Kif iddaħħal iktar flus matul l-iktar żmien imħabbat tas-sena

Il-btajjel, l-avvenimenti l-kbar u t-temp sabiħ jistgħu jwasslu għal iktar bookings fil-listing tiegħek. L-għodod tal-ospitalità ta' Airbnb jgħinuk tieħu kemm tista' minn daż-żmien fejn it-talba għall-postijiet fejn toqgħod tkun ikbar. Nisuġġerulek tipprova dawn li ġejjin biex tkabbar id-dħul tiegħek.

Wieħed mill-modi kif tħejji ruħek għall-iktar żmien imfittex mill-klijenti huwa li tiftaħ iktar iljieli fil-kalendarju tal-listing tiegħek. B'hekk il-listing tiegħek ikun jista' jintwera f'iktar riżultati tat-tiftix u int tkun tista' ddaħħal iktar flus.

Iftaħ il-kalendarju tal-listing tiegħek u sib l-iljieli mblukkati li jintwerew bil-lewn griż. Iftaħ kull lejl li matulu tista' tilqa' n-nies.

Jekk tilqa' l-bookings b'iktar żmien bil-quddiem, il-klijenti jkunu jistgħu jibbukkjaw ħafna iktar minn qabel. Dil-istrateġija taħdem l-aħjar f'postijiet fejn iż-żieda fit-talba għall-postijiet tista' tkun mistennija minħabba, ngħidu aħna, avvenimenti kbar li jittellgħu kull sena jew iż-żmien tal-borra jew tal-għawm.

Il-kalendarju tal-listing tiegħek jinfetaħ jum b'jum, tkun xi tkun id-disponibbiltà bil-quddiem tal-listing. Ngħidu aħna, jekk tiftaħ il-kalendarju tal-listing tiegħek sa 12-il xahar bil-quddiem, il-klijenti se jkunu jistgħu jibbukkjaw sena bil-quddiem mil-lum u l-iljieli l-ġodda se jinfetħu kuljum.

Iċċekkja l-prezzijiet tal-listings fil-qrib li jixbhu lil tiegħek biex dejjem titlob prezz kompetittiv matul l-iktar żmien imħabbat tas-sena. Biex tqabbel il-prezzijiet, iftaħ il-kalendarju tal-listing tiegħek u agħżel data sa 31 jum fil-ġejjieni.

Se nuruk il-medja tal-prezzijiet li qed jintalbu għal-listings li jixbhu lil tiegħek fuq mappa taż-żona tiegħek. Biex nifhmu liema propjetajiet jixbhu lil tiegħek inqisu fatturi bħall-post fejn jinsabu, id-daqs, il-faċilitajiet, il-kumditajiet, ir-ratings, ir-reviews u listings oħra li l-klijenti żaru huma u jqisu għandhomx jibbukkjaw jew le l-listing tiegħek.

Il-listings bi prezzijiet irħas minn listings li jixbhuhom fil-qrib jintwerew qabel fir-riżultati tat-tiftix.

Jekk il-prezzijiet tal-listing tiegħek ma jinbidlux minn lejl għal ieħor, nissuġġerulek iżżid prezzijiet apposta għal matul il-ġimgħa u għal tmiem il-ġimgħa biex taddatta għad-domanda. Meta taddatta l-prezzijiet li titlob, taf iżżid l-għadd ta' bookings li tikseb.

It-traħħis fil-prezz huwa mod ieħor kif il-listing tiegħek jista' jispikka mal-klijenti. Tista' tolqot ħafna xorta ta' klijenti billi tagħti:

• Skontijiet għall-bookings ta' ġimgħa u ta' xahar. Agħti skontijiet għall-bookings ta' ġimgħa (mill-inqas 7 ijiem wara xulxin) u ta' xahar (mill-inqas 28 lejl wara xulxin). Dil-ħaġa tista' tgħinek tikseb bookings itwal fil-listings tiegħek u tnaqqaslek l-għadd ta' drabi li jkollok tħejji l-post bejn booking u ieħor.
• Skont għal min jibbukkja kmieni. Biex tħajjar lill-klijenti jaħsbu minn qabel jagħżlu l-post tiegħek, agħti skont għal min jibbukkja kmieni għall-bookings li jsiru bejn xahar u 24 xahar qabel iċ-checkin.
• Skont tal-aħħar minuta. Tista' tikseb il-bookings mingħand dawk li jibbukkjaw fl-aħħar ħin jekk tbaxxi l-prezz tiegħek iktar ma toqrob id-data taċ-checkin. L-iskontijiet għall-bookings li jsiru bejn jum u 28 jum qabel id-data taċ-checkin jistgħu jgħinuk timla l-kalendarju tal-listing tiegħek u żżid id-dħul.

Jekk tagħti skont għall-bookings ta' ġimgħa, għall-bookings ta' xahar u għall-bookings tal-aħħar minuta ta' mill-inqas 10% jew skont għal min jibbukkja kmieni ta' mill-inqas 3%, se nuru messaġġ speċjali ħdejn il-listing tiegħek fir-riżultati tat-tiftix u fuq il-paġna tal-listing tiegħek. Il-prezz imraħħas tal-listing tiegħek se jintwera ħdejn il-prezz mhux imraħħas (li se jintwera maqtugħ).

Żomm f'moħħok li ma tistax tagħti skont għal min jibbukkja kmieni jekk ikollok il-Prezzijiet Intelliġenti mixgħula u li l-iskontijiet għall-bookings ta' ġimgħa u ta' xahar għandhom jimxu mar-regoli u r-regolamenti tal-post fejn jinsab il-listing.

Ritratti tal-listing mill-aqwa jgħinuk tolqot lill-klijenti, tgħinhom jifhmu x'għandhom jistennew li jsibu u sserħilhom rashom li qed jibbukkjaw post li jgħodd għalihom. Nissuġġerulek tibdel ir-ritratti tal-listing tiegħek int u tħejji kollox għall-iktar żmien imħabbat tas-sena.

• Ippjana r-ritratti tiegħek. Ara li tieħu ritratti li juru d-dettalji uniċi, il-kumditajiet popolari u l-faċilitajiet tal-aċċessibbiltà tal-post fejn toqgħod tiegħek. Ħu ritratt minn ħafna rkejjen ta' kull kamra u żona li se jkunu jistgħu jużaw il-klijenti.
• Tella' ritratti għall-wisgħa b'riżoluzzjoni għolja. Ir-ritratti għandhom ikunu mill-inqas 800 pixel b'1,200 pixel. Iktar ma l-fajls ikunu kbar, sa 10 megabytes, iktar aħjar.
• Qabbad professjonist. Nissuġġerulek tqabbad fotografu professjonali biex jgħinek. Airbnb tista' ssiblek fotografu professjonali f'xi bliet madwar id-dinja.
• Oħloq dawra mad-dar bir-ritratti. L-għodda ta' Airbnb tqassam awtomatikament kamra b'kamra r-ritratti li ttella' biex il-klijenti jkunu jistgħu jifhmu kif inhu mqassam il-post tiegħek. Se tkun tista' tmexxi, tneħħi u żżid ir-ritratti, iżżid id-dettalji kamra b'kamra u tikteb il-caption għal kull ritratt.

Mod ieħor kif tħajjar iktar nies jagħżlu l-listing tiegħek huwa li tħaffef il-proċess taċ-checkin u taċ-checkout.

• Żid is-self checkin. Waħħal serratura intelliġenti, keypad jew lockbox biex il-klijenti jkunu jistgħu jiftħu l-bieb ta' barra b'kodiċi. Minbarra li ħafna klijenti jippreferu l-kumdità u l-flessibbiltà tas-self checkin, lilek tista' tiffrankalek il-ħin. Tagħżel x'tagħżel, importanti li kull klijent ikollu kodiċi uniku biex ikun jista' jidħol fil-post.
• Agħti l-istruzzjonijiet taċ-checkout. Agħti istruzzjonijiet ħfief u ċari bħal, ngħidu aħna, fejn tħalli ċ-ċwievet u x'għandek titfi u tagħlaq.

"Importanti li fejn jidħlu dal-istruzzjonijiet, ma tagħtix wisq ordnijiet lill-klijenti għax ma tridhomx iħallu l-post u l-aħħar ħaġa li jiftakru tkun kemm kienet twila l-lista ta' qabel iċ-checkout," tgħid Katie, membru tal-Bord Konsultattiv tal-Hosts u Superhost ġewwa Palm Springs, California. "Taf tikseb dik ir-review ta' ħames stilel għax ma kellekx lista taċ-checkout li ma tintemm qatt."

Mijiet ta' Klabbs tal-Hosts madwar id-dinja jgħinu lill-hosts ta' Airbnb jiltaqgħu u jitgħallmu minn xulxin. Sibna li l-hosts imsieħba ma' dal-klabbs daħħlu d-doppju tal-flus tal-hosts li mhux fil-klabbs* u li l-għadd ta' membri li saru Superhosts huwa kważi tliet darbiet ikbar mill-medja tal-pjattaforma.**

Fost l-iktar attivitajiet imtella' mill-klabbs hemm:

• Il-qsim tal-pariri fuq kif tilqa' n-nies li jistgħu jgħinuk iddaħħal iktar flus
• Taħdidiet dwar ir-regoli għall-kiri għal żmien qasir il-ġodda
• Il-qsim tal-informazzjoni dwar il-kuntratturi tal-post li tista' toqgħod fuqhom (naddafa, plumbers, eċċ.)
• Is-sehem f'avvenimenti speċjali biex il-Hosts jiltaqgħu flimkien

*Skont dejta interna ta' Airbnb li tqabbel id-dħul medju u r-ratings medja tal-membri tal-Klabbs tal-Hosts ta' Airbnb madwar id-dinja kollha mal-hosts kollha ta' Airbnb bejn Settembru tal-2022 u Settembru tal-2023. Id-dejta tad-dħul jaf tvarja skont il-post fejn jinsab il-listing, iż-żmien tas-sena u x-xorta tal-listing.

**Skont dejta interna ta' Airbnb dwar l-istatus ta' Superhost għall-hosts li ngħaqdu mal-programm bejn Lulju tal-2023 u Lulju tal-2024.

Il-prezzijiet li titlob u s-settings l-oħra tal-listing tiegħek dejjem se jkunu f'idek. Ir-riżultati li tikseb jafu jvarjaw.

Ħallasna lill-hosts għas-sehem tagħhom fl-istħarriġ.

Il-pariri fuq kif tilqa' n-nies jiddependu mil-liġijiet tal-post fejn jinsab il-listing.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.