Kif tagħti lill-klijenti iktar milli jistennew

Ratings mill-aqwa u reviews tajbin jistgħu jwasslu għal iktar bookings u dħul ikbar. Uża l-kummenti u l-ħsibijiet tal-klijenti biex tkompli ttejjeb is-servizz li tagħti.

It-taqsima tal-ħarsien dettaljat turik ir-rating ġenerali, ir-reviews pubbliċi, il-messaġġi privati u r-ratings dettaljati għall-ospitalità, il-post (meta jkun il-każ), l-affidabbiltà u l-valur.

Il-klijenti jixtiequ jħossu li hemm xi ħadd qed jilqagħhom u jieħu ħsiebhom. Agħmel l-almu tiegħek biex tagħti servizz ta' kwalità u tipprova tifhem x'jeħtieġu.

• Ikkuntattja lill-klijenti malli tikkonferma l-booking. Ibgħat messaġġ lill-klijenti fejn tistaqsihom dwar il-preferenzi tagħhom biex tkun tista' tagħtihom servizz iktar addattat għalihom. Caterer jista' jistaqsi x'tip ta' avveniment hu u jekk hemmx min għandu xi dieti partikolari jew allerġiji għal xi ikel.
• Agħti d-dettalji essenzjali. Ara li l-klijenti jkollhom l-informazzjoni importanti qabel ħin is-servizz, fosthom min se jkun qed jaqdihom—jekk hux int jew xi co-host tiegħek. Fotografu jaf jaqsam ukoll tbassir tat-temp dettaljat u xi ideat dwar l-ilbies.
• Qis il-qagħda tal-klijent. Xi klijenti jafu qatt ma żaru beltek jew pajjiżek. Jafu jkunu jixtiequ iktar għajnuna biex jiskopru ż-żona jew jifhmu d-drawwiet tal-post. Ipprova kun dħuli/ja, għinhom u pprova ifhimhom int u tikkomunika.
• Ħu iktar prodotti li tuża miegħek. Ara li tħejji ruħek sew għal li jista' jinqala' bħal, ngħidu aħna, jekk l-għodod jew it-tagħmir jinkisru jew klijent jinsa xi ħaġa importanti. Trainer personali jista' jieħu ftit twapet tal-yoga żejda miegħu.
• Ikkuntattja lill-klijent wara s-servizz. Ibgħat messaġġ fejn tirringrazzja lill-klijenti u tgħarrafhom jekk għandhom ikunu jafu xi ħaġa oħra. Tista' tgħidilhom meta beħsiebek tlesti r-ritratti jew taqsam ir-riċetta li għoġbot lill-klijenti.

Jekk qed tagħti s-servizz fl-istabbiliment tiegħek jew fi spazju pubbliku, nitolbu lill-klijenti jagħtu rating lill-post. Beautician tista' tagħti trattament tal-wiċċ fl-ispa tagħha u fotografu jista' jieħu r-ritratti f'park. Il-klijenti japprezzaw spazji nodfa, mgħammra sew u li jilqgħuk.

• Ara li l-klijenti jkunu komdi. Spazju sigur u nadif jgħin biex is-servizz jogħġob lill-klijenti. Terapista tal-massaġġi għandu jkollu spa nadifa tazza biex il-klijenti jkunu jistgħu jirrilassaw waqt massaġġ fil-fond.
• Ibgħat id-direzzjonijiet. Kun ċar mal-klijenti dwar x'jistgħu jistennew mill-post u fejn se tiltaqgħu. Qis fejn jistgħu jipparkjaw jew xi trasport pubbliku jistgħu jużaw. Jekk tinsab fi spazju maqsum mal-oħrajn, agħti l-istruzzjonijiet taċ-checkin. Tinsiex l-aċċessibbiltà. Ngħidu aħna, il-post fejn se tmexxi s-sessjoni tat-teħid tar-ritratti tista' tasal għaliha fuq siġġu tar-roti? 

Mhux se nitolbu lill-klijenti jagħtu l-kummenti u l-ħsibijiet tagħhom fuq il-post jekk tmur fil-post tagħhom.

Il-klijenti jistennew li l-host tagħhom jagħtihom servizz fejn kollox imur sew. Dan ifisser li l-host jgħid lill-klijenti x'għandhom jistennew, li jikkomunika mingħajr dewmien b'mod ċar u li jkun organizzat.

• Agħti prijorità lill-preċiżjoni. Ara li d-deskrizzjonijiet u r-ritratti li ttella' juru eżatt is-servizz li se tagħti lill-klijenti. Hairdresser tista' tgħid xi prodotti u tekniki tuża u tagħti r-ritratti tal-up-styles u l-malji li tagħmel.
• Wieġeb malajr. Agħżel is-sigħat tax-xogħol mit-tab Listings u għarraf lill-klijenti meta int disponibbli. Ixgħel in-notifiki mill-app ta' Airbnb u mis-settings tat-tagħmir tiegħek biex minnufih tkun taf x'messaġġi daħlu mingħand il-klijenti u tweġibhom malajr.
• Aħseb minn qabel. Ħejji l-prodotti li beħsiebek tuża minn qabel biex tiżgura li s-servizz jingħata fil-ħin. Kok jista' jqatta' l-ħaxix minn qabel għas-soppa li se jsajjar fil-post tal-klijent.
• Ħu miegħek l-għajnuna kollha li teħtieġ. Tista' titlob lil xi co-host jew lil xi assistent jgħinek jekk qed tagħti servizz lil xi grupp kbir jew qed tagħti servizz iktar kumplikat. Jeħtieġlek tgħarraf lill-klijenti b'min se tieħu miegħek għas-servizz. Għandek tagħmel hekk biżżejjed minn qabel biex ikunu jistgħu jikkanċellaw mingħajr tariffa.
• Asal fil-ħin. Jekk se tmur fil-post tal-klijent, sib ir-rotta minn qabel u żomm it-traffiku f'moħħok.
• Ħu ħsieb il-propjetà. Jekk tagħti s-servizz fil-post fejn toqgħod ta' ħaddieħor, ħalli l-post f'kundizzjoni tajba daqs kemm tkun sibtu.

Il-klijenti jfittxu servizzi ta' kwalità mill-aqwa b'valur għal flushom. Qis kif tista' tagħmel is-servizz tiegħek iktar speċjali u kif tagħti lill-klijenti iktar valur għal flushom.

• Agħti għadd ta' għażliet. Żid mill-inqas 3 verżjonijiet tas-servizz offrut bi prezzijiet differenti biex il-klijenti jkollhom iktar għażla u biex jgħinuk tikseb id-dħul li tixtieq. L-aqwa ħaġa li tagħmel hi li toħloq 3 verżjonijiet tas-servizz offrut: bi prezz bażiku, prezz standard u prezz premium. Ngħidu aħna, fotografu ġewwa l-Istati Uniti tal-Amerka jista' jagħti sessjoni ta' nofs siegħa li tiswa inqas minn $50 USD, sessjoni tar-ritratti personalizzata li tiswa bejn $50 USD u $150 USD u sessjoni għall-familja kollha li tiswa iktar minn $150 USD.
• Addatta s-servizzi offruti li tagħti. L-għodod tal-messaġġi ta' Airbnb jgħinuk tikkomunika mal-klijenti biex taddatta s-servizzi għalihom u tagħtihom prezzijiet personalizzati.
• Agħti servizz mill-aqwa. Uża materjali ta' kwalità ogħla u żid dik ix-xi ħaġa speċjali li tagħmel is-servizz tiegħek iktar speċjali biex tagħmel differenza kbira. Beautician tista' tagħti xi żejt essenzjali bla ħlas.

Il-hosts, ir-ritratti u d-dettalji tal-listings kollha għandhom ikollhom l-istandards u r-rekwżiti li nistennew għas-Servizzi ta' Airbnb.

L-іnfоrmаzzјоnі f'dаl‐аrtіklu tаf lаħqеt іnbіdlеt mіnn mеtа ġіе ррubblіkаt.