Pariri fuq kif tilqa' lill-klijenti bi ħtiġijiet tal-aċċessibbiltà

Qabel jibbukkjaw, il-klijenti bi ħtiġijiet tal-aċċessibbiltà jixtiequ jkunu jafu kemm il-post jgħodd għalihom. Jistgħu jiffiltraw ir-riżultati tat-tiftix ta' Airbnb biex isibu xi faċilità partikolari bħal dħul mingħajr turġien u post għall-parkeġġ addattaw għan-nies b'diżabbiltà.

Il-postijiet fejn toqgħod ikkonfermati li addattati għal dawk li jużaw is-siġġu tar-roti jintwerew ukoll fil-Kategorija "Dħul mingħajr taraġ". Biex inżiduh ma' dik il-kategorija, il-post tiegħek għandu jkollu daħla mingħajr turġien u mill-inqas kamra tas-sodda waħda u kamra tal-banju b'xi bidliet bħal vireg jew siġġu tad-doċċa.

Importanti ħafna li tagħti informazzjoni ċara u preċiża dwar il-post fejn toqgħod tiegħek. Dawn xi pariri biex ngħinuk toħloq spazju li l-klijenti bi ħtiġijiet tal-aċċessibbiltà jistgħu jibbukkjaw b'moħħhom mistrieħ.

Fost il-faċilitajiet li jistgħu jgħinu lill-postijiet tiegħek jispikka hemm:

• Post tal-parkeġġ għan-nies b'diżabbiltà
• Mogħdija għad-daħla għall-klijenti mdawla
• Daħla għall-klijenti mingħajr turġien
• Daħliet mingħajr turġien għall-kmamar
• Daħliet usa' minn 81 ċentimetru (32 pulzier)
• Doċċa mingħajr turġien
• Vireg biex iżżomm magħhom fid-doċċa u qrib it-toilet
• Siġġu tad-doċċa jew tal-banju
• Irfigħ mas-saqaf jew irfigħ li jista' jinġarr
• Irfigħ għall-pixxina jew għall-hot tub

Qabel inżiduhom mal-listing tiegħek, kull faċilità tal-aċċessibbiltà tiġi riveduta biex niżguraw li r-ritratti tagħha huma skont il-linji gwida tal-aċċessibbiltà ta' Airbnb. Jekk ir-ritratti tiegħek ma jurux dil-faċilità sew jew ma tkunx kif mitlub mil-linji gwida tagħna, nistgħu nitolbuk ittella' ritratti ġodda jew biex tneħħi l-faċilità mil-listing tiegħek.

Nissuġġerulek ittella' iktar minn ritratt wieħed għal kull kamra biex tgħin lill-klijenti jifhmu jekk il-post fejn toqgħod tiegħek jgħoddx għalihom.

• Ikteb caption dettaljata li tiddeskrivi kull ritratt. Ngħidu aħna, il-caption ta' ritratt tal-kamra tal-banju tista' tgħid hekk: "Din l-unika kamra tal-banju fid-dar li tista' tidħol għaliha mingħajr turġien. It-toilet u d-doċċa għandhom vireg biex iżżomm magħhom imwaħħla mal-ħajt."

• Ħu r-ritratti minn iktar minn rokna waħda. Ngħidu aħna, ir-ritratti tal-kamra tal-banju jistgħu juru l-post fejn jinsabu l-vireg biex iżżomm magħhom u l-mogħdija ċatta wiesgħa li tagħti għat-toilet u d-doċċa.

Sir af iktar dwar kif tieħu r-ritratti tal-faċilitajiet tal-aċċessibbiltà

Wieġeb lill-klijenti meta jistaqsuk dwar il-faċilitajiet tal-aċċessibbiltà tal-post tiegħek. Tagħmel differenza kbira meta tistaqsi u twieġeb il-mistoqsijiet tagħhom.

Tista', ngħidu aħna, tistaqsihom:

• Għandek xi mistoqsijiet partikolari dwar il-post?
• X'nista' nagħmel biex ikollok żjara iktar komda?

Agħmel li tista' biex taddatta għat-talbiet raġjonevoli, bħal li tagħmel il-post tiegħek iktar komdu biex tmur minn post għall-ieħor fih. Ifhem jekk tistax tagħmel xi bidliet żgħar biex il-klijenti jħossuhom milqugħa. Xi ftit ideat:

• Ċaqlaq l-għamara biex toħloq mogħdijiet usa' fil-kmamar u l-ispazji tal-post tiegħek.
• Qiegħed l-affarijiet tad-dar, bħall-platti u x-xugamani, f'postijiet li jistgħu jintlaħqu aħjar.
• Neħħi kull ħaġa li xxekkel l-aċċess għas-sockets tal-elettriku.

Żomm f'moħħok li post mhux se jgħodd għall-klijenti kollha, għandhom jew m'għandhomx ħtiġijiet tal-aċċessibbiltà. Biss, kif hemm miktub fil-Politika ta' Nondiskriminazzjoni tagħna, ma tistax tiċħad booking għax xi ħadd għandu diżabbiltà. Lanqas ma tista' titlob tariffa għall-pets għall-annimali tas-servizz għax dawn ma jitqisux bħala pets.

Il-gwida tal-ivvjaġġar tiegħek hija opportunità biex turi l-belt tiegħek u kif tilqa' n-nies u taqsam xi pariri lokali. Tista' żżid xi suġġerimenti għall-postijiet fejn tiekol, għall-postijiet turistiċi u għall-attivitajiet fil-beraħ.

Int u toħloq il-gwida tal-ivvjaġġar tiegħek, qis x'jistgħu jkunu qed ifittxu l-vjaġġaturi bi ħtiġijiet tal-aċċessibbiltà. Tista', ngħidu aħna, issemmi liema ristoranti għandhom ir-rampi, jekk hemmx xi mogħdijiet lixxi għall-mixi u l-postijiet ta' interess b'postijiet fejn toqgħod aċċessibbli. Tista' taqsam ukoll id-dettalji dwar it-trasport pubbliku.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.