Kif trawwem rabta

Il-klijenti jieħdu gost bl-opportunità li jibnu rabtiet ġenwini miegħek u mal-klijenti l-oħra. Oħloq mumenti qabel, waqt u wara l-esperjenza biex tgħinhom jibnu rabta u jħossuhom milqugħin.

Ħalli ftit tal-ħin fil-programm biex il-klijenti jkunu jistgħu jsiru jafu lilek, lil xulxin u lill-komunità tiegħek aħjar. Tista' tagħmel hekk billi toħloq attivitajiet stutturati u mhux strutturati.

• Aħseb f'xi ħaġa biex tgħin lin-nies jibdew jitħaddtu. Staqsihom xi ħaġa ħafifa bħal minn fejn ġejjin. Graciela, li tmexxi lezzjoni tat-tisjir ġewwa l-Belt tal-Messiku, darba kellha klijenti li ndunaw li kienu ġirien. "Dil-introduzzjoni żgħira nbidlet f'rabta mhux mistennija," tgħidilna.
• Ħalli lill-klijenti jsiru jafu lil xulxin. Tista' tistedinhom jitħaddtu dwar xi suġġett partikolari jew jaqsmu storja biex isiru jafu lil xulxin. "Niltaqa' ma' ħafna nies tal-ġenn bi stejjer li ma jitwemmnux," jgħidilna Alan li jmexxi ġita ta' Niagara Falls. "U jippreferu jibbukkjaw l-esperjenzi biex jiltaqgħu man-nies. Ikunu qed ifittxu li jibnu dik ir-rabta personali."
• Introduċi lill-komunità tiegħek. Għin lill-klijenti jiltaqgħu man-nies tal-post, kemm bi ħsieb kif ukoll jekk tkun xi ħaġa ta' bla ħsieb. Ruthy, li tmexxi ġita bit-tema tal-ikel ġewwa Lisbona, tgħid li hija dik li tlaqqa' lill-klijenti mal-komunità. "Il-klijenti jieħdu gost meta nlaqqagħhom ma' xi xiħa mat-triq."

Jekk tagħmel xi bidliet biex tgħin lill-klijenti jsiru jafu lil xulxin aħjar, aġġorna l-programm tal-esperjenza biex ikunu jafu x'għandhom jistennew.

Żomm kuntatt mal-klijenti mit-tab Messaġġi kemm qabel kif ukoll wara l-esperjenza.

• Skeda messaġġ ta' merħba. Ibda l-konverżazzjoni mal-grupp billi tintroduċi ruħek. Staqsihom x'qed ifittxu fl-esperjenza u jekk hemmx xi ħadd li għandu xi okkażjoni speċjali.
• Sir af iktar dwar kull grupp. Wieġeb il-mistoqsijiet tal-konverżazzjoni biex tgħin tibni rabta aħjar meta tiltaqgħu. Fit-tab Illum tista' ssib id-dettalji dwar il-klijenti tiegħek fosthom dak li jħobbu u minn fejn ġejjin.
• Ikkuntattja lill-klijenti wara l-esperjenza. Aqsam ir-ritratti, il-vidjows u s-suġġerimenti u ħeġġeġ lill-klijenti jagħmlu l-istess. Dil-ħaġa tista' ssaħħaħ ir-rabtiet li l-klijenti jkunu bnew u tgħinhom jibqgħu jiftakru l-esperjenza meta nitolbuhom jagħtuna r-ratings u r-reviews tagħhom.

Il-hosts, ir-ritratti u d-dettalji tal-listings kollha għandhom ikollhom l-istandards u r-rekwiżiti li nistennew għall-Esperjenzi ta' Airbnb.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.