Kif tagħżel il-post it-tajjeb

Il-klijenti jieħdu gost iqattgħu l-ħin f'postijiet li jgħinuhom jifhmu l-kultura tal-post. Uri għaliex il-post li għażilt għandu tifsira speċjali u għaliex għażiltu.

Il-post għandu jkun mill-inqas komdu, nadif u sigur. Għandu wkoll ikun marbut mal-attività.

• Agħti l-istorja. Agħti l-istorja u uri l-wirt tal-post biex tgħin lill-klijenti jifhmu r-rabta li għandu mal-esperjenza. Debora, li tmexxi l-lezzjonijiet tat-tisjir f'darha ġewwa Ruma, taqsam ir-riċetti, l-għanjiet u d-drawwiet l-oħra li għallmitha nannitha. "Kulma nagħmlu għandu storja warajh," tgħidilna.
• Agħżel post tipiku. Fittex postijiet li l-klijenti ma jistgħu jsibu mkien ieħor. Ruby, li tmexxi ġita bit-tema tal-ikel ġewwa Lisbona, tgħidilna li tieħu lill-klijenti tagħha biss f'negozji mmexxija mill-familji tal-post, bħal ħanut tal-ħelu żgħir. "Il-klijenti jibqgħu mistagħġba," tgħidilna.

Agħżel post speċjali li jagħti xhieda tal-kultura tal-post.

• Agħti aċċess esklussiv. Żur il-postijiet li l-klijenti mhux se jkunu jistgħu jżuru waħidhom. Teresa, li tmexxi lezzjoni tad-dewqan tal-inbid ġewwa Lisbona, tipprova żżid "xi ħaġa speċjali" bħal li ssib postijiet magħluqa għall-pubbliku jew li żżurhom wara l-ħinijiet tal-ftuħ. "B'hekk il-klijenti jħossuhom iktar speċjali," tgħidilna.
• Żomm f'moħħok l-ambjent tal-post. Il-veduti, il-ħsejjes u t-togħmiet jgħinu biex dak li jkun jifhem x'post hu. "L-atmosfera għandha tkun waħda li tgħinek tifhem il-post minnufih," tgħid Graciela li tmexxi lezzjoni tat-tisjir ġewwa l-Belt tal-Messiku. "Il-klijenti jifhmu li se tkun esperjenza sabiħa wara ftit minuti."

Jekk tmexxi l-esperjenza tiegħek f'post ġenwin marbut mal-attività tiegħek, tista' tikseb ratings u reviews aħjar.

Il-hosts, ir-ritratti u d-dettalji tal-listings kollha għandhom ikollhom l-istandards u r-rekwiżiti li nistennew għall-Esperjenzi ta' Airbnb.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.