Kif Airbnb tħares lill-Hosts

Qegħdin hawn biex ngħinuk int u tilqa' n-nies. Sakemm tuża Airbnb mill-messaġġi sal-bookings u l-pagamenti, dejjem se nħarsuk grazzi għall-politiki u s-servizzi tagħna.

AirCover għall-Hosts huwa ħarsien komplut għall-hosts. Jagħtik sa $1 miljun USD f'assigurazzjoni kontra r-responsabbiltà għall-Hosts. Il-programm jagħtik ukoll sa $3 miljun USD f'Ħarsien mill-ħsara għall-Hosts li jagħmel tajjeb għall-biċċiet tal-arti, għall-oġġetti prezzjużi, għall-karozzi, għad-dgħajjes u għal vetturi tal-art jew vetturi tal-ilma oħra li tipparkja jew taħżen fil-propjetà tiegħek u iktar.

Grazzi għall-verifika tal-identità tal-klijent u t-teknoloġija għall-għarbiel tal-bookings, AirCover għall-Hosts għandu l-ħarsien meħtieġ anke qabel il-vjaġġ biex niżguraw li min jagħmel il-booking ikun min qed jgħid li hu. Meta l-liġi tħallina nagħmlu hekk, niċċekkjaw il-kondotta ta' kull klijent li jibbukkja u naraw li l-klijenti li jibbukkjaw mhumiex fuq xi listi ta' għassa mill-awtoritajiet jew listi ta' sanzjonijiet. It-teknoloġija tal-għarbiel tal-bookings tagħna tgħin ukoll biex innaqqsu ċ-ċans ta' parties li jagħtu fastidju u ħsara fil-propjetà.

Airbnb se tkun hemm biex tgħinek 24 siegħa kuljum, 7 ijiem fil-ġimgħa, b'64 ilsien differenti.

• Għajnuna bl-internet u bit-telefown:Ċemplilna jekk inqalgħet xi ħaġa urġenti. Ibgħatilna messaġġ jekk il-problema tiegħek mhix urġenti bħal, ngħidu aħna, tixtieq tagħmel xi bidliet fil-kalendarju jew fil-prezzijiet li qed titlob.
• Għajnuna apposta għas-Superhosts:Kull meta s-Superhosts jikkuntattjaw lil Airbnb, ngħadduhom awtomatikament ma' membru espert tat-Tim tal-Għajnuna ta' Airbnb.
• Linja tas-sigurtà 24 siegħa kuljum:Jekk qatt tħossok mhux sigur/a, l-app tagħna tista' tqabbdek ma' aġenti tas-sigurtà mħarrġa apposta, lejl u nhar.

Airbnb teħtieġ li l-klijenti kollha jimxu mar-regoli bażi. Il-klijenti għandhom jieħdu ħsieb l-ispazju tiegħek, jimxu mar-regoli tad-dar tiegħek, jgħarrfuk minnufih jekk tinqala' xi problema u jħallu d-dar f'kundizzjoni li ma tkunx teħtieġ tindif fil-fond. Qabel jibbukkja, kull klijent meħtieġ jaqbel ma' dar-regoli bażi.

Jekk klijent ma jimxix mar-regoli bażi tista' tirrapporta dil-ħaġa billi tikkuntattja lit-tim tal-Għajnuna ta' Airbnb jew billi tagħtih rating baxx għall-indafa jew għar-regoli tad-dar int u tikteb ir-review. Nistgħu nissospendu jew inneħħu l-klijenti li jkomplu jiksru r-regoli tad-dar standard minn Airbnb jekk ma jibdlux l-imġiba tagħhom.

Ir-regoli tad-dar iħalluk tgħarraf lill-klijenti x'qed tistenna minnhom meta jkunu fil-post tiegħek u nqisuhom bħala parti mir-regoli bażi. Tista' tagħżel mil-lista tagħna ta' regoli tad-dar standard fejn jidħlu:

• Il-pets
• L-avvenimenti
• It-tipjip, il-vaping u s-sigaretti elettroniċi
• Is-sigħat kwieti
• Il-ħinijiet taċ-checkin u taċ-checkout
• L-ikbar numru ta' klijenti fil-post
• It-teħid tar-ritratti u teħid ta' filmati kummerċjali

Tista' tikteb l-istruzzjonijiet tiegħek fit-taqsima "regoli oħra" tas-settings tal-listing tiegħek jekk għandek xi istruzzjonijiet speċjali li mhumiex parti mir-regoli tad-dar standard. Ngħidu aħna, tista' titlob lill-klijenti jagħlqu u jsakkru t-twieqi kollha qabel jagħmlu ċ-checkout.

Il-klijenti li jibbukkjaw post jew li jingħaqdu ma' vjaġġ jintalbu joħolqu profil komplut b'ritratti u bid-dettalji dwarhom infushom biex ngħinuk issir tafhom qabel iż-żjara tagħhom.

Tista' sserraħ moħħok li r-reviews dwar il-klijenti huma ġenwini. Il-klijenti u l-hosts ma jistgħux jiktbu reviews dwar xulxin sakemm ma jkunx intemm il-booking ibbukkjat mill-klijenti. Nagħtuk ukoll l-għażla li, meta trid, qabel il-wasla tagħhom, tistaqsi xi mistoqsijiet lill-klijenti u tgħinhom jifhmu x'qed tistenna mingħandhom.

Jekk tuża l-Booking Immedjat, se nagħtuk l-għażla li ma tħallix lill-klijenti jużawh sakemm ma jkunux temmew mill-inqas żjara waħda mingħajr problemi jew ratings ħżiena. Jekk tippreferi tapprova t-talbiet għall-bookings waħda waħda, qabel taċċetta booking tista' tiċċekkja l-profili u r-reviews tal-klijenti.

Sakemm timxi mal-Politika tal-Kanċellazzjoni għall-Hosts, dejjem se jkollok l-għażla li tikkanċella booking jekk ikollok tħassib raġjonevoli li l-klijenti se jorganizzaw party. Sakemm ma tmurx kontra l-Politika ta' Nondiskriminazzjoni tagħna, tista' tiċħad talba għall-booking jekk ma tħossokx komdu/a taċċettaha.

Il-programmi Ħarsien mill-Ħsara għall-Hosts, Assigurazzjoni għar-Responsabbiltà tal-Hosts, u Assigurazzjoni għar-Responsabbiltà tal-Esperjenzi u s-Servizzi ta' AirCover għall-Hosts, la jħarsu lill-hosts tal-postijiet fejn toqgħod ġewwa l-Ġappun u lanqas lill-hosts tal-Esperjenzi ġewwa l-Ġappun għax dawn huma mħarsa mill-Assigurazzjoni tal-Hosts tal-Ġappun u mill-Assigurazzjoni għall-Ħarsien tal-Esperjenzi tal-Ġappun, u lanqas ma jħarsu lill-hosts li jagħtu l-postijiet fejn toqgħod permezz ta' Airbnb Travel LLC. Il-limiti tal-ħarsien qed jintwerew kollha bil-munita USD.

L-Assigurazzjoni għar-Responsabbiltà tal-Hosts u l-Assigurazzjoni għar-Responsabbiltà tal-Esperjenzi u s-Servizzi huma sottoskritti minn kumpaniji tal-assigurazzjoni li ma jagħmlux parti minn Airbnb.

Jеkk qеd tіlqа' n‐nіеѕ‚ tоrgаnіzzа l‐еѕреrјеnzі јеw tаgħtі ѕ‐ѕеrvіzzі ġеwwа r‐Rеnјu Unіt‚ l‐Аѕѕіgurаzzјоnі għаr‐Rеѕроnѕаbbіltà tаl‐Hоѕtѕ u l‐Аѕѕіgurаzzјоnі għаr‐Rеѕроnѕаbbіltà tаl‐Eѕреrјеnzі u ѕ‐Sеrvіzzі humа ѕоttоѕkrіttі mіnn Ζurісh Іnѕurаnсе Соmpаnу Ltd․ u јіġu оrgаnіzzаtі u јіnħаrġu blа ħlаѕ żејјеd għаll‐hоѕtѕ tаr‐Rеnјu Unіt mіnn Аіrbnb UΚ Ѕеrvісеѕ Lіmіtеd—rаррrеżеntаntа аwtоrіzzаtа tа' Аоn UΚ Lіmіtеd‚ lі hіја аwtоrіzzаtа u rеgоlаtа mіll‐Аwtоrіtà tаl‐Κоndоttа Fіnаnzјаrја․ In-numru tar-reġistru tal-Awtorità tal-Kondotta Finanzjarja (FCA) ta' Aon huwa 310451. Tista' tikkonferma dan-numru billi żżur is-sit tar-Reġistru tas-Servizzi Finanzjarji jew billi tikkuntattja lil FCA fuq +44 0800 111 6768. Il-politiki tar-Responsabbiltà għall-Hosts u tar-Responsabbiltà tal-Esperjenzi u s-Servizzi ta' AirCover għall-Hosts huma regolati mill-Awtorità tal-Kondotta Finanzjarja. Il-bqija tal-prodotti u s-servizzi mhumiex servizzi regolati mibjugħa minn Airbnb UK Services Limited, FPAFF609LC.

Jekk qed tilqa' n-nies, torganizza l-esperjenzi jew tagħti s-servizzi fiż-Żona Ekonomika Ewropea ("ŻEE"), il-polza tal-Assigurazzjoni għar-Responsabbiltà tal-Hosts u l-polza tal-Assigurazzjoni għar-Responsabbiltà tal-Esperjenzi u s-Servizzi huma sottoskritti minn Zurich Insurance Europe AG, fergħa ġewwa Spanja, u jiġu organizzati u konklużi bla ħlas żejjed għall-benefiċċju tal-hosts fiż-ŻEE minn Airbnb Spain Insurance Agency S.L.U. ("ASIASL"), aġenzija tal-assigurazzjoni indipendenti mgħassa mid-Direttorat Ġenerali għall-Assigurazzjoni u l-Fondi tal-Pensjonijiet ("DGSFP") u rreġistrata ġewwa Spanja bin-numru AJ0364 fir-Reġistru tad-Distributuri tal-Assigurazzjoni tad-DGSFP. Tista' tivverifika dan-numru tar-reġistrazzjoni billi żżur ir-Reġistru tad-Distributuri tal-Assigurazzjoni tad-DGSFP, u tista' ssib id-dettalji kollha ta' ASIASL minn hawn.

Il-programm Ħarsien mill-ħsara għall-Hosts la huwa assigurazzjoni u lanqas mhu marbut mal-Assigurazzjoni għar-responsabbiltà tal-Hosts. Għal-listings ġewwa l-istat ta' Washington, l-obbligi kuntrattwali tal-Ħarsien mill-ħsara għall-Hosts ta' Airbnb huma mħarsa minn polza tal-assigurazzjoni mixtrija minn Airbnb. Il-hosts li joqogħdu jew huma bbażati barra l-Awstralja jaqgħu taħt dawn it-Termini għal Ħarsien mill-Ħsara għall-Hosts. Għall-hosts li joqogħdu jew huma bbażati ġewwa l-Awstralja, il-Ħarsien mill-Ħsara għall-Hosts jaqa' taħt it-Termini għal Ħarsien mill-Ħsara għall-Hosts għall-Utenti Awstraljani.

L-іnfоrmаzzјоnі f'dаl‐аrtіklu tаf lаħqеt іnbіdlеt mіnn mеtа ġіе ррubblіkаt.