Kif ħaffifna kif jaħdmu t-tariffi tas-servizz ta' Airbnb

Qed inħaffu kif jaħdmu t-tariffi tagħna biex nagħmluha eħfef għall-hosts jifhmu xi prezzijiet jitolbu. Ifhem il-bidliet u kif tkompli tikseb l-istess ħlasijiet.

Bħalissa, kemm il-hosts kif ukoll il-klijenti, normalment iħallsu t-tariffi tas-servizz. Minħabba f'hekk, int qed titlob prezz imma l-klijenti jispiċċaw iħallsu prezz ogħla li jiġbor fih it-tariffa tas-servizz tagħhom.

Nhar is-27 ta' Ottubru se naqilbu lill-hosts li jużaw is-software biex jieħdu ħsieb il-propjetà tagħhom jew is-software biex jieħdu ħsieb il-bookings għal tariffa waħda fejn il-hosts jitolbu l-prezz li se nuru lill-klijenti u li l-klijenti se jintalbu jħallsu. Importanti li tkun taf x'qed jintalbu jħallsu l-klijenti tiegħek biex b'hekk titlob dejjem prezz kompetittiv.

• Tariffa maqsuma: Bħalissa qed niġbru 3% mill-prezz li titlob biex naħdmulek il-ħlas li għandna nibagħtulek.* Barra minn hekk, il-klijenti jħallsu tariffa tas-servizz ta' bejn 14.1% u 16.5% li nżidu mal-prezz li titlob. Ngħidu aħna, jekk qed titlob €100 kull lejl, int se ddaħħal €97 u l-klijent se jħallas madwar €115.
• Tariffa waħda: Nhar is-27 ta' Ottubru, biex naħdmulek il-ħlas, se nnaqsu tariffa tas-servizz ta' 15.5% mill-prezz li qed titlob. Wasalna għal dit-tariffa waħdanija wara li qisna t-tariffi tas-servizzi medji madwar id-dinja li bħalissa qed jinqasmu bejn il-hosts u l-klijenti. Ngħidu aħna, jekk tibdel il-prezz tal-listing għal €115 biex taddattah għat-tariffa waħdanija, int se ddaħħal €97.18 u l-klijenti tiegħek se jħallsu €115.

Fiż-żewġ eżempji, dak li ddaħħal u dak li l-klijenti jħallsu huwa l-istess.

Qis jekk tixtieqx tagħmel xi bidliet fil-prezzijiet tal-kont tiegħek biex taddattahom għall-ħidma l-ġdida tat-tariffi.

• Irranġa l-prezzijiet tiegħek: Nissuġġerulek tibdel il-prezzijiet tal-listing biex il-ħlasijiet tiegħek u s-somma li jħallsu l-klijenti ma jinbidlux. Kif semmejna hawn fuq, jekk tibdel il-prezz tal-listing minn €100 għal €115, int se ddaħħal €97.18 u l-klijenti tiegħek se jħallsu €115.
• Tibdilx il-prezzijiet tal-listings tiegħek: Jekk ma tirranġax il-prezzijiet li qed titlob, il-klijenti se jħallsu inqas u int tispiċċa ddaħħal inqas flus kull lejl. Ngħidu aħna, jekk tkompli titlob €100, wara li nnaqsulek it-tariffa ta' 15.5%, se ddaħħal €84.50. Il-klijenti tiegħek se jħallsu €100.

Jekk tixtieq tirranġa l-prezzijiet, agħmel il-bidliet bis-software li tuża biex tieħu ħsieb il-propjetà nhar is-27 ta' Ottubru. Imbagħad ara li l-prezzijiet li qed titlob, fosthom l-iskontijiet u l-offerti, qed jintwerew kif suppost fuq is-software u l-pjattaformi li tuża.

Jekk tagħżel li tibdel il-prezzijiet qabel is-27 ta' Ottubru, jeħtieġlek tibdel it-tariffa għal tariffa tas-servizz waħda int stess mit-taqsima Pagamenti tal-kont ta' Airbnb tiegħek.

It-tariffi tas-servizz jagħmlu tajjeb għan-nefqiet għall-prodotti u s-servizzi ta' Airbnb fosthom biex nipproċessaw il-pagamenti, biex nirriklamaw il-pjattaforma tagħna u biex nagħtu s-servizz tal-għajnuna lill-klijenti. Il-bidla fil-mod kif naħdmu t-tariffi għal tariffa waħda hija parti mill-impenn ta' Airbnb li jkollha prezzijiet iktar trasparenti.

Sir af iktar dwar it-tariffi tas-servizz ta' Airbnb.

*Xi hosts iħallsu iktar, fosthom xi hosts bil-listings ġewwa l-Italja u l-Brażil.

It-tariffi tas-servizz huma perċentwali tal-prezz li titlob għal kull lejl flimkien mat-tariffi l-oħra li taf żidt, bħat-tariffa għat-tindif.

F'xi pajjiżi u reġjuni, it-taxxi diġà parti mill-prezz totali li nuru. Il-prezz totali jiġbor fih it-taxxi u jintwera dejjem meta tiġi biex tħallas.

L-іnfоrmаzzјоnі f'dаl‐аrtіklu tаf lаħqеt іnbіdlеt mіnn mеtа ġіе ррubblіkаt.