Mur 'il quddiem biex taċċessa r-riżultati suġġeriti

    Kif toħloq regoli tad-dar siewja

    Għin biex tħares id-dar tiegħek u toħloq esperjenza aħjar għall-klijenti.
    Minn Airbnb f'did-data: 1 ta’ Diċ 2020
    Qari ta' 2 minuti
    Aġġornat f'did-data: 21 ta’ Nov 2022

    Punti ewlenin

    • Ir-regoli tad-dar jintwerew fuq il-paġna tal-listing tiegħek u l-klijenti għandhom jaqblu magħhom qabel ikunu jistgħu jibbukkjaw il-post tiegħek

    • Tista' żżid iktar regoli biex tispjega d-drawwiet tal-post jew regoli oħra marbuta mas-saħħa u s-sigurtà

    Ir-regoli tad-dar tiegħek jispjegaw lill-klijenti x'għandhom jistennew u jagħtuhom idea minn qabel tal-istil ta' kif tilqa' n-nies. Jgħinu wkoll biex il-klijenti jifhmu sew jekk l-ispazju tiegħek jgħoddx għalihom qabel jibbukkjawh.

    Kif tagħżel ir-regoli tad-dar standard tiegħek

    Il-Hosts jistgħu jagħżlu minn sett ta' regoli tad-dar standard marbuta mal-oqsma li ġejjin:

    • Pets
    • Avvenimenti
    • It-tipjip, il-vaping u s-sigaretti elettroniċi
    • Sigħat kwieti
    • Ħinijiet taċ-checkin u taċ-checkout
    • L-ikbar numru ta' klijenti fil-post
    • Fotografija u teħid ta' filmati kummerċjali

    Ir-regoli tad-dar tiegħek jintwerew b'mod prominenti f'erba' postijiet: fuq il-paġna tal-listing tiegħek, fuq paġna meta l-klijenti jibbukkjaw l-ispazju tiegħek, fl-email "Lesti l-bagalji!" kif ukoll fil-"Gwida tal-Wasla" li l-klijenti jirċievu qabel il-vjaġġ tagħhom.

    Kif tikteb ir-regoli miżjuda

    Jekk għandek rekwiżiti speċjali li ma ssibhomx fis-sett tar-regoli tad-dar standard—bħal li trid tinża' ż-żarbun fl-ispazju tiegħek—tista' ssemmihom fir-regoli miżjuda.

    Għalkemm tagħmel tajjeb li żżid kull ħaġa importanti li għandhom ikunu jafu dwar d-drawwiet tal-post jew dwar is-saħħa u s-sigurtà, nissuġġerulek ma tiktibx wisq regoli għax dawn jafu jħawdu lill-klijenti. Dawn huma ftit eżempji mingħand il-Hosts:

    • "Nitolbuk iżżomm ftit skiet u dekor, l-iktar matul il-ħinijiet ta' bil-lejl jew wara nofsinhar." —Beatriz Elena, Medellin, il-Kolombja
    • "Jekk jogħġbok agħlaq it-twieqi u l-bibien kollha u sakkarhom qabel toħroġ mis-suite."—Dave u Deb, Edmonton, il-Kanada
    • "Jekk jogħġbok tħallix ikel fil-kamra tas-sodda." —Momi, Honolulu

    Ir-regoli tad-dar jgħinu biex iħarsuk

    Grazzi għar-regoli bażi, il-klijenti huma obbligati jimxu ma' kull regola li tagħżel mil-lista ta' regoli tad-dar standard. Jekk klijent jikser regola tad-dar, l-ewwel m'għandek tagħmel hu li tikkomunika mal-klijent u tipprova ssolvi l-problema direttament. Jekk ma tkunx tista' tasal għal qbil, ikkuntattja lill-Għajnuna lill-Komunità biex jgħinuk huma.

    L-ebda regola tad-dar ma tista' tmur kontra l-politiki u r-regoli ta' Airbnb fosthom it-termini tas-servizz u l-politika ta' nondiskriminazzjoni tagħna.

    L-informazzjoni li tinsab f'dal-artiklu jaf laħqet inbidlet minn meta ġie ppubblikat.

    Punti ewlenin

    • Ir-regoli tad-dar jintwerew fuq il-paġna tal-listing tiegħek u l-klijenti għandhom jaqblu magħhom qabel ikunu jistgħu jibbukkjaw il-post tiegħek

    • Tista' żżid iktar regoli biex tispjega d-drawwiet tal-post jew regoli oħra marbuta mas-saħħa u s-sigurtà

    Airbnb
    1 ta’ Diċ 2020
    Dan kien ta' għajnuna għalik?