Mur 'il quddiem biex taċċessa r-riżultati suġġeriti
    Dal-kontenut mhux disponibbli bil-lingwa magħżula minnek, għalhekk għamilnieh disponibbli bl-eqreb lingwa disponibbli għalissa.

    Kif tilqa' lill-ewwel klijenti tiegħek

    Dan huwa kif għandek toħloq esperjenza mill-aqwa għall-klijenti tiegħek—għall-ewwel booking u għall-bookings kollha ta' warajh.
    Minn Airbnb f'did-data: 20 ta’ Nov, 2019
    Qari ta' 7 minuti
    Aġġornat f'did-data: 9 ta’ Ġun, 2021

    Punti ewlenin

    • Istruzzjonijiet taċ-checkin aġġornati jistgħu jagħmlu l-wasla eħfef għall-klijenti

    • Li żżomm l-ispazju tiegħek nadif jista' jgħinek toffri esperjenza mill-aqwa lill-klijenti

    • Li tkun disponibbli għall-klijenti jista' jgħinhom iħossuhom megħjuna

    • Skopri iktar fil-gwida kompluta tagħna dwar kif timpressjona lill-ewwel klijenti tiegħek

    Tista' tħossok xi ftit nervuż/a meta tantiċipa l-wasla tal-ewwel klijenti tiegħek. "Kont eċitata ħafna imma wkoll nervuża ħafna," tgħid Colleen, Host minn Richmond, il-Kanada. Iżda malajr skopriet kemm jaf ikun divertenti u ta' sodisfazzjon li tilqa' n-nies għandek. "Ma setax ikollna esperjenza isbaħ! Kull sena reġgħu ġew u sirna ħbieb tal-qalb."

    Tixtieq toħloq esperjenza sabiħa għall-ewwel klijenti tiegħek u iktar minn hekk? Ara din il-gwida ta' ħames passi.

    L-Ewwel Pass: Ibgħat mill-ewwel u ta' spiss

    Wieħed jibda jilqa' lill-klijenti qabel jidħlu mill-bieb ta' barra. Meta twieġeb għall-messaġġi tal-klijenti malajr, tkun qed turihom li inti jinteressak mill-ħtiġijiet tagħhom. Dawn il-konverżazzjonijiet ta' qabel iservu wkoll biex ikunu jafu x'għandhom jistennew. Xi suġġerimenti utli:

    • Kun onest/a. Jista' jkun li lill-klijenti qabżulhom xi dettalji importanti fil-listing tiegħek. Għandek bżonn tfakkarhom li se jkun hemm xi pets, klijenti oħrajn jew membri tal-familja fl-ispazji maqsumin mal-oħrajn tad-dar tiegħek?
    • Wieġeb b'mod faċli. Tista' tuża s-sistema ta' messaġġi ta' Airbnb jew l-app biex twieġeb lill-klijenti mid-dar u tkun fejn tkun.
    • Aħseb minn qabel. Jekk taħseb li se tibgħat informazzjoni simili lil ħafna klijenti, iffranka l-ħin billi tuża t-tweġibiet ta' malajr (li kienet magħrufa bħala messaġġi ssejvjati).

    It-Tieni Pass: Issimplifika l-wasla u ċ-checkin

    Tista' twieġeb l-iktar mistoqsijiet komuni u toffri lill-klijenti wasla bla xkiel billi timla d-dettalji kollha—inkluż id-direzzjonijiet għall-ispazju tiegħek, l-istruzzjonijiet taċ-checkin u d-dettalji tal-wifi—fit-taqsima "informazzjoni għall-klijenti" fit-tab Listings tiegħek. Dil-informazzjoni se tgħin biex il-klijenti tiegħek ikollhom esperjenza taċ-checkin aħjar. Dad-dettalji se jintużaw ukoll biex jimlew il-Gwida tal-Wasla tiegħek, gwida li 48 siegħa qabel iċ-checkin se tintwera fin-naħa ta' fuq tat-tab Vjaġġi tal-klijenti.

    It-Tielet Pass: Żomm kollox nadif tazza

    Spazju nadif huwa spazju li jħajrek. Jekk il-klijenti jsibu t-trab fil-kamra tas-sodda jew tbajja' tal-ikel fil-kċina, hemm mnejn li tkun l-unika ħaġa li jiftakru mill-ispazju tiegħek. Ħadd ma jieħu gost isib ix-xagħar ma' kullimkien, jekk ikun hemm ħafna oġġetti personali hemm mnejn li l-ispazju jidher mimli imbarazz. Ara li toqgħod attent ħafna għal-lożor, għax-xugamani, għall-art u għall-kmamar tal-banju.

    Ir-Raba' Pass: Antiċipa l-ħtiġijiet tal-klijenti

    Kull klijent huwa differenti imma l-biċċa l-kbira tagħhom se jistennew li jkollok aċċess għal ċerta informazzjoni u ċerti affarijiet minnufih. Nissuġġerulek:

    • Tqiegħed il-kumditajiet essenzjali bħal xugamani, lożor, sapun u toilet paper fl-ispazju tiegħek
    • Taġġorna l-informazzjoni dwar id-dar tiegħek biex, fost oħrajn, tagħti lill-klijenti informazzjoni importanti dwar liema spazji m'għandhomx jidħlu fihom, istruzzjonijiet ta' kif għandhom iħaddmu l-appliances, il-wifi, eċċ.
    • Toħloq gwida tal-ivvjaġġar li fiha ssemmi r-ristoranti, il-ħwienet tal-merċa, il-kafetteriji u l-postijiet l-oħra li tħobb
    • Tara li l-klijenti jistgħu jikkuntattjawk b'SMS, bit-telefown jew b'email f'każ li tinqala' xi problema
    • Tara li jkollok in-numru tat-telefown ta' persuni importanti bħal plumber, handy man, tal-kumpanija tal-internet u tal-cable jew tal-ġirien jekk mhux se tkun id-dar

    Il-Ħames Pass: Agħti u ikseb ir-reviews

    L-ewwel ftit reviews tiegħek huma kruċjali għas-suċċess tiegħek fuq Airbnb—ir-rating medju tal-istilel tiegħek se jidher fil-listing tiegħek wara li tirċievi tliet reviews u jista' jkollu impatt fuq kif tikklassifika fir-riżultati tat-tiftix.

    Se jkollok ukoll l-opportunità tikteb review dwar il-klijenti. Kun onest u uri rispett fir-reviews li tikteb.

    "Li tikteb reviews dwar il-klijenti huwa importanti daqs li tħejjilhom l-kamra," jgħidu Beverlee u Suzie ta' Oakland, California. "Inti tkun qed tgħin lil Host ieħor jiddeċiedi jekk iridx jilqagħhom jew le." Il-proċess tar-review jgħin biex tinbena fiduċja għall-klijenti u l-Hosts, u joħloq esperjenza aħjar għall-komunità kollha ta' Airbnb.

    Punti ewlenin

    • Istruzzjonijiet taċ-checkin aġġornati jistgħu jagħmlu l-wasla eħfef għall-klijenti

    • Li żżomm l-ispazju tiegħek nadif jista' jgħinek toffri esperjenza mill-aqwa lill-klijenti

    • Li tkun disponibbli għall-klijenti jista' jgħinhom iħossuhom megħjuna

    • Skopri iktar fil-gwida kompluta tagħna dwar kif timpressjona lill-ewwel klijenti tiegħek
    Airbnb
    20 ta’ Nov, 2019
    Dan kien ta' għajnuna għalik?