Kulma għandek tkun taf dwar it-tariffi għat-tindif

Li tagħżel iżżidx tariffa għat-tindif jew le huwa parti mill-istrateġija tal-prezzijiet tiegħek. Xi hosts jagħżlu li jitolbu dit-tariffa biex jagħmlu tajjeb għan-nefqiet tat-tindif. Biss, jekk it-tariffa tkun għalja wisq, il-klijenti jafu ma jibbukkjawx il-post tiegħek—u b'hekk jonqoslok id-dħul.

Dan dak li għandek iżżomm f'moħħok int u tqis l-ispejjeż tat-tindif u kemm il-listing tiegħek jista' jikseb bookings.

Il-klijenti jgħidulna li għalihom l-iktar ħaġa importanti hi li l-ispazju jkun nadif u li l-prezz ikun ġust. Waħda mill-raġunijiet ewlenin għaliex il-klijenti jagħtu rating ta' inqas minn 5 stilel hija n-nuqqas ta' ndafa. Ir-riċerka tagħna turi li jekk titlob tariffa għat-tindif għal-listing tiegħek, il-klijenti jistennew standards tat-tindif ogħla u dil-ħaġa toħroġ meta l-klijenti jiġu biex jiktbu review dwar il-booking tagħhom.

Jekk tagħżel li titlob tariffa għat-tindif, il-prezz totali tal-booking se jogħla u meta l-klijenti jiġu biex iħallsu, it-tariffa se tintwera għaliha fir-rendikont tal-prezz. Tariffa għat-tindif għalja taf taqtgħalhom qalbhom li jibbukkjaw il-listing tiegħek. Il-klijenti se jkollhom ukoll l-għażla li jixegħlu l-faċilità tal-prezz totali, faċilità li fir-riżultati tat-tiftix turihom in-nefqa sħiħa tal-booking bit-tariffi kollha.

Prezz kompetittiv jista' jgħin lil-listing tiegħek jispikka u jintwera qabel listings oħra fir-riżultati tat-tiftix. L-algoritmu ta' Airbnb juri l-prezz totali u l-kwalità tal-listing meta jiġu mqabbla ma' listings oħra simili fil-qrib.

Tista' tuża l-għodod tal-prezzijiet tal-kalendarju tal-listing tiegħek biex tqiegħed il-prezz totali skont id-data u t-tip tal-vjaġġ u biex tqabbel il-prezz ma' dak ta' listings oħra fil-qrib li jixbhu lil-listing tiegħek.

Malli ssib sistema tat-tindif li tgħodd għalik, aħdem kemm tqumlek flus u oħloq baġit tat-tindif preċiż. Dawn xi pariri li nissuġġerulek tqis int u tikkalkula kemm iqumlek flus it-tindif:

• Qabbel il-prezzijiet. Jekk qed tqabbad lil xi ħadd inaddaflek, ikseb stima għat-tindif mingħand kumpaniji oħra biex tara li qed tħallas prezz tajjeb u paga ġusta.
• Innegozja l-prezzijiet ma' min inaddaflek. Staqsi lill-ħaddiema humiex lesti jaċċettaw rata ftit irħas jekk tgħaddilhom iktar xogħol. "Lill-ħaddiema tagħna tajniehom dħul garantit waqt l-iktar żmien kwiet tas-sena, anki jekk kważi ma daħlilna l-ebda booking," tgħid il-host Lorna. "Biex nibbilanċjaw, qbilna li nħallsu ftit inqas matul l-iktar żmien tas-sena mfittex mill-klijenti."
• Ixtri bil-grossa. Ifhem liema prodotti tat-tindif tuża l-iktar. Meta tordna bil-grossa, maż-żmien jiġi jaqbillek.

Agħżel kif tixtieq tagħmel tajjeb għan-nefqa tat-tindif u żomm il-prezz tal-listing tiegħek kompetittiv. Nissuġġerulek:

• Ara hemmx xi tnaqqis fit-taxxa li tista' tuża. Meta tibgħat id-denunzja tat-taxxa tad-dħul, taf tista' tnaqqas in-nefqiet li tagħmel biex tilqa' n-nies fosthom in-nefqiet tat-tindif. Espert tat-taxxa jaf jgħinek jew jagħtik iktar dettalji.
• Daħħal in-nefqiet li tagħmel fil-prezz li titlob għal kull lejl. Aħdem kemm tħallas għall-prodotti tat-tindif, għas-servizzi tal-ħasil u għat-tindif tal-post u żidhom man-nefqiet l-oħra li tqis għat-tmexxija tan-negozju tiegħek. B'hekk tkun tista' tifhem aħjar xi prezz ta' kull lejl tista' titlob għal-listing tiegħek.
• Żid tariffa għat-tindif. Uża l-flus li ddaħħal minn dit-tariffa biex tixtri l-prodotti tat-tindif jew biex tqabbad lil xi ħadd inaddaflek—mhux biex tagħmel iktar flus.

Jekk tagħżel li titlob tariffa għat-tindif, għandek għadd ta' għażliet:

• Itlob tariffa standard. Itlob l-istess tariffa għat-tindif għall-klijenti kollha, ikun kemm ikun twil il-booking. Din taf tkun għażla tajba għall-hosts li jilqgħu bookings itwal.
• Addatta t-tariffa għat-tindif tal-listing tiegħek. Ħajjar lill-klijenti li jixtiequ jagħmlu bookings iqsar, ta' lejl jew tnejn, billi titlob tariffa għat-tindif irħas. Għall-bookings l-oħra kollha tista' titlob it-tariffa għat-tindif standard.

Jekk din l-ewwel darba li se tilqa' n-nies, qabel iżżid tariffa għat-tindif nissuġġerulek li tistenna ftit sakemm ikollok ftit reviews tajbin biex tħajjar in-nies jibbukkjaw.

It-tariffa għat-tindif tiegħek normalment tagħmel tajjeb għat-tindif tad-dar li qed tistenna li tagħmel wara li tilqa' n-nies għandek. Għal spejjeż ta' tindif mhux mistennija, bħat-tneħħija tat-tbajja' jew tal-irwejjaħ tat-tipjip li huma tort tal-klijenti, taf tkun eliġibbli għal kumpens sa $3 miljun USD grazzi għal Ħarsien mill-Ħsara għall-Hosts, parti minn AirCover għall-Hosts.

Il-programmi Ħarsien mill-Ħsara għall-Hosts, Assigurazzjoni għar-Responsabbiltà tal-Hosts, u Assigurazzjoni għar-Responsabbiltà tal-Esperjenzi u s-Servizzi ta' AirCover għall-Hosts, la jħarsu lill-hosts tal-postijiet fejn toqgħod ġewwa l-Ġappun u lanqas lill-hosts tal-Esperjenzi ġewwa l-Ġappun għax dawn huma mħarsa mill-Assigurazzjoni tal-Hosts tal-Ġappun u mill-Assigurazzjoni għall-Ħarsien tal-Esperjenzi tal-Ġappun, u lanqas ma jħarsu lill-hosts li jagħtu l-postijiet fejn toqgħod permezz ta' Airbnb Travel LLC. Żomm f'moħħok li l-limiti tal-ħarsien qed jintwerew kollha bil-munita USD.

L-Assigurazzjoni għar-Responsabbiltà tal-Hosts u l-Assigurazzjoni għar-Responsabbiltà tal-Esperjenzi u s-Servizzi huma pprovduti minn kumpaniji tal-assigurazzjoni li ma jagħmlux parti minn Airbnb.

Jеkk qеd tіlqа' n‐nіеѕ‚ tоrgаnіzzа l‐еѕреrјеnzі јеw tаgħtі ѕ‐ѕеrvіzzі ġеwwа r‐Rеnјu Unіt‚ l‐Аѕѕіgurаzzјоnі għаr‐Rеѕроnѕаbbіltà tаl‐Hоѕtѕ u l‐Аѕѕіgurаzzјоnі għаr‐Rеѕроnѕаbbіltà tаl‐Eѕреrјеnzі u ѕ‐Sеrvіzzі humа ѕоttоѕkrіttі mіnn Ζurісh Іnѕurаnсе Соmpаnу Ltd․ u јіġu оrgаnіzzаtі u јіnħаrġu blа ħlаѕ żејјеd għаll‐hоѕtѕ tаr‐Rеnјu Unіt mіnn Аіrbnb UΚ Ѕеrvісеѕ Lіmіtеd—rаррrеżеntаntа аwtоrіzzаtа tа' Аоn UΚ Lіmіtеd‚ lі hіја аwtоrіzzаtа u rеgоlаtа mіll‐Аwtоrіtà tаl‐Κоndоttа Fіnаnzјаrја․ In-numru tar-reġistru tal-Awtorità tal-Kondotta Finanzjarja (FCA) ta' Aon huwa 310451. Tista' tikkonferma dan-numru billi żżur ir-Reġistru tas-Servizzi Finanzjarji jew billi tikkuntattja lill-FCA fuq +44 0800 111 6768. Іl‐роlіtіkі tаr‐rеѕроnѕаbbіltà tal‐Ноѕtѕ u tal‐Еѕреrјеnzі u ѕ‐Sеrvіzzі tа' АіrСоvеr għаll‐Ноѕtѕ humа rеgоlаtі mіll‐Аwtоrіtà tаl‐Κоndоttа Fіnаnzјаrја fіlwаqt lі l‐bqіја tаl‐рrоdоttі u ѕ‐ѕеrvіzzі lі tоffrі Аіrbnb UΚ Ѕеrvісеѕ Lіmіtеd, FPAFF405LC, mhumіех rеgоlаtі․ Aqra d-dettalji u l-esklużjonijiet.

Jekk qed tilqa' n-nies, torganizza l-esperjenzi jew tagħti s-servizzi fiż-Żona Ekonomika Ewropea ("ŻEE"), il- polza tal-Assigurazzjoni għar-Responsabbiltà tal-Hosts u l-polza tal-Assigurazzjoni għar-Responsabbiltà tal-Esperjenzi u s-Servizzi huma sottoskritti minn Zurich Insurance Europe AG, fergħa ġewwa Spanja, u jiġu organizzati u konklużi bla ħlas żejjed għall-benefiċċju tal-hosts fiż-ŻEE minn Airbnb Spain Insurance Agency S.L.U. ("ASIASL"), aġenzija tal-assigurazzjoni indipendenti mgħassa mid-Direttorat Ġenerali għall-Assigurazzjoni u l-Fondi tal-Pensjonijiet ("DGSFP") u rreġistrata ġewwa Spanja bin-numru AJ0364 fir-Reġistru tad-Distributuri tal-Assigurazzjoni tad-DGSFP. Tista' tivverifika dan-numru tar-reġistrazzjoni billi żżur ir-Reġistru tad-Distributuri tal-Assigurazzjoni tad-DGSFP, u tista' ssib id-dettalji kollha ta' ASIASL minn hawn.

Il-programm Ħarsien mill-ħsara għall-Hosts la huwa assigurazzjoni u lanqas mhu marbut mal-Assigurazzjoni għar-responsabbiltà tal-Hosts. Grazzi għall-programm ħarsien mill-ħsara għall-hosts, jekk il-klijenti jagħmlu xi ħsarat fil-propjetà tiegħek jew fi ħwejġek u ma jħallsukx għalihom, tista' tikseb kumpens għal dik il-ħsara. Għal-listings ġewwa l-istat ta' Washington, id-dmirijiet kuntrattwali tal-ħarsien mill-ħsara għall-hosts ta' Airbnb huma mħarsa minn polza tal-assigurazzjoni mixtrija minn Airbnb. Il-hosts li joqogħdu jew huma bbażati barra l-Awstralja jaqgħu taħt dar-Regoli għal Ħarsien mill-Ħsara għall-Hosts. Għall-hosts li joqogħdu jew huma bbażati ġewwa l-Awstralja, ħarsien mill-ħsara għall-hosts jaqa' taħt ir-Regoli għal Ħarsien mill-Ħsara għall-Hosts għall-Utenti Awstraljani.

L-іnfоrmаzzјоnі f'dаl‐аrtіklu tаf lаħqеt іnbіdlеt mіnn mеtа ġіе ррubblіkаt.