Kif tieħu kemm tista' mill-iktar żmien popolari tas-sena

L-iktar żmien tas-sena mfittex mill-klijenti dalwaqt magħna. Dawn xi modi kif tista' tuża l-għodod tal-ospitalità ta' Airbnb biex iddaħħal kemm tista' meta jkun hemm iktar nies qed ifittxu post fejn toqgħod.

Ħejji ruħek għall-iktar żmien imfittex mill-klijenti fiż-żona tiegħek billi tiftaħ iktar iljieli fil-kalendarju tal-listing tiegħek. B'hekk il-listing tiegħek ikun jista' jintwera f'iktar riżultati tat-tiftix u int tkun tista' ddaħħal iktar flus.

Qis l-inqas għadd ta' ljieli meħtieġa għal booking fil-listing tiegħek int u tiftaħ l-iljieli tal-kalendarju tal-listing tiegħek. Għandek taddatta għall-inqas għadd ta' ljieli li teħtieġ jew għandek tnaqqas l-inqas għadd ta' ljieli meħtieġ għal booking. Tista' wkoll toħloq tul tal-vjaġġ personalizzat għall-iljieli partikolari li għandek miftuħa.

"Importanti ħafna li tara li l-kalendarju tal-listing tiegħek ikun miftuħ waqt l-iktar żmien tas-sena mfittex mill-klijenti," tgħid Myranda, Superhost ġewwa Little Rock, Arkansas. "Minflok inħalli l-post battal għal xi jiem bejn klijent u ieħor, matul dak iż-żmien nipprova nkun iktar flessibbli biex inkun nista' nilqa' iktar klijenti."

Iftaħ il-kalendarju tal-listing tiegħek u sib l-iljieli mblukkati li jintwerew bil-griż. Iftaħ kull lejl li matulu tista' tilqa' n-nies.

Jekk tilqa' l-bookings b'iktar minn 3 xhur bil-quddiem, il-klijenti jkunu jistgħu jibbukkjaw ħafna iktar minn qabel. Tista' tiftaħ id-dati tal-kalendarju tal-listing tiegħek sa sentejn bil-quddiem. Il-listing tiegħek se jintwera f'iktar riżultati tat-tiftix—u f'lista iqsar ta' postijiet jekk ikun hemm inqas postijiet disponibbli għal dawk id-dati.

Il-kalendarju tal-listing tiegħek jinfetaħ jum b'jum, tkun xi tkun id-disponibbiltà bil-quddiem tal-listing. Ngħidu aħna, jekk id-disponibbiltà bil-quddiem tal-listing tiegħek tkun sa 12-il xahar, il-klijenti se jkunu jistgħu jibbukkjaw il-post tiegħek sa sena mil-lum.

"Ħu kemm tista' meta d-domanda tkun kbira," jgħid Jimmy, Superhost ġewwa Palm Springs, California. "Forsi hosts oħra ma jkunux għadhom lesti u l-kalendarji tal-listings tagħhom ikunu magħluqa. Meta tieħu r-riedni f'idejk, iddaħħal iktar flus għal dak iż-żmien tas-sena mfittex iktar mill-klijenti."

Biex titlob prezz kompetittiv matul l-iktar żmien tas-sena mfittex mill-klijenti, nissuġġerulek tiċċekkja l-prezzijiet tal-listings fil-qrib li jixbhu lil-listing tiegħek u ibdel il-prezz ta' kull lejl. Jekk il-prezzijiet tal-listing tiegħek ma jinbidlux minn lejl għal ieħor, nissuġġerulek iżżid prezzijiet apposta għal matul il-ġimgħa u għal tmiem il-ġimgħa biex taddatta għad-domanda. Meta taddatta l-prezzijiet li titlob, taf iżżid l-għadd ta' bookings li tikseb u d-dħul tiegħek.

Biex tqabbel il-prezzijiet, iftaħ il-kalendarju tal-listing tiegħek u agħżel data sa 31 jum fil-ġejjieni.

Se nuruk il-medja tal-prezzijiet li qed jintalbu għal-listings li jixbhu lil tiegħek fuq mappa taż-żona qrib il-listing. Il-buttuni fuq il-mappa jħalluk tifhem liema listings huma bbukkjati jew mhux ibbukkjati. Biex nifhmu liema listings jixbhu lil tiegħek inqisu fatturi bħall-post fejn jinsabu, id-daqs, il-faċilitajiet, il-kumditajiet, ir-ratings, ir-reviews u listings oħra li l-klijenti żaru huma u jqisu għandhomx jibbukkjaw jew le l-listing tiegħek.

Il-listings bi prezzijiet irħas minn listings li jixbhuhom fil-qrib jintwerew qabel fir-riżultati tat-tiftix.

"Jekk ikun żmien tas-sena mfittex mill-klijenti imma xorta ħadd ma jkun qed jibbukkja, niċċekkja sew il-propjetajiet fiż-żona tiegħi," tgħid Felicity, Superhost ġewwa Sydney, l-Awstralja. "Dejjem nara li nkun qed nitlob prezz kompetittiv."

Meta tagħti skont tkun qed tuża mod ieħor biex tgħin lil-listing tiegħek jispikka mal-klijenti fl-iktar żmien imħabbat tas-sena. Tista' tolqot ħafna xorta ta' klijenti billi tagħti:

• Skontijiet għall-bookings ta' ġimgħa u ta' xahar. Nissuġġerulek tagħti skontijiet għall-bookings ta' mill-inqas ġimgħa (mill-inqas 7 ijiem wara xulxin) u ta' xahar (mill-inqas 28 lejl wara xulxin). Dil-ħaġa tista' tgħin biex il-listing tiegħek jintwera f'post aħjar fir-riżultati tat-tiftix, biex timla l-kalendarju tal-listing u biex tnaqqas id-drabi li jkollok tħejji l-post bejn klijent u ieħor.
• Skont għal min jibbukkja kmieni. Biex tħajjar lill-klijenti li jaħsbu minn qabel jagħżlu l-post tiegħek, nissuġġerulek tagħti skont għal min jibbukkja kmieni għall-bookings li jsiru bejn xahar u 24 xahar qabel iċ-checkin.

Jekk tagħti skont għall-bookings ta' ġimgħa u ta' xahar ta' mill-inqas 10% jew skont għal min jibbukkja kmieni ta' mill-inqas 3%, se nuru messaġġ speċjali ħdejn il-listing tiegħek fir-riżultati tat-tiftix u fuq il-paġna tal-listing tiegħek. Il-prezz imraħħas tal-listing tiegħek se jintwera ħdejn il-prezz mhux imraħħas (li se jintwera maqtugħ).

Żomm f'moħħok li ma tistax tagħti skont għal min jibbukkja kmieni jekk ikollok il-Prezzijiet Intelliġenti mixgħula u li l-iskontijiet għall-bookings ta' ġimgħa u ta' xahar għandhom jimxu mar-regoli u r-regolamenti tal-post fejn jinsab il-listing.

"Jien u nħejji l-kalendarju tal-listing tiegħi għall-bqija tas-sena, nuża l-iskont għal min jibbukkja kmieni," tgħid Anne, Superhost ġewwa Tarragona, Spanja. "Jgħinni nimla l-kalendarju tal-listing malajr u dawk li jiksbu skont rari jikkanċellaw."

Aħseb kif tista' tħaffef il-wasla u t-tluq għall-klijenti tiegħek. Agħtihom id-direzzjonijiet taċ-checkin biex tgħinhom jifhmu kif isibu l-post tiegħek u jiftħu l-bieb ta' barra meta jaslu fil-post.

• Żid id-dettalji importanti. Tista' tagħżel u tibdel il-metodu taċ-checkin, il-ħin u d-direzzjonijiet li tagħti fil-gwida tal-wasla tal-listing. Jekk tagħti s-servizz tas-self checkin b'serratura intelliġenti, keypad jew lockbox, il-klijenti jistgħu jidħlu fil-post b'kodiċi anki jekk jaslu tard billejl.
• Uri kif tidħol fil-post. Tella' xi ritratti jew filmat biex tgħin lill-klijenti jifhmu l-proċess. Itlob lil xi ħadd minn sħabek jipprova jifhem l-istruzzjonijiet biex tiżgura li huma ċari.

Qis il-proċess taċ-checkout bħala l-aħħar ħaġa li tolqot l-għajn fl-ispazju tiegħek. Istruzzjonijiet ċari jistgħu jfakkru lill-klijenti fiż-żjara mill-isbaħ li kellhom.

• Agħti istruzzjonijiet taċ-checkout ċari. Agħżel minn lista ta' biċċiet tax-xogħol fil-gwida tal-wasla tal-listing tiegħek. Fisser lill-klijenti x'inhu importanti li jagħmlu, bħal li jitfu kollox u jsakkru warajhom. Dal-istruzzjonijiet se jintwerew lil kulħadd u mhux lill-klijenti li bbukkjaw il-post tiegħek biss.
• Ħaffifhom kemm jista' jkun. Qis jekk teħtieġx lill-klijenti jagħmlu xi biċċiet tax-xogħol bħal li jiġbru x-xuġamani użati u li jarmu ż-żibel.

"Importanti li ma tagħtix iktar minn istruzzjoni waħda jew tnejn ħfief għax il-klijenti ma jkunux jixtiequ jaħlu wisq ħin biex iħallu l-propjetà," tgħid Karen, Superhost ġewwa Nelson, il-Kanada. "B'hekk tkun qed tagħmilhielhom eħfef."

Il-prezzijiet li titlob u s-settings l-oħra tal-listing tiegħek dejjem se jkunu f'idek. Ir-riżultati li tikseb jafu jvarjaw.

Ħallasna lill-hosts għas-sehem tagħhom fl-istħarriġ.

Il-pariri fuq kif tilqa' n-nies jiddependu mil-liġijiet tal-post fejn jinsab il-listing.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.