Kif tikkomunika sew

Meta tikkomunika mal-klijenti kif suppost tista' tibdel żjara tajba f'waħda mill-aqwa. Uża l-faċilitajiet tal-messaġġi ta' Airbnb biex taqsam dettalji u tfakkiriet importanti, biex twieġeb il-mistoqsijiet malajr u biex tagħti merħba sabiħa lill-klijenti.

Kif iħossuhom il-klijenti waqt iż-żjara tagħhom jiddependi minn kif tikkomunika magħhom. Agħmel l-almu tiegħek biex:

• Tkun hemm għalihom. Ixgħel in-notifiki biex inkunu nistgħu ngħarrfuk bil-messaġġi tal-klijenti ħalli tweġibhom malajr. Annette, Host ġewwa San Francisco, tgħid lill-klijenti tgħidilhom—anki għall-inqas ħaġa—"għarrfuna minnufih u nieħdu ħsieb kollox aħna".

• Kun ġenwin/a. Agħti dettalji ġenwini ta' dak li l-klijenti għandhom jistennew li jsibu. "Għandek tagħti lill-klijenti dak li tkun wgħedthom huma u jibbukkjaw," jgħid Daniel, Host ġewwa San Francisco.

• Kun dħuli/ja. Staqsi lill-klijenti kif tista' tgħinhom ikunu komdi biex iħossuhom milqugħin. "Se jkun hemm ħwejjeġ li aħna l-Hosts ma nkunux ħsibna dwarhom," tgħid Sadie, Superhost ġewwa Santa Fe, New Mexico.

• Ħu ħsieb lill-klijenti. Kif iġġib ruħek meta tinqala' problema hija xi ħaġa li l-klijenti jżommuha f'moħħhom. "Tista' tibdel problema f'booking ieħor jekk turi lill-klijenti li tifhem is-sitwazzjoni tagħhom u taħdem biex tipprova ssewwiha mingħajr telf ta' żmien," tgħid Felicity, membru tal-Bord Konsultattiv tal-Hosts u Superhost ġewwa New South Wales, l-Awstralja.

Ipprova ifhem x'se jistaqsuk il-klijenti biex tagħtihom esperjenza mill-isbaħ u ma joqogħdux jistaqsuk ħafna mistoqsijiet. Fost il-mumenti ewlenin fl-ippjanar tal-vjaġġi u fil-vjaġġi hemm:

• Il-mistoqsijiet u t-talbiet għall-booking. Għalkemm se jkollok 24 siegħa ċans twieġeb lill-klijenti wara li jiktbulek, l-aħjar li tagħmel hu li twieġeb minnufih. Il-biċċa l-kbira tal-Hosts iwieġbu fi żmien siegħa.

• Il-konferma tal-booking. Ibgħat messaġġ fejn tirringrazzja lill-klijenti talli bbukkjaw u għarrafhom li dejjem se tkun hemm għalihom biex twieġeb il-mistoqsijiet li jaf ikollhom.

• Il-wasla. Jum jew jumejn qabel il-wasla, fakkar lill-klijenti fejn jistgħu jsibu l-istruzzjonijiet taċ-checkin fl-app u aqsam dak li għandhom ikunu jafu biex ikunu jistgħu jidħlu fil-post.

• Matul żjara. Ftit wara l-wasla, staqsi lill-klijenti jekk għandhomx dak kollu li jeħtieġu biex ikunu komdi. Tista' tissuġġerilhom il-ħwienet, ir-ristoranti u l-affarijiet li tista' tagħmel madwar il-listing li taħseb li se jolqtuhom.

• Wara li joħorġu mill-post. Ftit tal-ħin wara ċ-checkout, ibagħtilhom messaġġ qasir fejn tgħidilhom grazzi u titlobhom jiktbulek review. Iktbilhom ir-review tiegħek mingħajr telf ta' żmien.

Rata ta' rispons tajba hija waħda mill-ħafna punti li jgħinu biex il-listing tiegħek jintwera qabel fir-riżultati tat-tiftix tal-klijenti.

Uża dal-faċilitajiet tat-tab Messaġġi biex tbassar l-iktar mistoqsijiet li se jistaqsu l-klijenti u tweġibhom mingħajr telf ta' żmien:

Tweġibiet ta' malajr

• Oħloq mudelli tal-messaġġi li tista' tużahom biex taqsam l-informazzjoni, bħal fejn tipparkja u jekk il-klijenti jistgħux iħallu l-bagalji fil-post qabel iċ-checkin, iktar malajr.

• Tista' tippersonalizza dal-mudelli bix-shortcodes li jimlewlek awtomatikament id-dettalji dwar il-klijent, il-booking u d-dettalji tal-listing.

• Wara li toħloq it-tweġibiet ta' malajr, waħda mill-faċilitajiet tat-tab Messaġġi se tuża l-IA biex tifhem il-mistoqsija tal-klijent u tissuġġerilek waħidha l-iktar tweġiba siewja.

Messaġġi skedati

• Oħloq messaġġi standard u agħżel meta għandhom jintbagħtu lill-klijenti fil-mumenti ewlenin—bħal dawk imsemmija hawn fuq.

• Tista' tuża x-shortcodes biex tippersonalizza dal-messaġġi wkoll.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.