Kif tikteb isem u deskrizzjoni li jagħtu r-riżultati mixtieqa

Il-klijenti ħafna drabi jfittxu esperjenza biex ikunu jistgħu jiskopru l-belt bħan-nies tal-post. L-isem u d-deskrizzjoni tal-esperjenza għandhom juru r-rabtiet li għandek mal-post u kif l-esperjenza tiegħek tagħti mod uniku kif wieħed jiskopri l-vera belt.

Ibda l-isem tal-esperjenza b'verb li juri dak li l-klijenti se jagħmlu matul l-esperjenza. Wara l-verb żid xi dettalji li jgħinu lill-isem jispikka.

Ikteb isem preċiż u ċar. Taqbiżx il-50 karattru fl-isem.

Evita li tirrepeti frażiijiet li ssib f'listings oħra fiż-żona tiegħek. Tużax l-ismijiet jew il-marki kummerċjali ta' ħaddieħor mingħajr permess.

Eżempji ta' ismijiet tajbin għall-esperjenzi:

• Aħmi l-croissants ma' dulċier Pariġin
• Irkeb il-mewġ ta' Rio ma' surfer professjonali
• Pinġi bħal artist fil-Gallarija Nazzjonali

Id-deskrizzjoni tal-esperjenza għandha taqbel mal-isem. Ibda bir-raġuni ewlenija għaliex klijent jaf jibbukkja l-esperjenza. Żid iktar dettalji dwar min int, x'jagħmel il-post speċjali u l-attività li se tagħmlu flimkien.

Agħżel kliem li jagħmel l-esperjenza tinstema' tant eċitanti li ma tistax titlifha. Uża kliem dirett, qasir u li jagħti l-informazzjoni meħtieġa.

Enfasizza r-rabta mal-post; kemm jekk minħabba l-istorja tiegħek, il-post ta' fejn se titmexxa l-esperjenza, l-attività jew taħlita tat-tlieta li huma. Taqbiżx id-90 karattru fid-deskrizzjoni.

Eżempji ta' deskrizzjonijiet tal-esperjenzi tajbin:

• Ħallat u duq iċ-ċikkulata magħrufa tagħna, maħduma minn kawkaw ġej minn post wieħed u ingredjenti tal-post.
• Skopri l-fdalijiet il-qodma tal-arena ma' Ruman tas-seba' ġenerazzjoni.
• Skopri l-iktar mogħdija maqtugħa mill-art magħrufa tal-Belt ta' New York ma' gwida mll-għaqda fundatriċi tagħha.

Il-hosts, ir-ritratti u d-dettalji tal-listings kollha għandhom ikollhom l-istandards u r-rekwżiti li nistennew għall-Esperjenzi ta' Airbnb.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.