Mur 'il quddiem biex taċċessa r-riżultati suġġeriti
    Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

    X'jiġri meta l-klijenti jikkanċellaw jew jibdlu booking?

    X'se jiġri mill-ħlas tiegħek meta l-pjanijiet tal-vjaġġ jinbidlu.
    Minn Airbnb f'did-data: 19 ta’ Lul 2021
    Qari ta' 3 minuti
    Aġġornat f'did-data: 24 ta’ Aww 2022

    Punti ewlenin

    • Jekk klijent jikkanċella l-booking tiegħu, aħna se nimxu mal-politika ta' kanċellazzjoni tiegħek

    • Jekk tapprova xi bidla fil-booking ta' klijent, il-ħlas tiegħek se jsir 24 siegħa wara l-ħin taċ-checkin il-ġdid

    • Agħżel liema politika ta' kanċellazzjoni hija l-aħjar għall-każ tiegħek

    M'hemm xejn ċert fil-ħajja u l-klijenti xi kultant ikun jeħtiġilhom jikkanċellaw jew jibdlu l-bookings tagħhom. Anke jekk il-klijent jikkanċella, xorta jaf tirċievi ħlas—dejjem jiddependi mill-politika ta' kanċellazzjoni tal-listing tiegħek u minn kemm ikun fadal żmien bejn il-kanċellazzjoni u d-data li fiha kien mistenni jibda l-booking.

    Dan huwa dak li għandek tistenna f'każ li klijent jikkanċella, jibdel il-booking tiegħu jew jitlob parti mill-ħlas lura.

    Meta klijent jikkanċella l-booking tiegħu

    Jekk klijent jikkanċella l-booking tiegħu, aħna se nimxu mal-politika ta' kanċellazzjoni tiegħek. Jekk ikollok titħallas, il-ħlas normalment jintbagħat fi żmien 24 siegħa mill-ħin li fih il-klijent ikun mistenni jagħmel iċ-checkin.

    Jekk pereżempju l-listing tiegħek għandu politika ta' kanċellazzjoni stretta u l-klijent jikkanċella inqas minn 7 ijiem qabel il-ħin li fih ikun mistenni jagħmel iċ-checkin, int se titħallas is-somma kollha għal kull lejl tal-booking wara li nnaqqsu t-taxxi u t-tariffi. Se nibagħtulek il-ħlas tiegħek fi żmien 24 siegħa mill-ħin li fih il-klijent ikun mistenni jagħmel iċ-checkin. Jekk il-klijent ma jagħmilx iċ-checkin, mhux se titħallas it-tariffi tat-tindif, tal-pets u tal-klijenti l-oħra li kienu se jingħaqdu mal-booking.

    Fl-istorja tat-tranżazzjonijiet tiegħek dejjem se tkun tista' ssib rendikont ta' kull ħlas u bidla fil-ħlas li tkun saret.

    Sir af iktar dwar kif titħallas

    Meta klijent jibdel il-booking tiegħu

    Jekk klijent jibdel il-booking tiegħu, aħna normalment nibagħtulek il-ħlas tiegħek 24 siegħa wara l-ħin taċ-checkin il-ġdid. Jekk qed tilqa' żjarat itwal, għal dat-tip ta' bookings se nibagħtulek ħlas darba fix-xahar.

    Jekk pereżempju tapprova talba għal bidla fil-booking ta' klijent biex joqgħod għandek għal 10 ijiem f'Awwissu minflok 10 ijiem f'Ġunju, u t-talba tkun saret kmieni biżżejjed biex ma taqax taħt il-politika ta' kanċellazzjoni, aħna se nibagħtulek il-ħlas 24 siegħa wara l-ħin taċ-checkin il-ġdid tal-klijent tiegħek.

    Jekk klijent jibdel il-booking tiegħu waqt li jkun qed joqgħod fil-post tiegħek, nistgħu nnaqqsu xi flus mill-ħlasijiet li tirċievi fil-ġejjieni.

    Ejja nieħdu eżempju—jekk klijent jibbukkja l-post tiegħek għal 20 jum, aħna nibagħtulek il-ħlas tiegħek 24 siegħa wara l-ħin li fih il-klijent kien mistenni jagħmel iċ-checkin. Imma jekk għandek politika ta' kanċellazzjoni flessibbli u jkollu jikkanċella u jħalli l-post tiegħek wara 10 ijiem, int ikollok dritt titħallas għal kull lejl taż-żjara tal-klijent flimkien ma' lejl wieħed ieħor.

    Biss f'dal-każ tkun diġà tħallast għall-booking kollu—għalhekk, biex nagħmlu tajjeb għall-flus li l-klijent ikun tħallas lura, ikollna niġbru d-differenza mill-ħlasijiet tal-ġejjieni tiegħek.

    Meta klijent jitlob ħlas lura

    Jekk klijent jibbukkja l-post tiegħek għax stenna li jsib kumdità imma dil-kumdità ma tkunx hemm jew tkun bil-ħsara, il-klijent jista' jitlob parti mill-ħlas lura. Jekk pereżempju l-hot tub tiegħek inzerta kien bil-ħsara u kien waħda mill-kumditajiet prominenti tal-villa tiegħek, il-klijent jista' jikkuntattjak u jitlob parti mill-ħlas lura.

    F'dal-każ, jekk taqbel li tagħti parti mill-ħlas lura, billi probabbli tkun diġà rċevejt il-ħlas kollu, il-ħlasijiet tal-ġejjieni tiegħek se jitnaqqsu biex jagħmlu tajjeb għall-ħlas lura li tkun bgħatt. Tista' wkoll tuża ċ-Ċentru tar-Riżoluzzjonijiet biex tħallas lura lill-klijent tiegħek. Jekk tibgħat il-ħlas lura b'dak il-mod, mhu se jkun hemm l-ebda tnaqqis mill-ħlasijiet tiegħek fil-ġejjieni.

    Kif tħares lilek innifsek mill-kanċellazzjonijiet

    Ovvjament m'għandekx kontroll fuq jekk klijent jikkanċellax jew jibdilx il-booking tiegħu. Li tista' tagħmel hu li tagħżel is-settings li jgħoddu għalik billi taqra iktar dwar il-politiki ta' kanċellazzjoni li noffru għall-klijenti u tagħżel dik addattata għall-każ tiegħek.

    Nissuġġerulek ukoll tagħmel xogħlijiet ta' żamma ta' sikwit u tikkomunika mal-klijenti waqt mumenti importanti tal-vjaġġ tagħhom—kemm biex isserraħ moħħok li l-post tiegħek ikun fi stat tajjeb biex jilqa' l-klijenti kif ukoll biex tkun tista' tgħin f'każ li tinqala' xi problema.

    L-informazzjoni li tinsab f'dal-artiklu jaf laħqet inbidlet minn meta ġie ppubblikat.

    Punti ewlenin

    • Jekk klijent jikkanċella l-booking tiegħu, aħna se nimxu mal-politika ta' kanċellazzjoni tiegħek

    • Jekk tapprova xi bidla fil-booking ta' klijent, il-ħlas tiegħek se jsir 24 siegħa wara l-ħin taċ-checkin il-ġdid

    • Agħżel liema politika ta' kanċellazzjoni hija l-aħjar għall-każ tiegħek

    Airbnb
    19 ta’ Lul 2021
    Dan kien ta' għajnuna għalik?