Ħu kemm tista' mill-profil tiegħek bħala host

Il-klijenti qalulna li qabel jibbukkjaw kamra, ikunu jixtiequ jkunu jafu ma' min se jkunu qed jaqsmu l-post fejn toqgħod. Il-profil tiegħek bħala host huwa għodda biex tgħid xi ħaġa dwarek ħalli l-klijenti jkunu jafu x'għandhom jistennew.

Il-profil tiegħek bħala host huwa dak li l-klijenti ta' Airbnb jintwerew bħala l-profil tiegħek. Ismek, is-snin li ilek tilqa' n-nies, ir-rating bl-istilel u n-numru ta' reviews li ksibt mingħand il-klijenti se jintwerew fin-naħa ta' fuq. Warajhom se jintwerew id-dettalji dwarek li tagħżel li taqsam bħal pereżempju x-xogħol tiegħek, il-passatempi tiegħek, l-ilsna li titkellem, xi ħaġa interessanti dwarek, isem il-pet u dak li jagħmel il-post tiegħek speċjali.

Il-klijenti jistgħu jaraw xi biċċiet mill-profil tiegħek bħala host huma u jfittxu għall-kmamar. Jistgħu jagħfsu fuq ir-ritratt tiegħek biex jiftħu l-profil kollu. Il-klijenti jistgħu jiftħu l-profil tiegħek mil-listing ukoll.

Ipprova dawn il-pariri fuq kif tieħu ritratt li jolqot l-għajn.

Il-profil tiegħek bħala host huwa siewi biex tibda tibni rabta mal-klijenti. Il-klijenti jħossuhom li bdew isiru jafuk aħjar jekk isibu li tħobbu xi wħud mill-istess affarijiet, li taħdmu fl-istess industrija jew li tisimgħu l-istess tip ta' mużika.

"Għalkemm il-host m'għandux għalfejn ikun l-aqwa ħabib tiegħi, xorta nixtieq li jkun xi ħadd li nħossni komda naqsam il-post miegħu," tgħid Stacey, klijenta li tgħix ġewwa l-Belt ta' Oklahoma. "II-profil jurik min hi l-persuna wara l-profil u jgħinek tibda ż-żjara fuq sieq tajba."

Meta tagħti lill-klijenti iktar dettalji tkun qed tgħinhom jifhmu jekk il-post tiegħek jgħoddx għall-vjaġġ tagħhom u tkun qed tiffranka lit-tnejn li intom ħafna ħin u enerġija. "Inaqqas l-għadd ta' messaġġi mibgħuta u jħaffef il-proċess tal-booking għax inkun nista' nsib it-tweġibiet għall-mistoqsijiet tiegħi iktar malajr," tgħid Stacey.

Chris, Superhost ġewwa Macon, Georgia, juża l-profil tiegħu bħala host bħala għodda siewja biex il-klijenti jsiru jafuh aħjar. "Jien xi ftit mistħi u din il-faċilità tgħinni biex il-klijenti jsiru jafu iktar min jien," jgħidilna.

Fil-profil tiegħu Chris isemmi li huwa atleta rtirat li kien jilgħab il-futbol Amerikan għal 2 universitajiet li fl-imgħoddi kienu għas-Suwed. Isemmi wkoll li huwa:

• Jaħli wisq ħin jilgħab il-golf
• Twieled fis-snin 80
• Iħalli għadd ta' għażliet ta' kafè għall-klijenti tiegħu

Meta tagħżel li taqsam iktar dettalji mal-klijenti tiegħek qabel jibbukkjaw il-Kamra tiegħek tkun qed tgħin biex il-klijenti li jibbukkjaw il-post tiegħek ikunu dawk li għandhom l-istess drawwiet u interessi bħalek.

Stacey tgħidilna, "Jekk naqra li l-host 'jaħli wisq ħin' ikanta l-karaoke, naf li mhux se jkun qed jistenna l-istess xorta ta' klijent bħal dak il-host li 'jaħli wisq ħin' id-dar jara Netflix".

L-іnfоrmаzzјоnі f'dаl‐аrtіklu tаf lаħqеt іnbіdlеt mіnn mеtа ġіе ррubblіkаt.