Kif tuża t-tweġibiet ta' malajr biex tiffranka l-ħin

Il-hosts ħafna drabi jispiċċaw iwieġbu l-istess mistoqsijiet mingħand klijenti differenti: Il-post fejn toqgħod tiegħek disponibbli f'Ġunju? Tista' tgħidli kif nasal fil-post? X'inhi l-password tal-wifi?

Grazzi għat-tweġibiet ta' malajr mit-tab Messaġġi, tista' terġa' tuża t-tweġibiet tiegħek biex dejjem twieġeb malajr.

Tweġiba ta' malajr hija messaġġ qasir miktub minn qabel li tiġi ssejvjata bħala mudell fis-settings tal-messaġġi tiegħek.

L-ispazji riservati għad-dettalji, bħal isem il-klijent, jippersonalizzaw kull messaġġ billi jieħdu l-informazzjoni mil-listing jew mill-booking tiegħek.

Oħloq it-tweġibiet ta' malajr tiegħek jew editja l-mudelli ta' Airbnb. Ngħidu aħna, jekk il-klijenti jistaqsu ta' spiss mistoqsijiet dwar il-barbeque ta' barra tiegħek, tista' tiffranka l-ħin billi toħloq tweġiba ta' malajr bit-tweġiba li ssoltu tiktbilhom.

Tista' tibgħat it-tweġibiet ta' malajr minnufih jew tagħżel li jintbagħtu awtomatikament iktar tard.

Biex tibgħat tweġiba ta' malajr minnufih lil klijent:

• Mur fit-tab tal-Messaġġi.
• Agħżel il-konverżazzjoni li tixtieq twieġeb għaliha.
• Agħfas fuq is-simbolu taż-żieda (+) minn Ikteb messaġġ.
• Agħżel Ibgħat tweġiba ta' malajr.
• Agħżel tweġiba ta' malajr li tidher fil-konverżazzjoni tiegħek.
• Editja l-messaġġ jew ibagħtu kif inhu.
• Agħfas il-vleġġa (↑) biex tibgħat il-messaġġ.

It-tab tal-Messaġġi toffri wkoll tweġibiet suġġeriti. Din il-karatteristika tuża l-IA biex tifhem l-mistoqsija tal-klijent tiegħek u tirrakkomanda waħda mit-tweġibiet ta' malajr tiegħek biex tweġibha. It-tweġiba suġġerita tintwera fil-konverżazzjoni u tintwera lilek biss. Qabel tibgħat it-tweġiba suġġerita tista' tibdilha jew tikteb tweġiba oħra minflokha.

Biex tibgħat tweġiba ta' malajr awtomatikament lill-klijenti kollha:

• Mur fit-tab tal-Messaġġi.
• Agħfas fuq l-ikona tas-settings fin-naħa ta' fuq tal-iskrin tiegħek.
• Agħfas fuq Immaniġġa t-tweġibiet ta' malajr.
• Agħżel it-tweġiba ta' malajr li tixtieq tiskeda u agħfas fuq Li jmiss.
• Agħfas fuq Skeda għal u agħżel meta tixtieq li l-klijenti jirċievu l-messaġġ, bħal 5 minuti wara li klijent jibbukkja jew jum qabel iċ-checkin fl-10:00.

Meta jkun wasal il-ħin li tintbagħat it-tweġiba ta' malajr skedata, se tirċievi tfakkira fil-konverżazzjoni tiegħek mal-klijent. Jekk il-messaġġ jagħti xi informazzjoni li diġà tajt, tista' tagħżel li tibdlu jew taqbżu.

Tweġiba ta' malajr ikollha l-ikbar impatt meta tkun qasira u titkellem fuq ħaġa waħda biss. Mit-tab Messaġġi se ssib mudelli miktuba minn qabel għal suġġetti komuni bħal dawn.

• Id-disponibbiltà tal-listing: Għarraf lill-klijenti li jistgħu jibbukkjaw id-dati miftuħa kollha fil-kalendarju tiegħek.
• Kif se jorqdu n-nies: Ikkonferma l-għadd tal-kmamar tas-sodda, tas-sodod u tal-kmamar tal-banju fil-post tiegħek.
• Iċ-checkin bikri: Ilqa' t-talba ta' klijent biex jasal qabel il-ħin taċ-checkin tas-soltu.
• Id-direzzjonijiet u t-trasport: Ikkonferma l-indirizz tal-post fejn toqgħod u agħti l-istruzzjonijiet biex wieħed jista' jasal hemm.
• Il-wifi: Agħti l-isem u l-password tan-netwerk tal-wifi tal-post fejn toqgħod.
• Iċ-checkout fit-tard: Ilqa' t-talba ta' klijent biex iħalli l-post wara l-ħin taċ-checkout tas-soltu.

Tista' taddatta l-mudelli miktuba minn qabel kif trid qabel tibgħathom jew toħloq mudelli ġodda. Ipprova agħżel it-tweġibiet ta' malajr f'mumenti importanti bħal dawn.

• Il-konferma tal-booking: Ibgħat messaġġ ta' merħba malli nikkonfermaw il-booking tal-klijent.
• Qabel iċ-checkin: Ibgħat messaġġ ieħor bejn 24 siegħa u 48 siegħa qabel iċ-checkin meta l-klijenti jkunu kisbu d-dettalji taċ-checkin kollha.
• Wara l-ewwel lejl: Ibgħat messaġġ u staqsihom jekk jeħtiġux xi ħaġa oħra biex ikunu iktar komdi matul iż-żjara tagħhom.
• Qabel iċ-checkout: Ibgħat il-ħin taċ-checkout u l-istruzzjonijiet taċ-checkout il-lejla ta' qabel il-klijenti mistennija jħallu l-post.
• Wara t-tluq: Wara li jkunu għaddew bejn 24 u 48 siegħa mit-tluq, ibgħat messaġġ fejn tirringrazzja lill-klijenti talli għażlu l-post tiegħek u itlobhom jgħidulek x'dehrilhom mis-servizz li tajthom.

Jekk iżżid xi ritratti jew filmati mat-tweġibiet ta' malajr tiegħek, dawn jistgħu jgħinuk tintroduċi ruħek u taqsam xi dettalji importanti dwar il-post tiegħek. Pereżempju gwida bl-istampi tista' tgħin lill-klijenti jidħlu fil-post, jixgħelu jew jitfu l-arja kkundizzjonata jew is-sħana jew jixgħelu jew jitfu l-hot tub.

Tista' tehmeż il-fajls mal-messaġġi xħin trid wara li jiġu kkonfermati l-bookings. Ibgħat ritratti fil-formati PNG jew JPG (sa 50 megabyte) u vidjows fil-formati MP4 jew MOV (sa 100 megabyte u 60 sekonda).

L-esperjenza tal-utent jaf tvarja skont il-post fejn tinsab. L-іnfоrmаzzјоnі f'dаl‐аrtіklu tаf lаħqеt іnbіdlеt mіnn mеtа ġіе ррubblіkаt.