Pariri fuq kif tevita l-kanċellazzjonijiet li jistgħu jiġu evitati

Wara li klijent jibbukkja vjaġġ, diġà jkun qed jimmaġina lilu nnifsu fuq xi bajja ramlija jew jiskopri belt ġdida u għalhekk mhux se jieħu gost jekk tikkanċellalu l-booking. Il-kanċellazzjonijiet itellfu mill-fiduċja bejn il-Hosts u l-klijenti u jistgħu jwasslu għal tariffi u konsegwenzi oħra.

Il-Hosts jagħmlu biċċa xogħol mill-aqwa billi jilqgħu n-nies li jkunu aċċettaw u jagħmlu l-almu tagħhom biex il-klijenti jkollhom esperjenza mill-isbaħ. Dawn huma xi pariri biex ngħinuk tevita l-kanċellazzjonijiet li jistgħu jiġu evitati.

Omar, Superhost ġewwa Mexico City, jissuġġerixxi li żżomm għajnejk fuq ix-xejriet ta' kif qed jivvjaġġaw in-nies u li tippjana l-affarijiet bil-quddiem. "Ifhem liema huma dawk iż-żminijiet popolari u dawk inqas popolari fiż-żona tiegħek—b'hekk tkun tista' tippjana d-disponibbiltà tal-kalendarju tiegħek bil-quddiem għaż-żjarat qosra, għaż-żjarat ftit itwal u għaż-żjarat fit-tul," jgħidilna.

• Imblokka dawk id-dati li matulhom taf li mhux se tkun tista' tilqa' n-nies.
• Ifhem kemm teħtieġ żmien bħala avviż minn qabel, qabel il-wasla tal-klijenti.
• Ippjana l-kalendarju tiegħek sa sentejn bil-quddiem.
• Iċċekkja l-kalendarju tiegħek ta' sikwit u agħmel il-bidliet li jkunu meħtieġa.

Il-Booking Immedjat huwa mod tajjeb kif tiffranka ħafna ħin u enerġija—l-importanti li żżomm il-kalendarju u s-settings tiegħek aġġornati.

• Nissuġġerulek tissinkronizza l-kalendarju ta' Airbnb mal-kalendarju ewlieni tiegħek (bħal iCal jew Google).
• Żomm il-kalendarju tiegħek aġġornat biex il-Booking Immedjat jaħdem kif suppost.
• Jekk ma taġġornax il-kalendarju tiegħek jaf tispiċċa b'iktar minn booking wieħed għall-istess lejl jew b'booking għal data meta ma tkunx tista' tilqa' n-nies—sitwazzjonijiet li jistgħu jwasslu għal tariffa ta' kanċellazzjoni.

Il-ħolqien ta' strateġija tal-prezzijiet huwa proċess biex issib dak il-prezz li jħajjar lill-klijenti jibbukkjaw miegħek u jagħmlek kuntent bid-dħul li qed tikseb.

• Agħżel li titlob prezz personalizzat għal ċerti ljieli, ġimgħat jew xhur.
• Skopri x'inhuma r-rati ta' kull lejl ta' listings oħra bħal tiegħek fiż-żona tiegħek.
• Ixgħel il-Prezzijiet Intelliġenti biex ma jkollokx għalfejn tqatta' l-ħin taħseb dwar il-prezzijiet.

Il-komunikazzjoni f'waqtha mal-klijenti hija kruċjali u l-għodod tal-messaġġi tagħna jagħmluhielek faċli tweġibhom.

• Jekk tixtieq issir taf iktar dwar klijent li jixtieq jibbukkja miegħek, aqra r-reviews dwaru.
• Biex tintroduċi ruħek u tikseb iktar informazzjoni tista' terġa' tibgħat l-istess tweġibiet ta' malajr lill-klijenti kollha li jixtiequ jibbukkjaw miegħek.
• Ibda uri inklussività ikbar billi tistaqsi lill-klijenti tiegħek, X'teħtieġu biex tkunu komdi u tħossukom milqugħin fl-ispazju tiegħi? 
• Meta l-klijenti jikkuntattjawk qabel jibbukkjaw, offri li tapprova l-booking tagħhom minn qabel u ħeġġiġhom jagħżlu l-post tiegħek. Sibna li kultant il-klijenti jikkomunikaw mal-Hosts qabel jibbukkjaw biex jippruvaw jifhmu jekk hux se jiġu aċċettati u milqugħin.

Imma l-iktar ħaġa importanti, żomm il-politika ta' nondiskriminazzjoni tagħna dejjem f'moħħok. Meta tilqa' n-nies fuq Airbnb, tkun qed taqbel li tilqa' lil, u turi rispett lejn il-klijenti kollha.

Ikseb iktar informazzjoni dwar il-kanċellazzjoni min-naħa tal-Hosts