Pariri fuq kif tevita l-kanċellazzjonijiet li jistgħu jiġu evitati

Wara li booking jiġi konfermat, il-klijenti jistennew li mhux se jinbidel. Meta l-hosts jikkanċellaw booking, jafu jkunu qed ifixklu l-pjanijiet tal-klijenti, inaqqru mill-fiduċja fil-komunità tagħna u jeħlu tariffi jew konsegwenzi oħra.

Dawn xi suġġerimenti biex ngħinuk tevita li tikkanċella l-bookings għal raġunijiet li stajt tevitahom.

Għarraf lill-klijenti meta jistgħu joqogħdu fil-post tiegħek.

• Iftaħ id-dati minn tliet xhur sa sentejn bil-quddiem.
• Imblokka d-dati meta ma tistax tilqa' n-nies.
• Iċċekkja l-kalendarju tal-listing tiegħek ta' sikwit biex tiżgura li qed juri d-disponibbiltà t-tajba.

Importanti li jkollok id-disponibbiltà t-tajba, l-iktar jekk qed tuża l-Booking Immedjat. Il-Booking Immedjat iħalli lill-klijenti jibbukkjaw kull data li għandek miftuħa fil-kalendarju tal-listing tiegħek mingħajr ma jkollhom għalfejn jistennewk tqis it-talba tagħhom.

Malli booking ta' klijent jiġi konfermat, id-dati tal-booking se jiġu mblukkati awtomatikament fil-kalendarju tal-listing. Jekk hemm xi dati oħra li għal xi raġunijiet oħra matulhom ma tistax tilqa' n-nies, jeħtieġlek timblokka dawk id-dati int stess.

Jekk tikseb xi bookings għal dati li matulhom ma tistax tilqa' n-nies, jaf teħel tariffa tal-kanċellazzjoni jew konsegwenzi oħra.

Is-settings tal-listing tiegħek maqsuma f'żewġ tabs: Prezzijiet u Disponibbiltà. Dawn l-għodod jistgħu jgħinuk tikseb il-bookings li tixtieq meta tridhom. Tista', ngħidu aħna:

• Tgħin tħaddem l-istrateġija tal-prezz tal-listing tiegħek. Il-prezz li titlob hu dejjem f'idek u tista' tibdlu meta trid. L-għodod tal-prezzijiet iħalluk tqabbel il-prezzijiet ta' listings fil-qrib li jixbhu l-listing tiegħek, traħħas il-prezzijiet għal bookings itwal u toħloq prezzijiet personalizzati għal xi dati partikolari bħal, ngħidu aħna, il-btajjel u tmiem il-ġimgħa. Tista' wkoll tixgħel il-Prezzijiet Intelliġenti biex taddatta l-prezz tal-listing tiegħek skont id-domanda fiż-żona.
• Agħżel il-preferenzi tal-bookings għal-listing tiegħek. Agħżel kemm tixtieq tħalli lill-klijenti jibbukkjaw bil-quddiem, minn 3 xhur sa 24 xahar. Fost l-għażliet l-oħra li tista' tagħżel hemm: l-itwal u l-iqsar żjarat li taċċetta għal-listing, li titlob li dak li jkun jibbukkja sa sebat ijiem bil-quddiem u li timblokka lejl jew tnejn bejn booking u ieħor biex tkun tista' tħejji l-listing.
• Orbot il-kalendarji tiegħek. Issinkronizza l-kalendarji personali u l-kalendarji tal-ospitalità l-oħra tiegħek (jekk taċċetta l-bookings minn pjattaformi oħra wkoll) mal-kalendarju ta' Airbnb. Dil-ħaġa tista' tgħinek tieħu ħsieb il-biċċiet tax-xogħol tal-ospitalità u tevita l-bookings li jidħlu f'xulxin.

Nifhmu li jaf ikollok tikkanċella booking minħabba raġunijiet li m'għandekx kontroll fuqhom bħal, ngħidu aħna, il-ħtieġa ta' xi tiswijiet mhux mistennija. Jekk ikollok tikkanċella, ara li:

• Taqra l-politiki tagħna. Il-Politika tal-Kanċellazzjoni tal-Hosts tagħna tagħti t-tariffi u l-konsegwenzi l-oħra marbuta mal-kanċellazzjonijiet u s-sitwazzjonijiet meta jistgħu jinħafru. Jekk ma tafx is-sitwazzjoni tiegħek tistax tinħafer, qabel tikkanċella kkuntattja lill-Għajnuna ta' Airbnb. Ma tistax tikkanċella għal raġunijiet li jiksru l-Politika ta' Nondiskriminazzjoni jew il-Politika tal-Aċċessibbiltà ta' Airbnb.
• Tgħarraf lill-klijenti biżżejjed żmien minn qabel. Jekk għal xi raġuni ma tkunx tista' tilqa' booking, nistennew li tikkanċella b'biżżejjed ħin bil-quddiem. Ma tistax titlob lill-klijenti jikkanċellaw il-bookings tagħhom.
• Timxi mar-regoli u r-regolamenti tal-post. Aqra l-artikli dwar il-hosting responsabbli tagħna biex tifhem il-liġijiet, it-taxxi, l-aħjar mod kif taħdem u ħwejjeġ oħra marbuta ma' kif tilqa' l-klijenti fir-reġjun tiegħek.

Meta l-hosts jikkanċellaw booking, aħna ngħinu lill-klijenti jsibu post fejn toqgħod ieħor.