Għodod tal-ospitalità ġodda biex jgħinuk tkabbar in-negozju tiegħek

Erġajna bnejna l-app mill-ġdid biex issib fiha dak kollu li teħtieġ biex tieħu ħsieb il-post fejn toqgħod tiegħek. Issa se tkunlek eħfef iżżomm kont tal-bookings u tibdel id-disponibbiltà u l-prezzijiet tal-listing.

Se ssib l-għodod kollha f'dawn il-ħames tabs meta tidħol fil-kont bħala host.

It-tab Illum il-ġdida hija l-ewwel ħaġa li nuruk meta tiftaħ l-app. Hemm nagħtuk ħarsa tad-dettalji tal-bookings biex ngħinuk tqassam il-jum u tagħti ospitalità mill-aqwa.

• Aqleb bejn id-dehra tal-bookings li qed tilqa' bħalissa u l-bookings li mistennija biex b'hekk tkun tista' tifhem lil min qed tilqa' u meta.
• Żid xi noti għalik mal-bookings (bħal tfakkiriet dwar okkażjonijiet speċjali jew talbiet).
• Ikseb il-pariri dwar x'għandek tagħmel għal kull booking bħal, ngħidu aħna, li tistaqsi lill-klijenti jekk hux kollox sew jew taqra review.

Il-Kalendarju l-ġdid jagħmilhielek eħfef tiċċekkja u tibdel id-disponibbiltà u l-prezzijiet tal-listing.

• Iftaħ iktar dati biex il-klijenti jkunu jistgħu jibbukkjawhom u mblokka l-iljieli li matulhom ma tistax tilqa' n-nies.
• Ibdel is-settings tad-disponibbiltà u l-prezzijiet direttament mill-kalendarju tal-listing, bħall-inqas iljieli meħtieġa għall-booking u l-iskontijiet.
• Sib il-pariri l-ġodda għall-prezzijiet ta' kull lejl li huma suġġerimenti addattati għal-listing tiegħek skont il-post fejn jinsab u l-kumditajiet tiegħu, il-bookings li ksibt fl-imgħoddi u l-prezzijiet li qed jintalbu fil-madwar.

It-tab Listings tagħtik iktar modi kif tieħu ħsieb id-dettalji tal-listing tiegħek. Uża dal-għodod biex tagħti l-iktar stampa ċara u preċiża tal-post tiegħek lill-klijenti.

• Aġġorna l-listing tiegħek, fosthom billi żżid ritratti ta' kwalità biex tolqot l-għajn u gwida tal-wasla dettaljata.
• Żid il-kumditajiet kollha li hemm fil-listing fosthom il-faċilitajiet tal-aċċessibbiltà biex tħajjar lill-klijenti jibbukkjaw il-listing tiegħek.
• Iftaħ il-listing tiegħek biex issib kif se jintwera lill-klijenti.

It-tab Messaġġi tgħinek tikkomunika mal-klijenti qabel, waqt u wara ż-żjara tagħhom.

• Uża l-editur il-ġdid tat-tweġibiet ta' malajr biex tippersonalizza l-iktar mistoqsijiet komuni u tħejji l-messaġġi biex jintbagħtu awtomatikament f'xi sitwazzjonijiet importanti.
• Aqsam ir-ritratti biex tintroduċi ruħek u turi xi dettalji importanti.
• Nuruk it-talbiet tal-bookings, fosthom id-dati tal-vjaġġi u l-għadd tal-klijenti, f'post iktar prominenti.

Minn Menù tista' ssib id-dħul, il-perspettivi u settings oħra. Se nagħtuk pariri personalizzati u iktar riżorsi biex ngħinuk tkabbar in-negozju tal-ospitalità tiegħek.

• Sib id-dħul tiegħek u oħloq rapporti personalizzati mid-dashboard tad-dħul.
• Skopri r-ratings u r-reviews tal-klijenti mit-taqsima perspettivi.
• Ħu ħsieb is-settings tal-kont u sib ir-riżorsi dwar l-ospitalità.

Ikseb aċċess bikri issa biex tibda tuża l-għodod tal-ospitalità l-ġodda li ħejjejnielek.

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.