Kif tagħżel is-settings tal-bookings tiegħek
Tista' taċċetta bookings tal-klijenti b'żewġ modi: jew awtomatikament bil-Booking Immedjat jew billi twieġeb għat-talbiet għall-bookings. Ħafna klijenti u hosts jippreferu jużaw il-Booking Immedjat għax jiffrankaw il-ħin.
X'inhu l-Booking Immedjat?
Il-Booking Immedjat iħalli lill-klijenti jibbukkjaw minnufih kwalunkwe data disponibbli fuq il-kalendarju tiegħek. Se tirċievi biss talbiet għall-bookings li għandhom xi sitwazzjonijiet speċjali li jeħtieġu l-approvazzjoni tiegħek, bħal żjarat itwal minn 31 lejl.
Il-klijenti kollha għandhom jaqblu mar-regoli tad-dar tiegħek u jissodisfaw ir-rekwiżiti tal-bookings ta' Airbnb. Wara li tippubblika l-listing tiegħek tista' żżid is-settings li jeħtieġu li l-klijenti li jużaw il-Booking Immedjat:
- Ikunu diġà temmew booking mingħajr ebda review ħażina jew mingħajr ma ġie rrappurtat xi aċċident lill-Għajnuna ta' Airbnb.
- Jaqraw u jwieġbu l-mistoqsijiet f'messaġġ awtomatiku ta' qabel il-bookings li tkun ħloqt int.
Kif nista' napprova l-ewwel 5 bookings tiegħi?
Meta klijent ikun jixtieq jibbukkja l-post tiegħek, se tirċievi talba għall-booking. Se jkollok 24 siegħa biex tapprova jew tiċħad it-talba qabel tiskadi. Tista' tagħżel kif tirċievi n-notifiki biex tirċievi t-talbiet malajr kemm jista' jkun.
Meta klijent jibgħat talba għall-booking, id-dati jiġu mblukkati awtomatikament fil-kalendarju tiegħek biex nevitaw li jkollok bookings doppji. Dawk id-dati se jibqgħu mblukkati jekk taċċetta t-talba jew jekk tħalliha tiskadi, għalhekk huwa importanti li twieġeb għal kull talba malajr.
Is-settings tal-bookings tiegħek se jaqilbu għal Booking Immedjat wara li tkun ikkonfermajt 5 bookings. Tista' taġġorna s-settings tiegħek xħin trid.
Liema għażla tgħodd għalik?
Hawn għandek xi affarijiet li għandek iżżomm f'moħħok int u tagħżel is-settings tal-bookings tiegħek:
Booking Immedjat
- Il-klijenti japprezzaw il-fatt li l-bookings jiġu kkonfermati malajr u dan jaf iwassal għal iktar bookings.
- Il-Booking Immedjat jaċċetta l-bookings għalik skont il-parametri li tkun qegħidt.
- Jeħtieġlek iżżomm il-kalendarju tiegħek aġġornat u tissinkronizzah mal-kalendarji l-oħra li tuża.
Talbiet għal bookings
- Il-klijenti japprezzaw tweġibiet ta' malajr għalhekk nissuġġerulek tagħżel din l-għażla biss jekk tista' twieġeb fi żmien 24 siegħa.
- Tajjeb tenfasizza r-regoli jew il-karatteristiċi speċjali tal-post tiegħek, bħal pereżempju li d-daħla waħdanija tal-post tista' tasal għaliha biss wara li titla' taraġ wieqaf ħafna.
- Ma tistax tiċħad talbiet għal raġunijiet li jmorru kontra l-politika ta' nondiskriminazzjoni ta' Airbnb.
Mur għall-għażla li se tgħinek tevita l-kanċellazzjonijiet ta' bookings tal-klijenti għal raġunijiet li tista' tevita, li jafu jirriżultaw fi spejjeż jew konsegwenzi oħra.
L-іnfоrmаzzјоnі f'dаl‐аrtіklu jаf lаħqеt іnbіdlеt mіnn mеtа ġіе ррubblіkаt.