl.

Kif tqabbel il-listings li jixtiebhu:

• Iftaħ it-tab Prezzijiet tal-kalendarju tal-listing tiegħek.
• Agħżel il-firxa tad-dati; sa 31 jum.
• Agħfas fuq Sib il-listings li jixtiebhu.

Se titla' mappa taż-żona tiegħek li turik il-prezz medju tal-listings li jixbhu lil-listing tiegħek fil-qrib. Il-listings li nuruk jiddependu mill-post, mid-daqs u mill-kumditajiet. Uża l-buttuni tal-mappa biex turi l-listings ibbukkjati jew mhux ibbukkjati.

"Dejjem nipprova nara li jkolli prezzijiet kompetittivi u għalhekk nixtieq inkun naf kemm qed jaqilgħu għal kull lejl il-hosts l-oħra fiż-żona tiegħi," tgħid Felicity, membru tal-Bord Konsultattiv tal-Hosts u Superhost ġewwa New South Wales, l-Awstralja.

Meta traħħas il-prezz għall-iljieli li mhux ibbukkjati, taf tkun qed tħajjar lill-klijenti jibbukkjaw il-listing tiegħek. Il-listings bi prezzijiet irħas minn listings oħra li jixbhuhom fil-qrib jintwerew qabel fir-riżultati tat-tiftix. Meta l-bookings jerġgħu jaqbdu, dejjem tista' terġa' tibdel il-prezz tal-listing tiegħek biex tilħaq l-għanijiet tad-dħul tiegħek.

Nissuġġerulek tħalli lill-klijenti jibbukkjaw eqreb tad-data taċ-checkin biex timla l-kalendarju tal-listing tiegħek matul l-iktar żmien kwiet tas-sena. Tista' tagħżel li tħalli lill-klijenti jibbukkjaw anki għal dakinhar stess, skont kemm teħtieġ żmien biex tħejji l-post mill-booking sal-wasla tal-klijent.

"Nifhem x'jiġifieri meta tkun qed tivvjaġġa u jkun jeħtieġlek tibbukkja fl-aħħar minuta u għalhekk niddejjaq nitlob lin-nies jibbukkjaw bil-quddiem," tgħid Myranda, Superhost ġewwa Little Rock, Arkansas. "Anki jekk ma jkun hemm ħadd b'booking għall-għada, xorta nara li l-ispazju tiegħi jkun nadif u lest għall-wasla tal-klijenti."

Kif tibdel kemm il-klijenti jistgħu jibbukkjaw il-listing bil-quddiem:

• Iftaħ it-tab Disponibbiltà mill-kalendarju tal-listing tiegħek.
• Iftaħ Avviż bil-quddiem.
• Agħżel l-għadd ta' jiem addattat għalik.

Tista' wkoll tagħżel li tilqa' talbiet b'avviż bil-quddiem iqsar minn dak li tistenna s-soltu. Se nitolbuk tiċċekkja u taċċetta dat-talbiet.

Ikkuntattja lil sħabek fuq il-midja soċjali, bl-email jew b'SMS u għarrafhom li l-post tiegħek għandu xi ljieli battala. Xi ħadd li taf jaf jibbukkja vjaġġ ta' bla ħsieb.

L-istess bħal meta tilqa' bookings oħra, importanti tikkomunika ċar—forsi iktar importanti għall-bookings tal-aħħar minuta. Jekk klijent jibbukkja inqas minn 48 siegħa qabel iċ-checkin, il-klijent jista' jagħżel ħin taċ-checkin differenti minn dak tas-soltu. Jekk il-listing tiegħek ikollu l-Booking Immedjat mixgħul, se nibagħtulek talba għall-booking. Ara li jkollok istruzzjonijiet taċ-checkin ċari u għarrafhom jekk tkun teħtieġ iktar żmien biex tħejji l-post bejn klijent u ieħor.

Ħallasna lill-hosts għas-sehem tagħhom fl-istħarriġ.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.