Kif għandek iġġib ruħek meta xi ħadd jiktiblek review bi tpattija

Il-Hosts għandhom ikunu jistgħu jħossuhom komdi jilqgħu n-nies mingħajr ma jkollhom għalfejn jinkwetaw li dawn jiktbulhom review bi tpattija. Dejjem tista' titlobna nneħħu review li taħseb li tikser il-Politika tar-Reviews tagħna bħal, ngħidu aħna, review miktuba bi tpattija.

Ir-reviews miktuba bi tpattija huma reviews preġudikati li l-klijenti jafu jiktbulek wara li tirrapporta li wettqu ksur gravi ta' xi politika bħal:

• Li jkunu għamlu l-ħsara fil-propjetà tiegħek
• Li ma jkunux ħarġu mill-post wara li l-booking intemm
• Li jkunu kisru r-regoli tad-dar standard tiegħek
• Li jkunu għamlu party jew avveniment bla permess fil-post tiegħek

Ejja ngħidu li klijent jikser ir-regoli tad-dar tiegħek u jpejjep fid-dar. Int tgħarraf lill-klijent li sibt il-biċċiet tas-sigaretti fis-salott u tressaq talba għall-kumpens għat-tindif fil-fond. Il-klijent ma jaċċettax li jħallas u jiktiblek review ħażina. Se tkun tista' titlobna nħassru dir-review u aħna se niċċekkjaw jekk tkunx review li tista' titneħħa.

Sir af kif titlobna nneħħu review

Il-fatt li titlobna nneħħu review ma tfissirx li se titneħħa. Ѕе nіtоlbuk tgħіdіlnа għаlіех іr‐rеvіеw tіkѕеr іl‐Роlіtіkа tаr‐Rеvіеwѕ tаgħnа. Se tkun tista' tagħtina iktar dettalji u provi bħal ritratti jew konverżazzjonijiet mal-klijenti dwar il-ksur tal-politika.

Il-provi tiegħek jeħtiġuk turi sew li kien hemm ksur tal-politika. Għandhom juru ċar ukoll li l-fatt li rrappurtajt ksur ta' politika lil Airbnb u/jew lill-klijent wassal biex tinkitiblek review bi tpattija.

Nissuġġerulek tikkomunika mal-klijenti mit-tab Messaġġi biss ħalli t-Tim tal-Għajnuna ta' Airbnb jkun jista' jsib dal-provi malajr.

Il-hosts qalulna li l-politika għar-reviews miktuba bi tpattija tagħna għenithom jilqgħu n-nies b'moħħhom mistrieħ. Leanne, host, qaltilna li review li klijent kitbilha bi tpattija fuq il-listing tagħha "tqieset u tneħħiet mingħajr telf ta' żmien wara li ressaqt it-talba. Ħassejt li Airbnb ma ħallitnix waħdi."

L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.