Ikseb l-ewwel review ta' 5 stilel

Ir-ratings u r-reviews jintwerew fuq il-listing tiegħek u jgħinu lill-klijenti jifhmu jekk is-servizz tiegħek jgħoddx għalihom. Kummenti u ħsibijiet tajbin mingħand il-klijenti jgħinuk tagħmel isem fuq Airbnb u jafu jgħinuk tikseb iktar bookings u ddaħħal iktar flus.

Nitolbu lill-klijenti jiktbu review minnufih malli jintemm is-servizz. Il-kummenti u l-ħsibijiet tagħhom jgħinuk tagħti servizz tal-aqwa livell. Nitolbuhom jagħtuna:

• Rating ġenerali. Il-klijenti jagħtu lis-servizz tiegħek rating ta' bejn 1 u 5 stilel. Ir-rating ġenerali medju jintwera fuq il-listing tiegħek, fir-riżultati tat-tiftix u fuq il-profil tiegħek.
• Ratings dettaljati. Il-klijenti jagħtu kummenti u ħsibijiet iktar preċiżi billi jagħtu punteġġ lill-ospitalità, lill-affidabbiltà u lill-valur. Jekk tagħti servizz fl-istabbiliment tiegħek jew fi spazju pubbliku bħal styling tax-xagħar fis-salon tiegħek jew sessjoni tal-yoga fuq il-bajja, se nitolbuhom jagħtu punteġġ ukoll lill-post fejn jingħata s-servizz.
• Review pubblika. Din tintwerielek fuq il-profil u fit-taqsima tar-reviews tal-listing tiegħek. Jekk twieġeb review pubblika, it-tweġiba tiegħek se tintwera taħt ir-review.
• B'messaġġ privat. Dal-kummenti u l-ħsibijiet mhux se jintwerew fuq il-listing—qegħdin hemm għalik biss.

Wara li tkun ksibt l-ewwel 3 reviews, se tikseb ħarsien dettaljat lejn il-kummenti u l-ħsibijiet tal-klijenti. Uża l-menù biex tiftaħ it-taqsima tal-ħarsien dettaljati tal-app ta' Airbnb tiegħek.

L-għodod tal-ospitalità ta' Airbnb jistgħu jgħinuk tikseb iktar mid-dħul li tixtieq.

Agħti servizz mill-aqwa. Aħseb dwar kif tixtieq tippersonalizza s-servizzi tiegħek biex il-klijenti jħossuhom milqugħin u li xi ħadd qed jieħu ħsiebhom.

• Ikkomunika mal-klijenti mit-tab Messaġġi biex tistaqsihom x'jixtiequ, twieġeb il-mistoqsijiet tagħhom u toħloq servizzi personalizzati.
• Uża t-tweġibiet ta' malajr biex tkunlek eħfef tippersonalizza u tibgħat messaġġ ta' merħba wara booking u messaġġ b'iktar dettalji wara servizz.
• Agħti xi ħaġa iktar biex is-servizz tiegħek jinħass iktar speċjali.

Ara li kollox jaħdem kif suppost. Uri li tista' toqgħod fuqek billi tħejji ruħek sew, turi lill-klijenti x'għandhom jistennew u twieġeb il-messaġġi tal-klijenti mingħajr telf ta' żmien qabel u wara kull servizz.

• Ixtri l-prodotti meħtieġa minn qabel u jekk se tmur fil-post tal-klijent, iċċekkja t-triq minn qabel biex tasal fil-ħin. Uża l-kalendarju ta' Airbnb tiegħek biex timblokka l-ħin bejn il-bookings biex tkun tista' tivvjaġġa u tħejji ruħek.
• Ipprogramma l-messaġġi biex jintbagħtu f'ċerti ħinijiet, bħal jum qabel is-servizz, biex il-klijent tiegħek ikun jaf x'għandu jistenna.
• Ixgħel in-notifiki mill-app ta' Airbnb u mis-settings tat-tagħmir tiegħek biex dejjem tkun taf x'messaġġi qed jidħlu.
• Jekk tagħti s-servizz fil-post fejn toqgħod ta' ħaddieħor, ħalli l-post kif tkun sibtu.

Agħti valur għall-flus. Prezz kompetittiv importanti ħafna meta niġu għall-valur. Tista' tqiegħed il-prezzijiet li tixtieq jew iżżid l-iskontijiet mit-tab Listings.

• Żid mill-inqas 3 verżjonijiet tas-servizz bi prezzijiet differenti biex il-klijenti jkollhom iktar għażla u biex jgħinuk tikseb id-dħul li tixtieq. L-aqwa ħaġa li tagħmel hi li toħloq 3 verżjonijiet tas-servizz: bi prezz bażiku, prezz standard u prezz premium.
• Nissuġġerulek tibda bi prezz ftit irħas u mbagħad tgħollih ftit ftit hekk kif tibni isem fuq Airbnb b'ratings u reviews tajbin.
• Żid skontijiet skont iż-żmien, għal min jibbukkja kmieni u għall-gruppi l-kbar biex jgħinuk tikseb iktar bookings.
• Qalleb Airbnb u pjattaformi oħra biex issib servizzi li jixbhu lil tiegħek u tqabbel il-prezzijiet biex tara li qed titlob prezz kompetittiv.

Minbarra dal-pariri tal-ospitalità, żomm f'moħħok ukoll ir-Regoli Bażi u l-Politiki tas-Sigurtà tal-Ospitalità ta' Airbnb. Dawn jgħidulek x'nistennew meta tiġi biex tagħti servizz sigur ta' kwalità.

Il-hosts, ir-ritratti u d-dettalji tal-listings kollha għandhom ikollhom l-istandards u r-rekwżiti li nistennew għas-Servizzi ta' Airbnb.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.