Kif tikteb isem u deskrizzjoni li jagħtu r-riżultati mixtieqa

Ikteb b'mod ċar u fil-qosor meta tiġi biex tagħti isem lis-servizz tiegħek u tgħidilna dwar il-ħiliet tiegħek. Din hija opportunità biex tgħin lil-listing tiegħek jispikka, turina x'ħiliet għandek u tolqot lill-klijenti.

Ibda billi tiddeskrivi sew x'inhu s-servizz, min se jagħtih u għaliex huwa speċjali.

Żid ismek wara isem is-servizz. Taqbiżx il-50 karattru fl-isem.

Eżempji ta' ismijiet tajbin għas-servizzi:

• Ritratti Romantiċi f'Pariġi ma' Mo
• Massaġġi limfatiċi ma' Sabrina
• Taħriġ tas-saħħa b'tekniki mindful ma' Korey

Id-deskrizzjoni tal-għarfien tiegħek għandha tkun marbuta ma' u tkompli mal-isem tas-servizz. Għid għaliex int għandek il-ħiliet meħtieġa biex tagħti s-servizz li tagħti. Uża kliem dirett, qasir u li jagħti l-informazzjoni meħtieġa.

Toqgħodx lura milli taqsam il-ħiliet tiegħek, fosthom il-kisbiet ewlienin tal-karriera tiegħek. Tirrepetix l-informazzjoni li tkun diġà tajt qabel int u toħloq il-listing. Taqbiżx id-90 karattru fid-deskrizzjoni.

Ipprova das-suġġerimenti:

• Tużax kliem tqil.
• Ikteb sentenza sħiħa u pprova taqsamx is-sentenza u tużax il-listi.
• Ibda bl-iktar ħaġa impressjonanti, bħal xi premju li rbaħt.
• Għid l-istorja ta' kif wasalt biex tagħti s-servizz jew kif ksibt il-ħiliet tiegħek.
• Ara li tikteb deskrizzjoni preċiża.
• Ikteb kollox fl-ewwel persuna.

Eżempji ta' deskrizzjonijiet tas-servizzi tajbin:

• Kont kok fir-ristorant bl-istilla Michelin Le Bernardin u llum nista' nsajjar l-istess ikel tajjeb f'darek.
• Jien fotografu ppremjat u xogħli ntwera f'Elle u fin-New York Times.
• Tgħallimt it-tekniki tal-massaġġi fil-fond mingħand l-aqwa nies ta' Bali u ħdimt f'dax-xogħol għal 5 snin.

Il-hosts, ir-ritratti u d-dettalji tal-listings kollha għandu jkollhom l-istandards u r-rekwżiti li nistennew għas-Servizzi ta' Airbnb.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.