Kif tħejji l-ispazju tiegħek
Żjara ta' ħames stilel tibda b'Host li joqgħod attent għad-dettalji fl-ispazju tiegħu. Dar li tilqgħek tista' tgħinek tikseb l-ewwel reviews tajbin.
Naddaf bir-reqqa
Il-Hosts li jiksbu l-aħjar riżultati fuq il-pjattaforma jissuġġerixxu li tagħmel dawn it-tliet affarijiet biex iżżomm il-post tiegħek nadif tazza:
Oqgħod attent/a għall-postijiet li jintmissu l-iktar. Imsaħ il-bankijiet, naddaf il-bokok tal-ilma maħmuġ u erġa' imla l-fliexken tas-sapun. Iċċekkja sew li tkun neħħejt ix-xagħar kollu.
Naddaf il-kmamar kollha. Iftaħ it-twieqi, farfar l-uċuħ u naddaf l-art kollha, anki taħt l-għamara. Ifrex is-sodod b'lożor nodfa u ħalli xugamani nodfa għal kull klijent.
- Oħloq checklist għat-tħejjija tal-post bejn klijent u ieħor. Imxi mal-istess proċess qabel kull checkin biex ma jaħrablek xejn.
"Bejn booking u ieħor inħalli sitt sigħat biex nagħmel tindifa fil-fond," jgħid Daniel, membru tal-Bord Konsultattiv tal-Hosts u Superhost ġewwa l-Gżejjer Kanarji, Spanja. "L-ispazju għandu jkun eżatt kif jintwera fuq il-listing tal-internet tiegħek."
Ixtri l-ħwejjeġ meħtieġa
Il-klijenti jistennew li l-post tiegħek ikollu xi kumditajiet essenzjali. Dawn huma:
- Toilet paper
- Sapun (għall-idejn u biex tinħasel bih)
- Xugaman għal kull klijent
- Imħadda għal kull klijent
- Lożor għal kull sodda għall-klijenti
Għin lill-klijenti jħossuhom milqugħa billi tħallilhom xi oġġetti komdi f'kull kamra, fosthom:
Kċina
- Pożati tal-mejda għall-ikbar għadd ta' klijenti li taċċetta
- Magna tal-kafè, kitla tat-te, borom, twaġen u oġġetti għat-tisjir
- Melħ, bżar u żejt għat-tisjir
- Sapun tal-platti, post fejn iħallu l-platti jinxfu u srievet tal-karti jew tad-drapp
Salott
- Postijiet fejn l-ikbar għadd ta' klijenti li taċċetta jistgħu joqogħdu bilqiegħda
- Sett tat-TV b'aċċess għal servizz ta' xandir fuq l-internet
- L-informazzjoni dwar id-dar bl-istruzzjonijiet fuq kif tuża dat-tagħmir
Kamra tal-banju
- Xugamani tal-idejn u tapit tal-banju
- Xkupilja tat-toilet u seffud
- Xampù, conditioner u hair dryer
Kamra tas-sodda
- Għata għat-twieqi u komodini b'lampa
- Kxaxen jew spallieri għall-ilbies u post apposta għall-bagalji
- Kutra żejda u fann jew heater
Wara li tkun ħejjejt il-post, qatta' lejl fih jew itlob lil sħabek joqogħdu fih u jgħidulek x'jaħsbu dwaru. Ma ddumx ma ssib x'hemm nieqes.
Agħmlu speċjali
Il-klijenti jieħdu gost ikunu jafu li l-Host qagħad attent għad-dettalji u li ħejja xi ħaġa speċjali biex iż-żjara tagħhom tkunilhom iktar komda. Dawn il-ħwejjeġ speċjali jafu jkunu ear plugs, stikek tat-tajjar, logħob tal-mejda, addattaturi għall-plaggijiet u ħwejjeġ oħra marbuta mal-post bħal, ngħidu aħna, umbrelel jew xugamani tal-baħar.
Ħafna Hosts ta' esperjenza qalulna li jagħżlu li:
- Jagħtu rigal ta' merħba. Ħallilhom messaġġ miktub bl-idejn, qoffa b'xi ikel tal-post jew xi ħaġa biex jiċċelebraw xi okkażjoni speċjali.
- Oħloq disinn li jilqgħek. Ftakar ftit f'dak li jgħinek tistrieħ int u tivvjaġġa. L-arti ta' mal-ħitan, ix-xtieli u l-cushions jistgħu jagħmlu l-post iktar komdu u jagħtuh dehra unika.
- Stampa kopja tal-informazzjoni dwar id-dar. Ħalli l-informazzjoni f'post fejn isibuha malajr bħal, ngħidu aħna, fuq bank tal-kċina.
- Enfasizza l-faċilitajiet speċjali. Fid-deskrizzjoni tal-listing tiegħek semmi kull ħaġa li tista' tkun ta' siwi bħal, ngħidu aħna, post apposta fejn taħdem jew faċilità tal-aċċessibbiltà.
"Għandi playpen, siġġu għoli, kotba u ġugarelli," tgħid Elsie, Host ġewwa Nashville, Tennessee.
Jekk tixtieq iktar pariri u għadek ma ksibtx l-ewwel booking, tista' tikseb għajnuna personalizzata mingħand Superhost. Dawn huma Hosts b'esperjenza kbira u bl-aqwa ratings fuq Airbnb.
L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.