Kif jaħdmu l-assigurazzjoni tal-vjaġġi u s-servizzi tal-għajnuna
L-emerġenzi u l-problemi mhux mistennija huma affarijiet li jistgħu jseħħu u għalhekk Airbnb tagħti l-assigurazzjoni tal-vjaġġi u s-servizzi tal-għajnuna.
Huma u jibbukkjaw vjaġġ, il-klijenti li jgħixu ġewwa l-Istati Uniti tal-Amerka jew f'xi provinċji u territorji tal-Kanada jistgħu jassiguraw il-bookings tagħhom kontra xi riskji. Jekk jikkanċellaw minħabba xi raġuni mħarsa bil-polza, se jkunu jistgħu jressqu talba lill-kumpanija tal-assigurazzjoni biex jiksbu kumpens għall-flus li jkunu ħallsu lil Airbnb u ma jkunux kisbu lura.
Dil-ħaġa tista' tnaqqas is-sitwazzjonijiet fejn klijent jitlob lill-Host iħallsu lura iktar flus minn dak li jkollu l-jedd għalih skont il-politika ta' kanċellazzjoni.
Kif il-klijenti jixtru l-ħarsien tal-vjaġġ
L-assigurazzjoni tal-vjaġġi u s-servizzi tal-għajnuna disponibbli biss għall-klijenti li joqogħdu ġewwa l-Istati Uniti tal-Amerka jew il-Kanada (ħlief dawk li joqogħdu ġewwa Quebec u Nunavut).
Il-klijenti minn dawn il-pajjiż u pajjiżi eliġibbli oħra se jkollhom l-għażla li jixtru ħarsien għall-vjaġġ tagħhom fuq Airbnb qabel jikkonfermaw u jħallsu għall-booking. Il-klijenti li joqogħdu ġewwa l-Istati Uniti tal-Amerka jistgħu wkoll iżidu l-ħarsien tal-vjaġġ wara l-booking. Qabel jixtru l-polza, il-klijenti jistgħu jaqraw id-dettalji ġenerali dwar x'inhu u x'mhux imħares mill-polza.
Il-klijent iħallas perċentwali tan-nefqa tal-booking għall-ħarsien tal-vjaġġ. Il-polza tiġbor fiha s-servizzi tal-għajnuna bħal spejjeż mediċi, għajnuna bil-vjaġġ u għajnuna f'każ ta' serq tal-identità.
Il-klijenti li jixtru l-ħarsien tal-vjaġġ se jirċievu email ta' konferma bid-dettalji tal-polza u l-informazzjoni ta' kif għandhom jagħmlu biex iressqu talba.
Skont il-post fejn ikunu joqogħdu l-klijenti, il-poloz se jinħarġu jew mill-fergħa tal-Istati Uniti tal-Amerka ta' Generali jew mill-fergħa Kanadiża ta' Europ Assistance S.A. It-tnejn li huma jagħmlu parti minn Assicurazioni Generali S.p.A., waħda mill-ikbar kumpaniji tal-assigurazzjoni b'fergħat f'ħafna pajjiżi.
X'jaqa' taħt l-assigurazzjoni tal-vjaġġi
L-assigurazzjoni tal-vjaġġ iżżid il-ħarsien għall-klijenti, fosthom billi tagħmel tajjeb għal 100% tan-nefqiet marbuta mal-booking li ma jitħallsux lura jekk il-booking ma jintużax minħabba ċerti avvenimenti bħal temp qalil ħafna jew mard serju.
Ngħidu aħna, jekk il-Host iħallas lura 50% tal-booking ta' klijent skont il-politika ta' kanċellazzjoni tal-listing, meta klijent jikkanċella għal raġuni mħarsa mill-polza, l-assigurazzjoni tal-vjaġġ tista' tħallas lura l-bqija tal-50% (jew parti minnhom). Il-kumpanija tal-assigurazzjoni mhix se tipprova tikseb il-flus mingħand il-Host biex tagħmel tajjeb għat-talba tal-klijent.
Il-ħarsien u r-regoli tal-polza jiddependu minn fejn joqgħod il-klijent. Tista' tikseb iktar dettalji miċ-Ċentru tal-Għajnuna:
L-assigurazzjoni tal-vjaġġi u s-servizzi tal-għajnuna mhux l-istess bħal AirCover għall-klijenti, ħarsien li nagħtu għal kull booking. AirCover iħares lill-klijenti minn problemi mhux mistennija bħal meta l-listings ma jkunux ġenwini jew meta ma jkunux jistgħu jagħmlu ċ-checkin fil-listing.
Għal dawk li joqogħdu ġewwa l-Istati Uniti tal-Amerka: Il-polza għall-ħarsien tal-vjaġġ tinħareġ minn Airbnb Insurance Agency LLC, 222 Broadway, Floor 26, New York, NY 10038, l-Istati Uniti tal-Amerka (bin-numru tal-liċenzja ta' California 6001912) li hija kumpanija awtorizzata bħala aġenzija tal-assigurazzjoni fl-istati kollha tal-Istati Uniti tal-Amerka u d-Distrett ta' Columbia u l-poloz tal-assigurazzjoni huma sottoskritti mill-fergħa tal-Istati Uniti tal-Amerka ta' Generali (NAIC #11231) li hija reġistrata ġewwa New York, NY. L-informazzjoni dwar il-ħarsien u s-servizzi tal-għajnuna tal-polza tal-assigurazzjoni hija waħda ġenerali u kull polza li tinħareġ jaf ikollha xi kundizzjonijiet u esklużjonijiet oħra.
Għal dawk li joqogħdu l-Kanada (bl-eċċezzjoni ta' Quebec u Nunavut): L-assigurazzjoni tal-vjaġġi qed tinbiegħ minn Airbnb Canada Insurance Services Inc. u hija sottoskritta mill-fergħa Kanadiża ta' Europ Assistance S.A. Airbnb Canada Insurance Services Inc. hija awtorizzata bħala aġenzija tal-assigurazzjoni u l-uffiċċju ewlieni tagħha jinsab fl-indirizz 1600-925 West Georgia Street, Vancouver, BC V6C 3L2, il-Kanada. Il-benefiċċji u s-servizzi tal-assigurazzjoni tal-vjaġġi għandhom xi regoli, kundizzjonijiet u esklużjonijiet marbutin magħhom.
L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.