Kif tikseb il-bookings meta x-xogħol ikun kwiet

Anki l-iktar listings imfittxija kultant ikollhom xi żminijiet fejn ma jkollhomx bookings. Dawn huma xi modi kif tista' tuża l-għodod tal-ospitalità ta' Airbnb biex jgħinuk tħajjar iktar klijenti jibbukkjaw miegħek meta x-xogħol ikun kajman.

Ibdel il-prezz tal-listing ta' sikwit biex dejjem tkun qed titlob prezz kompetittiv. Nissuġġerulek tagħmel dawn li ġejjin skont il-ħtiġijiet tiegħek:

• Żid prezz personalizzat għal tmiem il-ġimgħa. Jekk dejjem titlob l-istess prezz, nissuġġerulek titlob prezz different għall-iljieli tal-Ġimgħa u tas-Sibt. Meta l-prezzijiet ikunu jiddependu mil-lejl innifsu, tista' tikseb iktar bookings.
• Qabbel il-listings li jixtiebhu. Il-listings bi prezzijiet irħas minn dawk ta' listings li jixbhuhom fil-qrib ħafna drabi jintwerew qabel fir-riżultati tat-tiftix. Nissuġġerulek tibdel ir-rata ta' kull lejl tal-listing tiegħek skont il-listings li kisbu u ma kisbux il-bookings fiż-żona tiegħek.

Iftaħ il-kalendarju tal-listing tiegħek u agħżel firxa ta' dati sa 31 jum biex issib il-prezzijiet medji tal-listings li jixbhu lil tiegħek fuq il-mappa taż-żona tiegħek. Biex nifhmu liema propjetajiet jixbhu lil tiegħek inqisu fatturi bħall-post fejn jinsabu, id-daqs, il-faċilitajiet, il-kumditajiet, ir-ratings, ir-reviews u listings oħra li l-klijenti żaru huma u jqisu għandhomx jibbukkjaw jew le l-listing tiegħek.

"Inżomm għajnejja fuq il-listings li jixbhu lil tiegħi biex niżgura li nkun qed nitlob prezz kompetittiv," tgħid Katie Kay, membru tal-Bord Konsultattiv tal-Hosts u Superhost ġewwa Palm Springs, California. "Importanti li tkun flessibbli matul l-iktar żmien kwiet tas-sena jekk tixtieq tikseb il-bookings għal-listing tiegħek."

L-iskontijiet għal żjarat ta' mill-inqas sebat ijiem jistgħu jgħinu lil-listing tiegħek jintwera f'post aħjar fir-riżultati tat-tiftix, jimlew id-dati battala fil-kalendarju u jnaqqsu l-ħtieġa li tħejji l-post għal klijenti ġodda filwaqt li ż-żjarat iqsar jistgħu jgħinuk timla d-dati battala fil-kalendarju tal-listing.

• Żid skont għall-bookings ta' ġimgħa.F'każ ta' skont ta' mill-inqas 10%, lill-klijenti se nuruhom messaġġ speċjali fir-riżultati tat-tiftix u fuq il-paġna tal-listing tiegħek. Il-prezz imraħħas tal-listing tiegħek se jintwera ħdejn il-prezz mingħajr roħs (li se jintwera maqtugħ).
• Naqqas l-inqas għadd ta' ljieli meħtieġa għal booking. Tista' taddatta l-inqas għadd ta' ljieli meħtieġa għal booking skont il-jum tal-ġimgħa. Jekk it-talba tkun ogħla fi tmiem il-ġimgħa, tista' tilqa' l-bookings ta' lejl matul il-ġimgħa imma mhux għall-bookings li jibdew nhar ta' Ġimgħa jew nhar ta' Sibt.

"Għall-iktar żmien kwiet tas-sena se nkunu qed innaqqas l-inqas għadd ta' ljieli meħtieġa għal booking biex inħajjar lin-nies li jixtiequ jibbukkjaw ftit iljieli jagħżlu l-post tiegħi," tgħid Felicity, Superhost ġewwa Sydney, l-Awstralja.

Tagħmel tajjeb li kultant tibdel id-dettalji tal-listing tiegħek, l-iktar matul iż-żmien kwiet tas-sena, biex il-klijenti jifhmu aħjar x'għandhom jistennew u jibbukkjaw il-post tiegħek b'moħħhom mistrieħ.

• Oħloq dawra mad-dar bir-ritratti. L-għodda ta' Airbnb tqassamlek awtomatikament kamra b'kamra r-ritratti li ttella' biex il-klijenti jkunu jistgħu jifhmu kif inhu mqassam il-post tiegħek. Se tkun tista' tmexxi, tneħħi u żżid ir-ritratti, iżżid id-dettalji kamra b'kamra u tikteb il-caption għal kull ritratt.
• Żid istruzzjonijiet taċ-checkout ċari. Ikteb x'tistenna mill-klijenti qabel iħallu l-post bħal, ngħidu aħna, li jsakkru kollox. Dal-istruzzjonijiet se jintwerew lil kulħadd qabel il-booking. Il-listings bl-istruzzjonijiet taċ-checkout jiksbu iktar bookings. Il-klijenti qalulna li jippreferu inqas istruzzjonijiet u għalhekk nissuġġerulek ma tagħtihomx wisq x'jagħmlu.

Mijiet ta' Klabbs tal-Hosts madwar id-dinja jgħinu lill-hosts ta' Airbnb jiltaqgħu u jitgħallmu minn xulxin. Sibna li l-hosts imsieħba ma' dal-klabbs daħħlu d-doppju tal-flus tal-hosts li mhux fil-klabbs* u li l-għadd ta' membri li saru Superhosts huwa kważi tliet darbiet ikbar mill-medja tal-pjattaforma.**

Fost l-iktar attivitajiet imtella' mill-klabbs hemm:

• Il-qsim tal-pariri fuq kif tilqa' n-nies li jistgħu jgħinuk iddaħħal iktar flus
• Taħdidiet dwar ir-regoli għall-kiri għal żmien qasir il-ġodda
• Il-qsim tal-informazzjoni dwar il-kuntratturi tal-post li tista' toqgħod fuqhom bħal naddafa u plumbers
• Is-sehem f'avvenimenti speċjali biex il-Hosts jiltaqgħu flimkien

*Skont dejta interna ta' Airbnb li tqabbel id-dħul medju u r-ratings medja tal-membri tal-Klabbs tal-Hosts ta' Airbnb madwar id-dinja kollha mal-Hosts kollha ta' Airbnb bejn Settembru tal-2022 u Settembru tal-2023. Id-dejta tad-dħul jaf tvarja skont il-post fejn jinsab il-listing, iż-żmien tas-sena u x-xorta tal-listing.

**Skont dejta interna ta' Airbnb dwar l-istatus ta' Superhost għall-hosts li ngħaqdu mal-programm bejn Lulju tal-2023 u Lulju tal-2024.

Il-prezzijiet li titlob u s-settings l-oħra tal-listing tiegħek dejjem se jkunu f'idek. Ir-riżultati li tikseb jafu jvarjaw.

Ħallasna lill-hosts għas-sehem tagħhom fl-istħarriġ.

Il-pariri fuq kif tilqa' n-nies jiddependu mil-liġijiet tal-post fejn jinsab il-listing.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.