Kif ittella' esperjenza unika

Il-klijenti jfittxu esperjenzi li jħossu li ma jistgħux isibuhom xi mkien ieħor. Uża l-għarfien u l-karattru tiegħek biex tagħmel l-attivitajiet tiegħek ġenwini u speċjali.

L-esperjenzi għandhom jgħinu lill-klijenti jiskopru kultura, ħila jew post flimkien mal-hosts tal-post għax ħadd ma jaf il-belt tajjeb daqshom.

• Uri l-belt tiegħek. Organizza attivitajiet li l-klijenti ma setgħux jagħmlu waħidhom. Justin, li jmexxi l-ġiti bil-mixi ġewwa Sydney u Brisbane, l-Awstralja, jieħu lill-klijenti f'postijiet li ma tantx jinżaru mit-turisti. "Ħafna nies għandhom stampa ta' Sydney f'moħħhom—il-bajjiet tal-port, id-dar tal-opri, il-frott tal-baħar," jgħidilna. "Jien nieħu lill-klijenti f'postijiet bħal Little Italy u Thai Town. Infittex sidien tan-negozji li għandhom storja li nista' nirrakkonataha lill-klijenti."
• Uża l-karattru tiegħek. Uri li għandek rabta ġenwina mal-attività. Erven, li jmexxi ġita bil-mixi bit-tema tal-mużika ġewwa Soho, Londra, kien idoqq il-kitarra ma' grupp, kien imexxi ditta tad-diski u kien maniġer ta' grupp tar-rock. "Mhu se ssib dil-ħaġa mkien iktar," jgħidilna.

Qis x'tixtieq taqsam mal-klijenti fil-ħin li jqattgħu miegħek.

• Agħmel xi ħaġa mhux tas-soltu. M'għandhiex tkun xi ħaġa kbira jew għalja. Ruthy, li tmexxi ġita bit-tema tal-ikel ġewwa Lisbona, tieħu lill-klijenti f'ristorant immexxi minn familja biex iduqu ż-żejt taż-żebbuġa tal-familja. "Ma tistax issib tixtrih u għalhekk hija xi ħaġa speċjali ħafna li tippruvah fir-ristorant tagħhom," tgħidilna.
• Agħtihom tifkira. Għandha tkun marbuta mal-esperjenza, bħal għaġin maħdum bl-idejn jew xi ħaġa tal-fuħħar. Danylo, li jmexxi l-workshops tat-teħid tar-ritratti ġewwa Berlin, jgħin lill-klijenti billi jeditjalhom l-iktar ritratti li għoġbuhom tal-ħin li qattgħu flimkien. "Huwa rigal żgħir, ftit editing jagħmel differenza kbira," jgħidilna.

Jekk tibdel l-esperjenza tiegħek biex tagħmilha iktar speċjali, ibdel il-listing biex il-klijenti jkunu jafu x'għandhom jistennew.

Il-hosts, ir-ritratti u d-dettalji tal-listings kollha għandhom ikollhom l-istandards u r-rekwiżiti li nistennew għall-Esperjenzi ta' Airbnb.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.