L-iktar 10 bidliet importanti fl-Aġġornament tax-Xitwa 2022 ta' Airbnb
Nota tal-editur: Dan l-artiklu ġie ppubblikat bħala parti mill-Aġġornament ta' Airbnb: Xitwa 2022. L-informazzjoni jaf laħqet inbidlet minn meta dal-artiklu ġie ppubblikat. Sir af iktar dwar l-aħħar verżjoni tas-servizz tagħna.
Matul l-aħħar sena, intom il-Hosts qsamtu ħafna ħsibijiet u kummenti magħna. Smajna dawn il-ħsibijiet u l-kummenti u għamilna xi bidliet biex intejbu l-esperjenza tagħkom meta tiġu biex tilqgħu n-nies.
AirCover għall-Hosts
1. Ħarsien ikbar minn AirCover: AirCover għall-Hosts issa jħares il-karozzi u d-dgħajjes ipparkjati fil-post tiegħek u joffri ħarsien ikbar għall-biċċiet tal-arti u l-oġġetti ta' valur. Qed inkabbru l-ħarsien kontra ħsara, minn $1 miljun USD sa $3 miljun USD.
2. Verifika tal-identità tal-klijenti: Il-verifika tal-identità issa qed titwettaq għall-klijenti kollha li qed jibbukkjaw fl-iktar 35 pajjiż u reġjun popolari magħna, jiġifieri għal madwar 90% tal-bookings kollha li jsiru fuq Airbnb. Se nibdew inniedu dil-ħaġa madwar id-dinja kollha fil-bidu tal-2023.
3. Għarbiel tal-bookings: Bnejna teknoloġija li tgħarbel il-bookings u tfittex mijiet ta' sinjali biex tipprova tifhem jekk booking għandux ċans ikbar ta' parties mingħajr permess jew ħsara lill-propjetà. Wara li ħadmet sew meta ppruvajnieha ġewwa l-Awstralja, se nkunu qed inniedu t-teknoloġija tal-għarbiel tal-bookings ġewwa l-Istati Uniti tal-Amerka u l-Kanada u se nkunu qed noffruha għall-bookings fil-bqija tad-dinja fil-bidu tal-2023.
4. Proċess ta' kumpens eħfef: Tista' tressaq talba għall-ħlas lura fi ftit passi biss.
Regoli bażi għall-klijenti
5. Nistennew iktar responsabbiltà mingħand il-klijenti: Qed inniedu r-regoli bażi għall-klijenti, standards obbligatorji ġodda li jorbtu lill-klijenti biex jirrispettaw darek u jobdu r-regoli tad-dar tiegħek. Kull klijent jeħtieġlu jaqbel ma' dar-regoli bażi. Aħna se norbtu lill-klijenti biex jimxu mar-regoli permezz tal-edukazzjoni, tas-sospensjoni tal-kont u f'każijiet iktar serji, tat-tneħħija tal-kont.
Titjib fis-sistema tar-reviews
6. Reviews dettaljati dwar il-klijenti: Se tkun tista' tikteb reviews iktar dettaljati wara żjara ta' klijent u se tkun tista' taqra iktar informazzjoni mogħtija minn Hosts oħra dwar il-klijenti. Il-kummenti u l-ħsibijiet tiegħek se jgħinuna ngħarfu liema klijenti ma jobdux ir-regoli bażi.
7. Ħarsien kontra reviews miktuba bi tpattija: Se tkun tista' titlobna nħassru kull review miktuba bi tpattija, inkitbet meta nkitbet. Dawn jinkludu reviews mingħand klijenti li jiksru b'mod serju r-regoli tad-dar standard tiegħek, li jorganizzaw party fil-post tiegħek, li jagħmlu ħsara fil-propjetà tiegħek u li ma jkunux iridu joħorġu mill-post wara li jintemm il-booking.
Ħlas Malajr
8. Titħallas iktar malajr: Ħlas Malajr, metodu tal-ħlas ġdid, jagħtik aċċess għal flusek f'mhux iktar minn nofs siegħa wara li Airbnb tibgħatlek il-ħlas, anki fil-btajjel u tmiem il-ġimgħa. Ħlas Malajr huwa disponibbli ġewwa l-Istati Uniti tal-Amerka dis-sena għal tariffa ta' 1.5%, imma mhux iktar minn $15 USD għal kull ħlas.
Aqra d-dettalji dwar Ħlas MalajrKatergoriji ta' Airbnb
9. Għodod għall-kategoriji: Mill-bidu tal-2023 se tkun tista' ssib malajr f'liema kategorija jinsab il-listing tiegħek. Se tkun tista' żżid iktar dettalji dwar dak li joffri l-post tiegħek biex il-listing tiegħek jitqiegħed fil-kategorija t-tajba.
10. Kategoriji ġodda: Żidna kategoriji ġodda biex ngħinu lill-klijenti jiskopru iktar tipi ta' listings. Il-Kategoriji ta' Airbnb il-ġodda huma Ġodda, Popolari, Hanoks, Fil-Quċċata, Dħul Mingħajr Taraġ, Logħob u Kmamar Privati.
Aqra l-aħbarijiet dwar il-Kategoriji ta' Airbnb
Taf b'xi ħadd li jitħajjar jibda jilqa' n-nies? Għidlu b'Airbnb Setup—mod ġdid u ħafif kif itellgħu l-listing tagħhom fuq Airbnb b'għajnuna personalizzata mingħand Superhost.
Jekk tixtieq taqsam xi ħsibijiet magħna dwar dal-aħħar aġġornament, aħna dejjem lesti nisimgħuk. Jekk jogħġobok aqsam il-ħsibijiet u l-kummenti tiegħek magħna.
Aqra l-gwida tagħna dwar l-Aġġornament tax-Xitwa 2002 ta' Airbnb
Il-programmi Ħarsien mill-ħsara għall-Hosts, Assigurazzjoni għar-Responsabbiltà tal-Hosts u Assigurazzjoni għar-Responsabbiltà tal-Esperjenzi ta' AirCover għall-Hosts la jgħoddu għall-Hosts li jiksbu l-bookings mingħand Airbnb Travel LLC u lanqas għall-Hosts tal-postijiet fejn toqgħod jew għall-Organizzaturi tal-Esperjenzi ġewwa l-Ġappun għax dawn tal-aħħar imħarsa mill-Assigurazzjoni tal-Hosts tal-Ġappun u l-Assigurazzjoni għar-Responsabbiltà tal-Esperjenzi tal-Ġappun. Il-Hosts u l-Organizzaturi li joffru l-postijiet fejn toqgħod u l-Esperjenzi ġewwa ċ-Ċina kontinentali huma mħarsa mill-Polza għall-Ħarsien tal-Hosts ġewwa ċ-Ċina. Żomm f'moħħok li l-limiti tal-ħarsien qed jintwerew kollha bil-munita USD.
Il-programm Ħarsien mill-ħsara għall-Hosts la huwa assigurazzjoni u lanqas mhu marbut mal-Assigurazzjoni għar-responsabbiltà tal-Hosts. Għal-listings ġewwa l-Istat ta' Washington, l-obbligi kuntrattwali tal-Ħarsien mill-ħsara għall-Hosts ta' Airbnb huma mħarsa minn polza tal-assigurazzjoni mixtrija minn Airbnb. Grazzi għall-programm Ħarsien mill-ħsara għall-Hosts, jekk il-klijenti jagħmlu xi ħsarat fil-propjetà tiegħek jew fi ħwejġek u ma jħallsukx għalihom, tista' tikseb kumpens għal dik il-ħsara.
Għall-Hosts li joqogħdu jew li bbażati barra l-Awstralja, Ħarsien mill-ħsara għall-Hosts jaqa' taħt dawn ir-regoli, kundizzjonijiet u limitazzjonijiet. Għall-Hosts li joqogħdu jew li bbażati ġewwa l-Awstralja, Ħarsien mill-ħsara għall-Hosts jaaqa' taħt dawn ir-regoli, kundizzjonijiet u limitazzjonijiet.
L-іnfоrmаzzјоnі f'dаl‐аrtіklu јаf lаħqеt іnbіdlеt mіnn mеtа ġіе ррubblіkаt.