Aġġorna r-ritratti tal-listing tiegħek

Żewġ fotografi professjonali jaqsmu ħames modi kif tista' tagħmel il-listing ta' Airbnb tiegħek jispikka.
Minn Airbnb f'did-data: 26 ta’ Lul 2022
7 minuti biex taqrah
Aġġornat f'did-data: 26 ta’ Lul 2022

Punti ewlenin

  • Agħżel ritratt tal-qoxra li jagħti stampa tal-karattru tal-ispazju tiegħek

  • Żbarazza, ħu r-ritratt fuq il-livell tal-għajnejn u żomm f'moħħok xi trid li jintwera fir-ritratt

  • Skopri iktar fil-gwida kompluta tagħna dwar kif ittejjeb il-mod ta' kif tilqa' n-nies

    Kont taf li r-ritratti huma wieħed mill-fatturi ewlenin li l-klijenti jqisu huma u jagħżlu post fejn joqogħdu? Il-kwalità tar-ritratti tista' wkoll taffettwa kemm ta' sikwit in-nies isibu l-listing tiegħek fir-riżultati tat-tiftix—għalhekk ritratti ta' kwalità għolja huma importanti immens għan-negozju tal-ospitalità tiegħek.

    Jeff u Candida huma fotografi professjonali u Superhosts li jużaw il-kreattività tagħhom biex jiksbu iktar bookings għal El Rancho, il-post fejn toqgħod li joffru fid-deżert ġewwa Joshua Tree, California. Is-sigriet tagħhom huwa li jużaw ritratti li juru l-post sabiħ daqs kemm hu sabiħ fil-verità.

    Hawnhekk il-koppja se jaqsmu l-pariri esperti tagħhom biex jgħinuk ittejjeb ir-ritratti tal-listing tiegħek.

    1. Neħħi l-imbarazz

    Qabel tieħu r-ritratti tal-ispazju tiegħek, ara li tiżbarazza sew kullimkien. "Kultant nibqgħu skantanti b'kemm nies jinsew jiżbarazzaw l-ispazju tagħhom qabel jieħdu r-ritratti," jgħid Jeff. "Aħna nippruvaw ma nħallux imbarazz fl-ispazji ta' fejn ngħixu għalhekk tkunilna eħfef nieħdu r-ritratti li nixtiequ mingħajr ħafna xogħol żejjed."

    B'daqshekk ma jfissirx li l-ispazju tiegħek għandu jitħalla għeri. "Żid element uman fir-ritratt," tgħid Candida, bħal kutra jew ftit kotba fuq xulxin. "B'hekk il-post tiegħek jinħass post li jilqgħek aħjar."

    2. Agħżel xi trid bħala s-suġġett tar-ritratt tal-qoxra tiegħek

    Ir-ritratt tal-qoxra tal-ispazju tiegħek se jkun l-ewwel ħaġa li jaraw il-vjaġġaturi fir-riżultati tat-tiftix u fuq il-paġna tal-listing tiegħek—għalhekk ipprova agħżel ritratt li jagħti impressjoni tajba.

    "Aħseb ftit dwar dak li jagħmel l-ispazju tiegħek differenti minn spazji oħra. X'jagħmlu speċjali? Taħseb li n-nies se jkunu jistgħu jimmaġinaw lilhom infushom hawn? Esplora listings ta' Airbnb oħra biex tispira ruħek u ssib x'jaħdem," tissuġġerixxi Candida.

    Ħu r-ritratti taż-żoni speċjali li jafu jħajru lill-klijenti jibbukkjaw il-listing tiegħek, pereżempju ritratt li juri kemm għandek spazju fuq barra fil-propjetà tiegħek.

    3. Ara li jkollok dawl tajjeb

    "Is-sigriet ta' ritratti mill-aqwa għal-listings huwa d-dawl," tgħid Candida. Dawn huma ftit suġġerimenti fuq kif tieħu ritratti tal-ispazju tiegħek bl-aħjar dawl:

    • Ifhem id-dawl fl-ispazju tiegħek. Esperimenta u esplora kif inhu d-dawl naturali ġewwa u barra d-dar tiegħek matul il-jum.
    • Ħu r-ritratti waqt inżul jew tlugħ ix-xemx. Meta tkun qed tieħu xi ritratti fuq barra, ħu r-ritratti eżatt wara tlugħ, jew eżatt qabel inżul ix-xemx—ħinijiet magħrufa bħala s-sigħat tad-deheb. Id-dawl ikun inqas qawwi u inqas dirett u għalhekk il-propjetà tiegħek tidher isbaħ u tieħu xeħta iktar kennija.
    • Aħdem id f'id man-natura. Jekk qed tieħu r-ritratti fuq ġewwa, sib ħin matul il-jum meta jkollok l-iktar dawl dirett u naturali. Id-dawl artifiċjali għandu dejjem ikun l-aħħar għażla għax ħafna drabi jidher qawwi wisq fir-ritratti.
    • Itfi l-flash. Il-flash, bħad-dawl artifiċjali l-ieħor, jista' joħloq effett ikrah fl-istampa tal-propjetà li tkun qed tipprova tagħti. Jekk l-ispazju li tkun qed tieħu r-ritratti tiegħu ma jkollux dawl naturali, oħloq atmosfera li tilqgħek billi tixgħel lampa.

    4. Aħseb xi trid li jintwera fir-ritratt

    Meta tiġi biex tieħu ritratt ta' kwalità, l-istruttura tar-ritratt—bħall-orjentament, id-daqs, ix-xena u s-simetrija—hija importanti daqs is-suġġett. Dawn huma xi pariri li tista' tqis int u toħloq l-istruttura tar-ritratt:

    • Żomm is-suġġett tar-ritratt f'nofs l-istampa. Żomm f'moħħok li Airbnb tqasqas ir-ritratti skont l-ispazju disponibbli fuq il-paġna tal-listing u tar-riżultati tat-tiftix. Dejjem għandek iżżomm is-suġġett f'nofs l-istampa biex ma tintilef l-ebda parti importanti mir-ritratt. "Jekk fid-dar għandek xi oġġetti għal qalbek, ara li jkunu f'nofs ir-ritratt biex b'hekk ikunu jistgħu jispikkaw," jgħid Jeff.
    • Ħu r-ritratt fuq l-istess livell tal-għajnejn. Meta tieħu ritratt minn angolu newtrali—mingħajr tgħawwiġ jew mingħajr ma tkun qed tħares minn fuq jew isfel—tkun qed tgħin biex ir-ritratt ikun iktar bilanċjat u biex il-klijenti jifhmu aħjar kif se jkun l-ispazju meta jidħlu fih.
    • Uża r-regoli tat-terzi. "Jekk taqsam ir-ritratt tiegħek f'terzi, tista' tużahom biex jgħinuk tibni l-istruttura tar-ritratt tiegħek," jgħid Jeff.
    • Ħu tipi ta' ritratti differenti. Ir-ritratti b'xena ikbar jgħinu lin-nies jifhmu aħjar id-daqs tal-kamra filwaqt li r-ritratti meħuda iktar fil-qrib jgħinu biex in-nies jiffukaw fuq suġġetti partikolari bħat-TV jew rota tal-eżerċizzju. Ir-ritratti l-iktar mill-qrib ħallihom għal dawk id-dettalji żgħar li juru l-karattru tal-ispazju tiegħek.
    • Dawwar lill-klijenti mal-post. Qis il-gallerija tar-ritratti tal-listing daqs li kienet dawra mad-dar tiegħek u uża r-ritratti biex turi lil dawk li qed jitħajru jibbukkjaw il-post kif inhu mqassam il-listing tiegħek.

    5. Uri l-ispazju tiegħek

    Int u tagħżel xi ddaħħal u x'ma ddaħħalx fir-ritratti, aħseb bħalma jaħseb klijent.

    "Importanti li toħloq u tagħżel firxa ta' ritratti li jirrakkontaw l-istorja tiegħek bl-aħjar mod," tgħid Candida. "X'se jolqot l-iktar lill-klijenti mill-ispazju tiegħek? Hemm xi sorpriżi li jeħtieġ ikunu jafu dwarhom? Kif tista' turi d-dettalji imma xorta tagħti idea ġenerali ta' kif tidher il-kamra?"

    Żomm f'moħħok li int u tgħid l-istorja tiegħek, importanti li turi stampa ikbar taż-żona tal-madwar. "Mhux bilfors li kull ritratt ikun tad-dar tiegħek," jgħid Jeff. Tista' pereżempju ttella' ritratti tal-mogħdija għall-mixjiet fit-tul li hemm qrib il-post tiegħek, jew tal-ħanut tal-kafè li tant tħobb li hemm fil-kantuniera.

    L-iktar ħaġa importanti hi li, int u taqsam l-ispazju u l-viċinat tiegħek, tuża ritratti ta' kwalità għolja biex tgħin lil dawk li qed jitħajru jibbukkjaw miegħek jimmaġinaw lilhom infushom fil-post tiegħek u jibbukkjaw il-post tiegħek għal żjara mill-isbaħ.

    L-informazzjoni li tinsab f'dal-artiklu jista' jkun li nbidlet minn meta ġiet ippubblikata.


    Punti ewlenin

    • Agħżel ritratt tal-qoxra li jagħti stampa tal-karattru tal-ispazju tiegħek

    • Żbarazza, ħu r-ritratt fuq il-livell tal-għajnejn u żomm f'moħħok xi trid li jintwera fir-ritratt

    • Skopri iktar fil-gwida kompluta tagħna dwar kif ittejjeb il-mod ta' kif tilqa' n-nies

      Airbnb
      26 ta’ Lul 2022
      Dan kien ta' għajnuna għalik?