Kif tqabbel il-medja tal-prezzijiet tal-listings li jixbhu lil tiegħek
Il-Hosts qalulna li kienu qed isibuha bi tqila jifhmu xi prezz għandhom jitolbu. L-għodda "Qabbel il-listings li jixtiebhu" tħallik tqabbel il-prezz li qed titlob għal-listing tiegħek mal-prezzijiet medji tal-listings fil-qrib li jixbhu l-listing tiegħek.
"Dejjem nipprova nara li jkolli prezzijiet kompetittivi u għalhekk nixtieq inkun naf kemm qed jaqilgħu għal kull lejl il-hosts l-oħra fiż-żona tiegħi," tgħid Felicity, membru tal-Bord Konsultattiv tal-Hosts u Superhost ġewwa New South Wales, l-Awstralja. "Dil-faċilità għamlet differenza kbira għalija."
Kif tqabbel il-listings li jixtiebhu:
- Iftaħ it-tab Prezzijiet tal-kalendarju tal-listing tiegħek.
- Agħżel il-firxa tad-dati; sa 31 jum.
- Agħfas fuq Sib il-listings li jixtiebhu.
Se nuruk il-medja tal-prezzijiet li qed jintalbu għal-listings li jixbhu lil tiegħek fuq mappa taż-żona qrib il-listing. Il-buttuni fuq il-mappa jħalluk tifhem liema listings huma bbukkjati jew mhux ibbukkjati.
Il-prezzijiet fuq il-mappa se juru l-prezz medju tad-dati bbukkjati jew mhux ibbukkjati ta' kull listing. Biex nifhmu liema listings jixbhu lil tiegħek inqisu fatturi bħall-post fejn jinsabu, id-daqs, il-faċilitajiet, il-kumditajiet, ir-ratings, ir-reviews u listings oħra li l-klijenti żaru huma u jqisu għandhomx jibbukkjaw jew le l-listing tiegħek.
Dil-informazzjoni tgħinek tifhem ftit aħjar xi prezzijiet qed jintalbu għal-listings qrib il-listing tiegħek. Tista' tużaha meta tkun qed tqiegħed jew tibdel il-prezz li tixtieq titlob għal-listing tiegħek.
Il-prezzijiet jistgħu jkollhom effett kbir fuq ir-riżultati tat-tiftix. Ħafna drabi, il-listings bi prezzijiet irħas minn dawk ta' listings oħra fil-qrib b'kumditajiet u l-għadd ta' nies li jifilħu li jixtiebhu jintwerew qabel. Jekk tibdel il-prezz tal-listing tiegħek, il-listing jaf jinstab minn iktar klijenti u jaf iddaħħal iktar flus.
L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.