Kif tagħżel u żżid ritratti ta' kwalità

Il-klijenti ħafna drabi joqogħdu fuq ir-ritratti biex jagħżlu x'jibbukkjaw fuq Airbnb. Ir-ritratti tal-esperjenza tiegħek għandhom iħajruhom isiru jafu iktar, jgħinuhom jifhmu x'għandhom jistennew u jagħmluhom ħerqana li jieħdu sehem fl-esperjenza.

Kull ritratt li tuża għandu jkun ta' kwalità. Kull stampa għandha jkollha riżoluzzjoni ta' 800px x 1,200px u d-daqs tal-fajl ma jistax ikun ikbar minn 10MB. Tista' tikseb dar-riżultati bil-biċċa l-kbira tal-kameras tal-mowbajls.

Tella' ritratti li:

• Ħadthom int jew għandek permess tużahom
• Huma bil-kulur, mhux suwed u bojod
• Huma meħuda b'biżżejjed dawl, l-aħjar jekk ikun dawl naturali
• M'għandhomx ħafna oġġetti żejda jew sfondijiet kumplikati
• Huma ffukati, bis-suġġett ewlieni f'nofs ir-ritratt
• Huma taħlita ta' ritratti meħuda mill-qrib u oħrajn meħuda minn iktar bogħod

Ittellax ritratti li:

• Huma mdallma jew jużaw wisq flash
• Huma imżellġa, mimlijin frak diġitali jew għandhom riżoluzzjoni baxxa
• Huma editjati żżejjed, li żidtilhom il-filtri jew li mgħawġin
• Huma stessi jew ritratti ppużati
• Huma collages
• Huma verżjoni differenti ta' ritratt ieħor li diġà tellajt
• Huma logos jew ritratti ta' xi ditta

Jekk teħtieġ iktar ritratti nissuġġerulek titlob lil sħabek jew lil qrabatek jieħdu r-ritratti skont dal-pariri. Jew itlob lill-klijenti jaqsmu l-aqwa ritratti u jagħtuk permess tużahom fil-listing tiegħek.

Tella' mill-inqas ħames ritratti—tista' ttella' kemm teħtieġ biex tħajjar lill-klijenti jibbukkjaw u tgħinhom jifhmu x'għandhom jistennew.

Ir-ritratti jintwerew fi 3 postijiet fuq il-listings tal-esperjenza: fil-grilja, fil-programm u fil-gallerija tar-ritratti. Se nitolbuk tagħżel ukoll ritratt tal-qoxra li jolqot l-għajn u li se jintwera lill-klijenti fir-riżultati tat-tiftix ta' Airbnb.

Se nirrevedu r-ritratti li ttella' u napprovaw dawk ir-ritratti li jittieħdu skont l-istandards tagħna. Dan huwa dak li għandek tibgħat għal kull taqsima.

Il-grilja. Il-grilja magħmula minn erba' ritratti fin-naħa ta' fuq tal-listing tiegħek. Tella' r-ritratti:

• Tal-klijenti qed jieħdu sehem fl-attività ewlenija
• Tiegħek qed tmexxi l-esperjenza
• Ta' dettall importanti bħal, ngħidu aħna, ritratti mill-qrib tat-tagħmir li se jintuża jew ta' ingredjent
• Tal-post, bħal ngħidu aħna, ritratti meħud mill-bogħod li juri x'hemm mad-dawra

Tal-programm tal-esperjenza tiegħek. Il-programm juri x'se jsir waqt l-esperjenza biex b'hekk il-klijenti jkunu jistgħu jifhmu aħjar jekk tgħoddx għalihom. Ir-ritratti tal-programm huma żgħar u għalhekk ittellax ritratti b'xeni u sfondi kumplikati. Tella' r-ritratti:

• Tas-sitwazzjonijiet li jaqblu mad-deskrizzjonijiet li ktibt
• Tan-nies, l-oġġetti u d-dettalji oħra basta ma tkunx bi tqila li tifhem x'hemm fir-ritratt

Gallerija tar-ritratti. Il-klijenti jistgħu jsibu r-ritratti kollha li tkun tellajt f'gallerija tar-ritratti. Il-gallerija tal-listing tiegħek għandha turi dak kollu li jagħmel l-esperjenza tiegħek interessanti u unika. Tella' r-ritratti:

• Tal-klijenti qed jagħmlu xi ħaġa miegħek, mal-co-hosts li jafu jgħinuk jew mal-klijenti l-oħra
• Tal-attivitajiet miġbura minn angoli differenti, fosthom mill-perspettiva tal-klijenti
• Ta' kull ħaġa li l-klijenti jistgħu jistennew li jieħdu lura magħhom bħala tifkira

Ara li jkollok il-permess tuża r-ritratti kollha li ttella' u li l-istampi jagħtu stampa ċara tal-esperjenza.

Il-hosts, ir-ritratti u d-dettalji tal-listings kollha għandhom ikollhom l-istandards u r-rekwżiti li nistennew għall-Esperjenzi ta' Airbnb.

L-іnfоrmаzzјоnі f'dаl‐аrtіklu tаf lаħqеt іnbіdlеt mіnn mеtа ġіе ррubblіkаt.