Kif tmexxi esperjenza mingħajr xkiel

Il-klijenti japprezzaw meta l-host jara li jkollhom esperjenza mill-aqwa. Dan ifisser li twieġeb malajr, tagħti istruzzjonijiet għall-wasla ċari, tagħti deskrizzjoni preċiża tal-esperjenza tiegħek u żżomm mal-ħin u tkun organizzat/a.

Uża l-għodod tal-messaġġi ta' Airbnb biex twieġeb il-mistoqsijiet tal-klijenti mingħajr dewmien kemm qabel kif ukoll wara esperjenza.

• Uża t-tweġibiet ta' malajr. Dal-mudelli tal-messaġġi jiksbu d-dettalji mil-listing tiegħek u mill-bookings tal-klijenti biex jgħinuk twieġeb malajr. Tista' tibdilhom u tipprogrammahom biex jintbagħtu f'ħinijiet partikolari, bħal eżatt wara li klijent jibbukkja.
• Uża n-notifiki. Jekk tkun taf mill-ewwel bil-messaġġi tal-klijenti, tista' ttejjeb il-ħin għat-tweġibiet. Stenna li se jidħlulek il-messaġġi fil-ħin ta' qabel tiltaqgħu.

"Importanti ħafna li twieġeb mingħajr dewmien," tgħid Jib, host ta' lezzjoni tat-tisjir ġewwa Bangkok. "Iktar ma ssewwi l-problemi jew twieġeb malajr, iktar il-klijenti jħossu li int ta' min joqgħod fuqek."

Ara li l-klijenti jifhmu fejn se tiltaqgħu biex turihom li int ta' min joqgħod fuqek.

• Ikteb istruzzjonijiet dettaljati. Agħti dettalji siewja biex tgħin lill-klijenti jsibu l-post fejn se tiltaqgħu u jifhmu kif għandhom jagħrfuk.
• Aqsam id-direzzjonijiet minn qabel. Ħejji tweġiba ta' malajr bl-istruzzjonijiet tal-wasla biex tibgħatha jum jew tnejn qabel l-esperjenza. B'hekk il-klijenti jkollhom biżżejjed ċans jistaqsuk il-mistoqsijiet tagħhom.

Dani, li tmexxi ġita bil-mixi ġewwa Brooklyn, tibgħat messaġġ ta' merħba kull meta klijent jibbukkja. Fil-messaġġ tispjega kif taħdem il-metro u fejn se jiltaqgħu u fejn se tintemm l-esperjenza. "B'hekk il-klijenti jkunu jistgħu jfasslu kif se jqattgħu l-kumplament tal-ġurnata," tgħidilna.

Il-listing tiegħek għandu jagħti biżżejjed dettalji dwar dak li l-klijenti jistgħu jistennew matul l-esperjenza.

• Żid il-co-hosts tiegħek. Iftaħ il-kalendarju tal-listing biex iżżid il-co-hosts li taħdem magħhom mal-mumenti li se jkunu qed imexxu. B'hekk il-klijenti jkunu jafu lil min għandhom ifittxu.
• Agħti informazzjoni dettaljata. Għin lill-klijenti jħejju ruħhom għall-esperjenzi tiegħek billi fid-deskrizzjoni u fir-ritratti tal-listing tgħidilhom kulma jeħtieġu jkunu jafu. Ngħidu aħna, tista' tgħidilhom x'għandhom jippakkjaw għal magħhom bħal żarbun għall-mixi u l-ilma jew turihom ir-ritratti tat-taraġ wieqaf.

"Ngħid lill-klijenti li se nimxu sas-suq u hemm se jkun hemm ħafna ħsejjes u rwejjaħ," tgħid Graciela li tmexxi lezzjoni tat-tisjir ġewwa l-Belt tal-Messiku. "B'hekk jaslu lesti u ħerqana għall-esperjenza."

Żomm mal-programm tal-esperjenza biex timxi kif suppost.

• Ara li tħejji kollox minn qabel. Ħejji l-post fejn se tmexxi l-esperjenza u l-prodotti li teħtieġ biex l-esperjenza żżomm mal-ħin. Ngħidu aħna, ara li ż-żona nadifa u li hemm biżżejjed siġġijiet u postijiet fejn taħdem.
• Mexxi l-esperjenza b'pass raġjonevoli. Ibda u spiċċa fil-ħin u żid xi waqfiet biex ma jkollokx għaliex tagħmel l-attivitajiet bil-għaġla.

"Qattajt ħafna ħin nippjana r-rotta," jgħid Evren, host ta' ġita bil-mixi bit-tema l-mużika ġewwa Soho, Londra. "Imbagħad ippruvajtha fuq li ppruvajtha biex nara li tkun fattibbli."

Il-hosts, ir-ritratti u d-dettalji tal-listings kollha għandhom ikollhom l-istandards u r-rekwiżiti li nistennew għall-Esperjenzi ta' Airbnb.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.