Kif tħejji l-listing tal-esperjenza tiegħek biex ħaddieħor ikun jista' jibbukkjah

Nifirħulek! Issa għandek Esperjenza ta' Airbnb approvata! Dawn huma żewġ ideat ta' x'tista' tagħmel wara li tippubblika l-listing tiegħek biex tħajjar lill-ewwel parteċipanti.

Biex il-parteċipanti jkunu jistgħu jibbukkjaw l-esperjenza, jeħtieġlek tħejji l-kalendarju tal-listing. Qis it-tul tal-esperjenza, id-disponibbiltà tiegħek u l-għanijiet kummerċjali biex tifhem kemm tixtieq ittella' l-esperjenza ta' sikwit.

Biex tibda, agħżel jum li matulu tixtieq ittella' l-esperjenza u agħfas fuq Organizza mument għall-esperjenza. Agħżel il-ħin, ix-xorta tal-booking, il-prezz, id-daqs tal-grupp u d-dettalji l-oħra. Jekk ittella' attività mill-inqas 10 darbiet fix-xahar u mill-inqas waħda minnhom tkun matul tmiem il-ġimgħa, taf tkun qed tgħin biex il-parteċipanti jsibu data u ħin li jgħoddu għalihom.

Ħafna organizzaturi jagħtu d-disponibbiltà sa xahrejn bil-quddiem biex iżidu ċ-ċans li jiksbu l-bookings. Tista' tiftaħ il-mumenti għall-esperjenza li tmexxi kuljum sa 60 jum bil-quddiem u għall-esperjenza li tmexxi darba fil-ġimgħa sa 52 ġimgħa bil-quddiem.

Tinsiex timblokka d-dati li matulhom ma tistax tmexxi l-esperjenza biex ma tispiċċax tikkanċella l-bookings. Tista' timblokka wkoll xi ħin qabel u wara mument biex tħejji għall-esperjenza u tnaddaf kollox wara li tintemm.

Ħafna parteċipanti jagħtu kas tal-prezz huma u jibbukkjaw l-Esperjenzi ta' Airbnb. Prezz kompetittiv jaf jgħin lil-listing tiegħek jispikka.

Ibda billi taħdem kemm teħtieġ flus biex tagħmel tajjeb għall-ispejjeż tal-esperjenza. Imbagħad żomm f'moħħok li kultant prezz irħas għal kull parteċipant jaf iwassal għal iktar parteċipanti u għalhekk dħul ikbar. Ngħidu aħna:

• 4 parteċipanti li jħallsu €75 kull wieħed = €300
• 8 parteċipanti li jħallsu €60 kull wieħed = €480

Tista' toħloq ukoll offerta ta' esperjenza ġdida biex tgħinek tikseb l-ewwel parteċipanti u l-ewwel reviews. L-offerta tħallik traħħas il-prezz tal-esperjenza għal 30 jum b'bejn 5% u 30%.

Jekk tagħżel li traħħas il-prezz b'mill-inqas 20%, il-prezz imraħħas se jintwera fir-riżultati tat-tiftix ta' Airbnb ħdejn il-prezz mhux imraħħas li se jinwera maqtugħ. Wara li jgħaddi żmien l-offerta, il-prezz tal-esperjenza se jmur lura għal li kien.

Kif toħloq offerta:

1. Iftaħ il-listing tiegħek u agħfas fuq Ibdel
2. Iftaħ Settings tal-prezz u agħfas fuq Skontijiet
3. Minn Offerti speċjali iftaħ Offerta ta' esperjenza ġdida u agħfas fuq Oħloq offerta

Il-prezzijiet li titlob u s-settings l-oħra tal-listing tiegħek dejjem se jkunu f'idek. Ir-riżultati li tikseb jafu jvarjaw.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.