Kif tagħti l-aqwa valur għall-flus

Il-klijenti jfittxu esperjenzi ta' kwalità b'valur mill-aqwa għal flushom. Qis kif tista' tagħmel l-esperjenza tiegħek iktar speċjali u kif tagħti lill-klijenti iktar valur għal flushom.

L-uniċità, l-għarfien espert, ir-rabta, il-post u l-affidabbiltà kollha għandhom effett fuq il-valur ġenerali. L-iktar hosts imfaħħra jgħidulna li jagħtu importanza kbira lil dal-pariri biex jagħtu valur tajjeb għall-flus li jkunu ħallsu l-klijenti.

• Ippersonalizza l-attivitajiet li tmexxi. Ifhem xi jħobb il-grupp, x'ilsna jitkellem u dettalji oħra mit-tab Illum u mill-konverżazzjoni mal-grupp. Nissuġġerulek taddatta l-attivitajiet għal dak li jogħġob lill-grupp.
• Tejjeb dak li tista'. Materjal ta' kwalità ikbar u rakkonti ta' stejjer veri li ma tantx ikunu magħrufa jistgħu jagħmlu differenza kbira. Dan jidher anki b'bidliet żgħar bħal, ngħidu aħna, li tuża ingredjenti organiċi.
• Ikkuntattja lill-klijenti wara l-esperjenza. Ibagħtilhom messaġġ fejn tgħidilhom grazzi u taqsam ir-ritratti u s-suġġerimenti tiegħek. Dad-dettalji żgħar jistgħu jgħinu lill-klijenti jibnu rabta u jħossuhom milqugħin.

"Wara l-esperjenza nibgħat mappa personalizzata bis-suġġerimenti," jgħid Justin li jmexxi ġiti bil-mixi ġewwa Sydney u Brisbane, l-Awstralja. "Ħafna mill-gwidi tradizzjonali ma jagħmlux hekk imma hija xi ħaġa li l-klijenti japprezzaw ħafna."

Anke l-aqwa esperjenzi jistgħu jiksbu ratings ħżiena jekk il-klijenti jaħsbu li kienu għaljin iżżejjed. Dawn huma xi pariri li għandek tqis int u tifhem xi prezz għandek titlob.

• Qabbel l-esperjenzi li jixbhu lil tiegħek: Fittex attivitajiet li jixbhu lil tiegħek fuq Airbnb u pjattaformi oħra biex tqabbel il-prezzijiet u tifhem xi prezz jista' jkun kompetittiv.
• Wieġeb għall-bidliet fid-domanda. Ipprova ibdel il-prezz tal-esperjenza skont il-ħinijiet, il-jiem, iż-żmien tas-sena jew l-avvenimenti speċjali. Ngħidu aħna, tmiem il-ġimgħa jaf ikun iktar imfittex mill-jiem tal-ġimgħa.
• Agħti l-iskontijiet. Skontijiet limitati biż-żmien, għal min jibbukkja kmieni jew għall-gruppi l-kbar jgħinuk tħajjar iktar klijenti jibbukkjaw u b'hekk tikseb iktar bookings. Meta żżid iktar minn wieħed, il-klijenti se jiksbu l-iktar skont li jraħħsilhom il-prezz.

"Dejjem għandek tagħti lill-klijenti iktar milli qed jistennew għall-prezz li jkunu ħallsu," jgħid Erven li jmexxi ġita bil-mixi bit-tema tal-mużika ġewwa Soho, Londra. "Għalija ma jfissirx li nżuru iktar postijiet. Nippreferi naqsam iktar fatti u stejjer interessanti biex nagħti l-aqwa valur għall-flus li jkunu ħallsu l-klijenti."

Il-hosts, ir-ritratti u d-dettalji tal-listings kollha għandhom ikollhom l-istandards u r-rekwiżiti li nistennew għall-Esperjenzi ta' Airbnb.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.