Skopri l-għodod tal-ospitalità tiegħek

L-app ta' Airbnb tagħmilhielek eħfef tieħu ħsieb il-post fejn toqgħod tiegħek u tgħinek tkabbar in-negozju tiegħek. Se ssib l-għodod tal-ospitalità tiegħek miġbura f'dawn il-ħames tabs meta tidħol fil-kont bħala host.

It-tab Illum hija l-ewwel ħaġa li nuruk meta tiftaħ l-app. Hemm nagħtuk ħarsa tad-dettalji tal-bookings biex ngħinuk tqassam il-jum u tagħti ospitalità mill-aqwa.

• Aqleb bejn id-dehra tal-bookings li qed tilqa' bħalissa u l-bookings li mistennija biex b'hekk tkun tista' tifhem lil min qed tilqa' u meta.
• Żid xi noti għalik mal-bookings (bħal tfakkiriet dwar okkażjonijiet speċjali jew talbiet).
• Ikseb il-pariri dwar x'għandek tagħmel għal kull booking bħal, ngħidu aħna, li tistaqsi lill-klijenti jekk hux kollox sew jew taqra review.

Il-Kalendarju huwa fejn tiċċekkja u tibdel id-disponibbiltà u l-prezzijiet tal-listing.

• Ibdel is-settings tad-disponibbiltà u tal-prezzijiet, bħall-inqas numru ta' ljieli meħtieġa għall-booking u l-iskontijiet.
• Iftaħ iktar dati biex il-klijenti jkunu jistgħu jibbukkjawhom u mblokka l-iljieli li matulhom ma tistax tilqa' n-nies.
• Ara l-pariri għall-prezzijiet ta' kull lejl li huma adattati skont il-post fejn jinsab u l-kumditajiet tal-listing tiegħek, il-bookings li ksibt fl-imgħoddi u l-prezzijiet li qed jintalbu fil-madwar.

It-tab Listings tgħinek tieħu ħsieb id-dettalji tal-listing tiegħek. Uża dal-għodod biex tħajjar iktar klijenti jibbukkjaw u tagħtihom l-iktar stampa ċara u preċiża tal-post tiegħek.

• Aġġorna l-listing tiegħek, fosthom billi żżid ritratti ta' kwalità u gwida tal-wasla dettaljata.
• Żid il-kumditajiet kollha li toffri fosthom il-faċilitajiet tal-aċċessibbiltà.
• Iftaħ il-listing tiegħek biex issib kif se jintwera lill-klijenti.

It-tab Messaġġi tgħinek tikkomunika mal-klijenti qabel, waqt u wara ż-żjara tagħhom.

• Wieġeb lill-klijenti mingħajr xkiel grazzi għat-tweġibiet ta' malajr—mudelli li tista' tippersonalizza u tibgħathom minnufih jew tiskeda biex jintbagħtu f'xi mumenti partikolari.
• Aqsam ir-ritratti biex tintroduċi ruħek u turi xi dettalji importanti u żid xi vidjows biex tgħin lill-klijenti jifhmu l-post tiegħek.
• Iċċekkja t-talbiet għall-bookings, fosthom dettalji bħad-dati tal-vjaġġi u l-għadd tal-klijenti.
• Agħti suġġerimenti dwar l-aħjar affarijiet li wieħed jista' jara, jagħmel u jiekol fiż-żona tiegħek.

Minn Menù tista' ssib id-dħul, il-perspettivi u settings oħra. Se nagħtuk pariri personalizzati u riżorsi biex ngħinuk tkabbar in-negozju tal-ospitalità tiegħek.

• Sib id-dħul tiegħek u oħloq rapporti personalizzati mid-dashboard tad-dħul.
• Skopri r-ratings u r-reviews tal-klijenti mit-taqsima perspettivi.
• Ħu ħsieb is-settings tal-kont u sib ir-riżorsi dwar l-ospitalità.

L-іnfоrmаzzјоnі f'dаl‐аrtіklu jаf lаħqеt іnbіdlеt mіnn mеtа ġіе ррubblіkаt.