Kif tqiegħed il-prezzijiet tal-esperjenza
Airbnb tagħtik aċċess għall-għodod tal-ospitalità u miljuni ta' klijenti biex tgħinek tikseb id-dħul li tixtieq. Prezz kompetittiv jista' jgħin lill-esperjenza tiegħek tispikka u jħajjar lill-klijenti jibbukkjawha.
Il-prezz li titlob se jkun dejjem f'idejk u meta trid tista' tibdlu.
Ifhem xi prezz titlob fuq Airbnb
Ibda itlob prezz irħis sakemm l-esperjenza tkun għadha ġdida biex tħajjar lill-ewwel klijenti u tikseb l-ewwel ratings u r-reviews. Maż-żmien tista' tibdel il-prezz li titlob biex tikseb id-dħul li tixtieq.
Dawn huma xi fatturi li għandek tqis meta tiġi biex tqiegħed il-prezz li tixtieq titlob fuq Airbnb.
- In-nefqiet tiegħek: Ifhem kemm teħtieġ biex tagħmel tajjeb għall-ħin, għall-prodotti u għal-liċenzji.
- L-esperjenzi li jixbhu lil tiegħek: Fittex attivitajiet li jixbhu lil tiegħek fuq Airbnb u pjattaformi oħra biex tqabbel il-prezzijiet u tifhem xi prezz jista' jkun kompetittiv.
- It-tariffa tas-servizz: Żomm it-tariffa tas-servizz li Airbnb titlob lill-hosts għal kull booking f'moħħok. Se nuruk dit-tariffa meta tiġi biex tagħżel xi prezz tixtieq titlob. It-tariffa tħallina nagħtu l-għodod tal-ospitalità, servizz lill-klijenti 24 siegħa kuljum u nilħqu miljuni ta' klijenti għall-Esperjenzi ta' Airbnb.
Kif tifhem xi prezz għandek titlob
Żid l-ikbar għadd ta' klijenti skont l-attività, il-post u l-aħjar daqs tal-grupp biex tinbena rabta. Dan-numru se jgħodd għal kull mument tal-esperjenza.
Qiegħed l-inqas prezz għal kull klijent u l-inqas prezz għal grupp privat.
- Prezz għal kull klijent: Din is-somma li se titlob għal kull klijent li jingħaqad mal-esperjenza. Il-prezz li titlob għandu jiġbor fih it-tariffi u t-tippijiet kollha. Prezz irħas jaf iħajjar iktar klijenti jibbukkjaw u għalhekk iddaħħal iktar flus. Ngħidu aħna, ġewwa l-Istati Uniti tal-Amerka jekk 4 klijenti jibbukkjaw servizz ta' $60 USD kull wieħed, iddaħħal $240 USD filwaqt li jekk 8 klijenti jibbukkjaw servizz ta' $45 USD kull wieħed, iddaħħal $360 USD.
- L-inqas prezz għal grupp privat: Din l-inqas somma li se titlob għal grupp privat. Ħadd iktar mhu se jkun jista' jibbukkja dak il-mument f'dik id-data.
Se nuruk kemm se ddaħħal flus meta tikteb il-prezz li tixtieq int u toħloq il-listing.
Kif iżżid l-iskontijiet
Mod tajjeb kif tibqa' titlob prezz kompetittiv huwa li tagħti skont skont ix-xorta tal-bookings.
- Għal żmien limitat: Raħħas il-prezz li titlob b'bejn 5% u 50% għal 30 jum biex tħajjar lill-ewwel klijenti jibbukkjaw miegħek.
- Għal min jibbukkja kmieni: Raħħas il-prezz b'20% jekk il-klijenti jibbukkjaw iktar minn ġimagħtejn bil-quddiem biex tħajjar lill-klijenti li jibbukkjaw bil-quddiem.
- Għal gruppi kbar: Raħħas il-prezz għall-gruppi biex timla l-postijiet kollha iktar malajr.
L-iskontijiet li tagħti jintużaw kull darba li klijent jibbukkja l-esperjenza. Meta żżid iktar minn wieħed, il-klijenti se jiksbu l-iktar skont li jraħħsilhom il-prezz. Ma jistgħux jużaw iktar minn skont wieħed għall-istess booking.
Il-hosts, ir-ritratti u d-dettalji tal-listings kollha għandhom ikollhom l-istandards u r-rekwżiti li nistennew għall-Esperjenzi ta' Airbnb.
L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.