Kif għandek iġġib ruħek meta xi ħadd jiktiblek review ħażina

Review ħażina taf tweġġgħek ftit imma anki l-iktar hosts imfaħħra jiksbu reviews ħżiena kultant. Dawn ftit pariri fuq kif għandek iġġib ruħek meta l-klijenti jiktbulek kumment ħażin.

Meta tikteb tweġiba pubblika tkun qed tgħin lill-klijenti jifhmu li lest/a tilqa' s-suġġerimenti. Tweġiba edukata qasira tista' sserraħ moħħ il-klijenti l-oħra għax turihom li jimpurtak mill-kummenti tagħhom.

"Qatt ma nistenna li host ikollu reviews tajbin biss," jgħidilna Andrew, klijent ta' Airbnb u Superhost ġewwa Berlin. "Iktar jolqtuni dawk il-hosts li jieħdu l-kummenti ftit inqas tajbin bis-serjetà."

Qis dal-pariri fuq kif twieġeb ir-reviews il-ħżiena:

• Għid grazzi lill-klijenti għall-kummenti u l-ħsibijiet li jkunu kitbulek. M'hemm għalfejn tikteb xejn kbir. "Grazzi tar-review tiegħek! Napprezzaw ħafna l-fatt li ħadt ftit ħin biex tgħidilna kif kien il-vjaġġ tiegħek." taf tkun biżżejjed.
• Għid kif qed ittejjeb l-ispazju tiegħek. Tista' tikteb xi ħaġa bħal: "Aħfirli li l-magna tal-kafè kienet bil-ħsara. Importanti li kollox ikun jaħdem sew u għalhekk xtrajt magna tal-kafè ġdida".

Tista' titlobna nneħħu kull review li tinkitiblek li taħseb li ma timxix mal-Politika tar-Reviews tagħna bħal review li klijenti ikun kitiblek bi tpattija.

In-nuqqas ta' preċiżjoni fid-deskrizzjoni tal-listing u n-nuqqas ta' ndafa huma l-iktar żewġ raġunijiet komuni għaliex il-klijenti jagħtu ratings ta' inqas minn 5 stilel lill-hosts. Uża l-kummenti u l-ħsibijiet tal-klijenti biex ittejjeb il-mod kif tilqa' n-nies.

Dawn ftit mill-modi li tista' turi lill-klijenti li dejjem lest/a biex ittejjeb is-servizz li tagħti:

• Qis il-kummenti u l-ħsibijiet li jiktbulek bħala opportunità. Il-klijenti jafu juruk ħwejjeġ li ma kontx qist bħal, ngħidu aħna, kif tista' tħaffef il-proċess taċ-checkin jew li għandek tħalli iktar xugamani fil-post.

• Kun trasparenti. Ara li r-ritratti u d-deskrizzjoni tal-listing ikunu aġġornati biex juru x-xorta ta' post li se tkun qed taqsam mal-klijenti. Għarraf lill-klijenti kif se tgħinhom jilqgħu għall-problemi li jaf ikun hemm—ngħidu aħna, billi tħallilhom xi ear plugs jekk jidħol ħafna storbju mit-triq.

• Kun inklussiv/a meta tilqa' n-nies. Żomm kull ġens f'moħħok u semmi l-faċilitajiet tal-aċċessibbiltà tal-post biex tara li kull klijent ikun jista' jħossu milqugħ.
• Ikkomunika mal-klijenti matul iż-żjara tagħhom. Uża l-messaġġi awtomatiċi biex tistaqsihom jekk hux kollox sew u biex twieġeb minnufih kull tħassib li jaf ikollhom.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.