Kif iż-żjarat itwal jistgħu jgħinu n-negozju tal-ospitalità tiegħek imur aħjar
Li tilqa' ż-żjarat fit-tul taf tkun strateġija tajba ta' kif tilqa' n-nies. Tista' tikseb dħul iktar stabbli, tnaqqas ix-xogħol meħtieġ biex tħejji l-post bejn klijent u ieħor u tilqa' n-nies bi flessibbiltà ikbar.
Imla l-kalendarju tiegħek
Żjarat itwal jgħinuk timla' l-kalendarju tiegħek iktar malajr. Dawn ix-xorta ta' bookings jgħinuk tnaqqas l-iljieli battala bejn booking u ieħor, kemm jekk ikunu żjarat ta' ġimgħa (mill-inqas 7 iljieli) kif ukoll żjarat ta' xahar (mill-inqas 28 lejl).
Żjarat itwal jistgħu jwasslu wkoll għal dħul iktar stabbli. Meta tilqa' klijent għal iktar minn xahar, aħna se nħallsuk bin-nifs kull xahar.
Tista' tħeġġeġ lill-klijenti jibbukkjaw żjarat itwal billi żżid skontijiet ta' kull ġimgħa u ta' kull xahar:
Agħfas jew ikklikkja fuq l-ikona tas-settings tal-kalendarju tiegħek.
Niżżel il-paġna sat-taqsima Skontijiet tat-tab Prezzijiet.
Agħżel Kull ġimgħa jew Kull xahar. Se ssib roħs issuġġerit skont ix-xorta ta' listing u d-domanda għal listings bħalu fiż-żona tiegħek.
Mexxi l-islider bejn 0% u 99% biex tibdel l-iskont u ssib kif se jibdel il-prezz medju ta' kull ġimgħa jew ta' kull xahar tiegħek.
Agħżel il-prezz li se jitħallas mill-klijent hawn taħt biex tikseb rendikont tal-prezz li jiġbor fih it-tariffi kollha u d-dħul li se tagħmel.
Agħfas jew ikklikkja fuq Issejvja biex traħħas il-prezz kif tixtieq.
Xi Hosts jippreferu klijenti li jibbukkjaw żjarat fit-tul. Għalhekk jaqsmu l-links għal-listings tagħhom ma' kumpaniji jew universitajiet tal-post li l-ħaddiema jew l-istudenti tagħhom jafu jkunu jeħtieġu postijiet fejn joqogħdu għal ftit xhur.
"Jien nixtieq nilqa' biss żjarat fit-tul," tgħid Patricia, Superhost ġewwa Austin, Texas. "Nittama li l-listing tiegħi jkun bħal dar għall-professjonisti li għal bejn xahar u tliet xhur jaħdmu bogħod mid-dar."
Inqas xogħol għalik
Bookings itwal ifissru inqas xogħol biex tħejji l-post bejn klijent u ieħor, l-iktar fejn jidħlu l-messaġġi mal-klijenti u t-tindif tal-ispazju tiegħek.
Ħafna drabi pereżempju, Host iqatta' inqas ħin jikkomunika ma' klijent li jibbukkja għal xahar milli ma' għadd ta' klijenti li jibbukkjaw żjarat qosra.
Biex il-post jinżamm nadif, xi Hosts joffru prodotti u servizzi ta' tindif. "Noffri tindifa tal-ispazju darba fil-ġimgħa—nagħmlilhom lożor nodfa, inħallilhom il-prodotti bażiċi li jeħtieġu u nara li kollox sejjer sew," jgħid Omar, Superhost ġewwa l-Belt tal-Messiku li jilqa' l-familji u l-ħaddiema li jaħdmu mid-dar għal żjarat sa sitt ġimgħat.
Ilqa' n-nies b'mod flessibbli
Iż-żjarat itwal jistgħu jkunu addattati għalik jekk ma tkunx id-dar għal tul ta' żmien. Maggie, Co-Host ġewwa Northampton, Massachusetts, tgħid li d-dar tal-ġenituri tagħha kienet tibqa' battala meta jkunu qed iqattgħu x-xitwa ġewwa Puerto Rico. "Rajna żieda fid-dħul tagħna fuq Airbnb—minn xejn sa $3,500 USD fix-xahar," tgħidilna.
F'ċerti komunitajiet fejn jeżistu limitazzjonijiet fuq il-kirjiet għal żmien qasir, taf tkun idea tajba li taċċetta l-bookings għal żjarat fit-tul. Ara li l-inqas u l-itwal żmien li għalih tista' tiġi bbukkjata żjara jkun skont il-liġijiet u r-regolamenti tal-post fejn jinsab il-listing.
Jekk il-listing tiegħek jinsab f'żona li taċċetta kemm bookings qosra kif ukoll bookings itwal, nissuġġerulek li kull tant żmien tibdel is-settings. B'hekk tkun tista' tieħu kemm tista' mid-domanda tal-istaġun taż-żona tiegħek u fl-istess waqt tkun qed tgħin tħajjar lill-klijenti jibbukkjaw l-iljieli jew il-ġimgħat disponibbli bejn iż-żjarat ta' kull xahar fil-listing tiegħek.
L-informazzjoni f'dal-artiklu jaf laħqet inbidlet minn meta ġie ppubblikat.